Zeremi 36:3 - Labib An Kreol Seselwa

³ Kekfwa bann zabitan Zida ava antann tou sa bann maler ki mon annan lentansyon anvoy lo zot, pour ki zot sanz zot move mannyer viv. Alor mon ava pardonn zot pour zot fot ek zot pese.

Zeremi 36:3 ပူးပေါင်းရင်းမြစ်များ

Nehemi 1:9

Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.

Psonm 139:24

Gete si mon lo bon semen e gid mwan lo semen leternite.

Ezai 6:10

Angourdi leker sa pep. Rann zot sourd! Rann zot aveg, pour ki zot pa war avek zot lizye, pa antann avek zot zorey e konpran avek zot leker! Zot pa ava retourn kot mwan e ganny geri!

Zeremi 18:11

Aprezan, al dir pep Zida e bann zabitan Zerizalenm ki mon pe mazin en maler pour zot, ki mon pe fer en plan kont zot. Sakenn i devre sorti dan son move lavi; sanz son mannyer viv ek son mannyer fer.

Zeremi 18:8

Me si sa nasyon i repanti e sanz son mannyer viv, mwan osi mon pa pou egzekit sa ki mon ti'n deside pou fer.

Zeremi 23:14

Me mon'n war bann profet dan Zerizalenm fer keksoz degoutan: Zot komet adilter e zot viv dan mansonz. Zot ankouraz dimoun kontinyen fer sa ki mal, e personn pa sanz son mannyer fer. Pour mwan, zot osi move ki bann zabitan Sodonm ek Gomor.

Zeremi 24:7

Mon pou donn zot en leker, pour ki zot rekonnet ki mwan SENYER. Zot ava retourn kot mwan avek tou zot leker. Zot ava mon pep e mwan, mon pou zot Bondye.

Zeremi 26:3

Petet, enn apre lot, lepep ava ekoute e sanz zot move mannyer fer. Alor, mon pa ava detri zot parey mon ti'n deside, pour zot bann move mannyer fer.

Zeremi 35:15

Mon'n touzour anvoy bann profet, mon bann serviter, pou dir zot: Sakenn parmi zot, abandonn zot move lavi, sanz zot konportman; aret ador lezot bondye. Alor, zot ava reste dan sa pei ki mon'n donn zot ek zot zanset. Me zot pa'n ekoute, ni pran ka.

Zeremi 36:7

Kekfwa zot ava priy SENYER e ki zot ava sanz zot lavi, akoz SENYER in menas sa pep avek en gran lakoler.

Ezekyel 12:3

Ou ki en imen, prepar ou bagaz koman en egzile. Al annegzil letan i ankor lizour pour dimoun war ou. Sorti kot ou reste, al annegzil dan en lot landrwa, devan zot lizye; petet zot ava konpran, menm si zot en pep rebel.

Ezekyel 18:23

Senyer BONDYE i deklare: Eski zot krwar i fer mwan plezir war lanmor bann malfeter? Sa ki mon oule, se ki plito zot abandonn zot bann move pratik e ki zot viv.

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Matye 13:15

Leker sa pep in vin ensansib; zot in bous zot zorey e zot in ferm zot lizye, pour zot pa war avek zot lizye, pour zot pa tande avek zot zorey, e pour zot pa konpran avek zot leker, pour ki zot pa retourn kot mwan pour mwan geri zot.

Mark 4:12

pour ki, menm si zot gete, zot pa pou war. Menm si zot ekoute, zot pa pou konpran. Pangar si zot konpran, zot ava konverti, e zot ava ganny pardonnen.”

Levanzil dapre Lik 20:13

Alor, propriyeter sa plantasyon rezen ti dir: Ki mon pou fer? Mon pou anvoy zot mon garson ki mon kontan. Petet zot ava montre respe pour li.

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

Akt de Zapot 28:27

Leker sa pep in vin ensansib. Zot in bous zot zorey, e zot in ferm zot lizye, pour zot lizye pa war, pour zot zorey pa tande, e pour zot leker pa konpran, pour ki zot pa retourn kot mwan pour mwan geri zot.

Akt de Zapot 3:19

Donk, sanz zot mannyer viv e retourn ver Bondye pour ki i pardonn zot, zot pese.

Deterononm 30:2

si ou retourn ver SENYER, ou Bondye, ou, avek ou bann zanfan, e obei li avek ou leker, avek ou et antye, egzakteman parey mon pe ordonn ou ozordi,

Deterononm 30:8

tandis ki ou, ou ava retourn ver SENYER; ou ava obei tou son bann komannman ki mon pe ordonn ou ozordi.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.

2 Pyer 3:9

Nou Senyer pa pe tarde pour realiz son promes parey serten i mazinen, me i pran pasyans anver zot. Annefe, i pa oule ki personn i ganny detri, me ki tou dimoun i repantir.

1 Samyel 7:3

Samyel ti dir pep Izrael antye, “Si zot retourn ver SENYER avek tou zot leker, fer disparet parmi zot tou sa bann bondye etranze, ek bann stati Astarte; si zot donn SENYER zot leker e servi zis li, alor, i ava delivre zot dan lanmen bann Filisten.”