Zeremi 33:3 - Labib An Kreol Seselwa

³ Apel mwan e mon ava reponn ou; mon pou montre ou bann gran sekre ki ou pa konnen.

Zeremi 33:3 ပူးပေါင်းရင်းမြစ်များ

Psonm 145:18

SENYER i pre avek tou dimoun ki apel li; tou dimoun ki apel li avek senserite.

Psonm 25:14

SENYER i konfye son bann sekre avek sa enn ki obei li. I ava fer li konn son lalyans.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Ezai 45:3

Mon pou donn ou bann trezor ki dan landrwa fernwanr, bann larises dan bann landrwa sekre. Konmsa, ou ava konnen ki mwan menm SENYER, Bondye Izrael ki apel ou par ou non.

Ezai 48:6

Ou tande! Get tou sa ki'n arive. Eski ou pa pou anonse? Apartir konmela, mon pe fer ou antann bann keksoz nouvo, bann keksoz ki mon'n gard sekre e ki ou pa ti konnen.

Ezai 65:24

Avan ki zot apel mwan, mon pou reponn; parol pou ankor dan zot labous, mon pou'n fini tande.

Zeremi 23:35

O kontrer, zot devre demann zot zanmi ek zot frer: Ki larepons SENYER in donnen? Ki SENYER in dir?

Zeremi 29:12

Alor, ou ava envok mwan e ou ava kapab ale. Ou ava priy mwan e mon ava antann ou lapriyer.

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Zeremi 32:27

Mwan menm SENYER, Bondye tou dimoun. Napa nanryen ki tro difisil pour mwan.

Danyel 2:18

I ti demann zot pour rod konpasyon Bondye lesyel, konsernan sa rev mister, pour ki zot pa fer disparet Danyel ek son bann zanmi, ansanm avek leres bann saz dan Babilonn.

Danyel 2:22

I revel bann keksoz ki profon e bann ki sekre, I konnen sa ki kasyet dan fernwanr, akoz i antoure avek lalimyer.

Danyel 2:23

Bondye mon bann zanset! Mon montre mon rekonesans e louanz anver ou, akoz ou'n donn mwan lasazes ek pwisans, e la, ou'n revel mwan sa ki nou'n demann ou; ou'n revel nou sa ki lerwa in ordonnen.

Zoel 2:32

Sa zour la, sa enn ki envok SENYER, ava ganny sove, parey SENYER in promet Zerizalenm, lo montanny Siyon. Pou annan parmi bann sirvivan, en restan pep ki SENYER in apele.

Amos 3:7

Annefe, Senyer BONDYE pa fer nanryen, san revel son plan avek son bann serviter, bann profet!

Mise 7:15

Mon pou fer li war bann mervey parey dan lepok ki ou ti sorti Lezip.

Matye 13:35

pour ki parol profet i ganny realize: Mon pou koz an parabol. Mon pou anons sa ki'n reste sekre depi kreasyon lemonn.

Akt de Zapot 2:21

Alor, sa enn ki pou envok non Senyer, pou ganny sove.

1 Korentyen 1:2

Pour Legliz Bondye ki Korent, e pour sa bann ki'n ganny apele pour viv pour Bondye par lafwa dan Zezi-Kri; pour tou ki'n ganny apele dan non nou Senyer Zezi-Kri, zot Senyer e nou Senyer.

Efezyen 3:20

Anver sa enn ki annan pouvwar fer bokou plis ki sa ki nou demande, oubyen mazinen, par son pwisans ki azir dan nou,

Deterononm 4:29

Laba dan sa pei, ou pou rod SENYER, ou Bondye. Si ou rod li avek tou ou leker ek tou ou lespri, ou pou trouv li.

Deterononm 4:7

Annefe, lekel sa lot gran nasyon ki annan en bondye ki si pros avek li parey SENYER, nou Bondye, sak fwa ki nou apel li?

Revelasyon 2:17

Sa enn ki annan zorey! Ekout sa ki Lespri i dir avek bann Legliz. Sa bann ki ranport laviktwar, mon pou donn zot lamann ki'n ganny kasyet. E mon pou donn sakenn zot en pti ros blan. Lo sa ros, in ganny ekri en nouvo non ki personn pa konnen, eksepte sa enn ki resevwar sa non.