Zeremi 33:9 - Labib An Kreol Seselwa

⁹ Alor, i ava en gran plezir pour mwan pronons sa non: Zerizalenm. Sa lavil pou fer mon loner e mon pou fyer devan tou bann pep lo later. Sak nasyon pou tranble avek lafreyer kan zot ava antann tou sa bann bon keksoz ki mon fer pour pep Zerizalenm e koman mon'n fer sa lavil prospere.

Zeremi 33:9 ပူးပေါင်းရင်းမြစ်များ

2 Kronik 20:29

Kan tou bann rwayonm ti tande ki mannyer SENYER in konbat bann lennmi Izrael, zot ti ganny gran lafreyer pour Bondye.

Nehemi 6:16

Kan tou nou bann lennmi ti antann sa, e ki bann nasyon otour nou ti war sa miray, zot ti kanmi. Zot ti rekonnet ki sa travay ti'n ganny realize gras a led nou Bondye.

Ester 8:17

Dan sak provens e dan sak lavil, partou kot lord ek lalwa lerwa ti arive, bann Zwif ti dan lazwa; ti en zour lafet. Bokou parmi lepep dan pei ti deklar zot Zwif, akoz zot ti'n per bann Zwif.

Psonm 130:4

Me pardon i kot ou, e nou ava annan respe pour ou.

Psonm 40:3

I'n met en nouvo kantik lo mon lalev; en kantik pour loue nou Bondye. Bokou dimoun ki pou temwen, pou annan respe pour SENYER e met zot konfyans dan li.

Ezai 43:21

Sa pep ki mon'n formen zis pour mwan ava sant mon louanz.

Ezai 55:13

Pye sipre pou pous dan plas brousay; dan plas bann plant pikan, bann plant odoran pou pouse. Sa ava en loner pour SENYER, en siny pour touzour. I pa pou zanmen ganny detri.

Ezai 60:5

Ler ou pou war sa, ou pou ranpli avek lazwa; ou leker pou bate avek lemosyon, ou pou rezoui dan lazwa. Trezor bann zil lanmer pou ariv ziska kot ou e larises bann nasyon pou vin kot ou.

Ezai 62:1

Pour lanmour Siyon, mon pa pou gard silans. Pour lanmour Zerizalenm, mon pa pou reste trankil ziska ki lazistis i fer briye en nouvo zour e son delivrans parey en flanbo alimen.

Ezai 62:12

Zot pou ganny apele Pep Sen, Pep ki SENYER in libere. Ou pou ganny apele Mon Dezir, Lavil Swazi.

Ezai 62:4

Ou pou nepli ganny apele Abandonnen; ou later pou nepli ganny apele Dezolasyon. Me ou pou ganny apele Mon Plezir; ou later pou apel Madanm Marye, akoz ou fer plezir SENYER e later ava vin en mari pour li.

Ezai 62:7

Pa les li repoze ziska ki i akonpli son promes e fer li ganny renonmen partou lo later.

Ezai 64:2

Parey dife ki bril brousay, parey dife ki bwi delo, fer ou bann lennmi konnen ki ou ete; e bann nasyon ava tranble devan ou!

Zeremi 13:11

Annefe, SENYER i deklare, parey en zonm i ser en sang otour son leren, mon ti'n atas rwayonm Zida ek rwayonm Izrael otour mwan. Mon ti fer sa pour ki zot vin mon pep, en size loner e laglwar pour mwan. Me zot pa'n oule obei mwan.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Zeremi 24:6

Mon pou pran gran swen avek zot, e mon pou fer zot retourn dan sa pei. Olye demoli zot ankor, mon pou relev zot; olye derasin zot, mon pou replant zot.

Zeremi 26:6

alor, mon pour detri sa tanp parey mon ti fer kraz sa enn ki Silo e fer Zerizalenm vin en malediksyon pour tou bann nasyon ki lo later.

Zeremi 29:1

La let ki profet Zeremi ti anvoy depi Zerizalenm, kot restan bann ansyen, pret, profet, sef pei e tou leres dimoun ki Naboukodonozor ti'n deporte Babilonn koman prizonnyen depi Zerizalenm.

Zeremi 3:17

Kan sa zour i arive, Zerizalenm pou ganny apele Tronn SENYER e tou bann pep pou rasanble la, pour rankontre mwan. Zot pou nepli swiv dezir zot move leker.

Zeremi 3:19

SENYER i deklare: Mon ti'n deside plas ou parmi bann garson prefere e donn ou en zoli pei, pei ki pli zoli omonn. Mon'n oule ki zot apel mwan Papa e ava reste fidel anver mwan.

Zeremi 31:14

Mon pou nouri bann pret avek bokou lavyann gra. Mon pep pou rasazye avek mon bann byenfe, SENYER i deklare.

Zeremi 31:4

Izrael ki zoli! Mon pou rekonstri ou! Ou pou ganny remet lo ou de lipye. De nouvo, ou pou fer sorti ou bann tanbouren, e selebre dan lazwa avek bann danser.

Zeremi 32:42

La sa ki SENYER i deklare: Parey mon ti fer tou sa bann gran maler tonm lo sa pep, mon pou aprezan fer vin lo zot, tou boner ki mon'n promet li.

Zeremi 33:14

La sa ki SENYER i deklare: Sa bann zour pe vini, kan mon pou akonpli sa promes ki mon ti fer avek pep Izrael e avek pep Zida.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Zeremi 44:8

Akoz zot provok mon lakoler par zot bann move aksyon e par bann sakrifis an loner bann bondye dan pei Lezip, kot zot in vin reste? Sa ki zot pe fer, pe detri zot e fer zot vin en legzanp malediksyon ek laont pour tou bann nasyon dan lemonn.

Zeremi 49:25

Sa lavil ki otrefwa ti ere, in ganny abandonnen konpletman.

Ezekyel 26:20

Mon pou fer ou desann dan lemonn lanmor avek bann ki'n ale depi lontan. Mon pou fer ou reste dan profonder later. Parey bann rin lantikite, ou pou reste avek sa ki dan lemonn lanmor; ou pou nepli annan okenn zabitan e mon pou donn later bann vivan ou labote.

Ezekyel 36:35

Zot pou dir: Sa later devaste in vin koman zarden Edenn; bann lavil detri e abandonnen, aprezan, in ganny rekonstri e repeple.

Ezekyel 39:13

Tou dimoun dan pei pou anter zot. Zot pou fyer zour mon pou montre zot mon laglwar. Senyer BONDYE ki'n deklare.

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Zakari 1:17

Anons ankor sa mesaz: La sa ki SENYER liniver i deklare: Mon bann lavil pou ranpli ankor en fwa avek en kantite larises. Ankor en fwa, SENYER pou rekonfort Siyon e swazir Zerizalenm.

Zakari 12:2

Mon pou fer Zerizalenm vin parey en lakoup ki soul tou bann pep dan zalantour. Zida osi pou pas parey, kan Zerizalenm pou ganny anserkle.

Deterononm 30:5

SENYER, ou Bondye ava fer ou retourn dan pei ki ou bann zanset ti pran posesyon. I ava fer ou vin pli ris e pli nonbre ki ou bann zanset.