Zeremi 34:9 - Labib An Kreol Seselwa

⁹ tou bann lesklav Ebre, zonm koman fanm. Personn pa ti devre fer lesklav okenn son konpatriyot Zwif.

Zeremi 34:9 ပူးပေါင်းရင်းမြစ်များ

Zenez 14:13

En zonm ki ti'n reisi sove ti al anons Abranm, sa Ebre, ki ti pe reste pre avek bann gran pye dibwa sakre Manmre, sa Amorit, frer Eskol ek Aner, ki ti bann alye Abranm.

Zenez 40:15

Annefe, mon ti ganny anmennen pardfors sorti dan pei bann Ebre, e isi osi, mon pa'n fer nanryen mal pour merit ganny met dan prizon.”

Egzod 2:6

Kan i ti ouver sa pannyen, i ti war en pti baba: En pti garson ki ti pe plere. I ti oule sov li, me i ti dir, “Sa en pti baba bann Ebre.”

Egzod 3:18

Zot pou ekout ou. Ansanm avek bann ansyen parmi pep Izrael, ou ava al kot lerwa Lezip e dir li: SENYER, Bondye bann Ebre in revel li avek nou. Aprezan, nou demann ou permisyon pour fer en vwayaz trwa zour dan dezer pour nou ofer en sakrifis an loner SENYER nou Bondye.

Zeremi 25:14

Mon pou fer bann Babilonyen peye pour sa ki zot in fer. Zot pou anba dominasyon bokou nasyon ek bann gran pwisans. Konmsa mon pou fer zot rann kont pour zot aksyon e ditor ki zot in fer.

Zeremi 27:7

Tou bann nasyon pou servi li, son garson ek son pti zanfan, ziska ler son zour ava vini. Alor, bann nasyon ek bann lerwa pli pwisan ki li pour fer li lesklav.

Zeremi 30:8

La sa ki SENYER liniver i deklare: Sa zour pe arive, kan mon pou kas sa bar dibwa ki i pe fer peze lo zot likou e mon pou kas bann lasenn ki gard zot lesklav. Konmsa, zot pou nepli servi bann etranze.

Zeremi 34:10

Tou bann sef ek zabitan Zerizalenm ki ti aksepte sa lakor pour liber zot lesklav, zonm oubyen fanm, e pa zanmen fer zot travay koman lesklav, ti obei e zot ti liber zot bann lesklav.

1 Korentyen 6:8

O kontrer, zot ki pratik lenzistis e ki vole; zot fer li, menm anver zot prop frer!

2 Korentyen 11:22

Eski zot Ebre? Mwan osi. Eski zot Izraelit? Mwan osi. Eski zot desandan Abrahanm? Mwan osi.

Deterononm 15:12

Si enn parmi ou bann frer Ebre, zonm oubyen fanm i vann son lekor avek ou, i ava servi ou pandan 6 an. Setyenm lannen, ou ava les li ale lib.

Filipyen 3:5

Mon ti ganny sirkonsi kan mon ti annan wit zour. Mon en vre Izraelit par nesans, mon sorti dan tribi Benzamen. Mon en vre Ebre e mon bann zanset, zot Ebre. Mon ti pratik Lalwa Zwif, koman en bon Farizyen.

1 Samyel 14:11

Alor, tou le de ti prezant zot devan post bann Filisten. Bann Filisten ti dir, “Gete! La bann Ebre pe sorti dan bann trou kot zot ti pe kasyet.”

1 Samyel 4:6

Bann Filisten ti antann sa tapaz laklamasyon e zot ti demande: Ki savedir sa tapaz dan kan pep Ebre? Zot ti aprann ki Kof SENYER ti'n ariv dan kan.

1 Samyel 4:9

Pep Filisten! Pran kouraz e azir koman bann zonm brav, pour ki zot pa vin lesklav bann Ebre, parey zot ti nou lesklav! Azir koman bann zonm brav e al lager.