Zeremi 32:8 - Labib An Kreol Seselwa

⁸ Parey SENYER ti'n averti mwan, Hanameel pa ti tarde pour li vin war mwan dan lakour kordgard. I ti dir mwan: Aste mon morso later ki sitye Anatot, dan teritwar Benzamen. Annefe, ou mon fanmir pli pros e ou annan drwa aste avan lezot. Apre sa, mon ti sir ki SENYER ti'n vreman koz avek mwan.

Zeremi 32:8 ပူးပေါင်းရင်းမြစ်များ

1 Rwa 2:26

Lerwa ti dir pret Abiatar, “Kit Zerizalenm, al Anatot, lo ou propriyete, akoz ou merit lanmor; me mon pa pou fer li konmela. Ou ti anmenn Kof lalyans SENYER Bondye devan mon papa, David, e ou'n partisip dan tou bann soufrans mon papa.”

1 Rwa 22:25

Mise ti reponn li, “Ou ava war ou menm zour ou ava sorti dan en lasanm pour al dan en lot, pour esey kasyet ou.”

1 Kronik 6:60

Parmi bann tribi Benzamen: Geba, avek son bann laplenn; Alemet, avek son bann laplenn; Anatot, avek son bann laplenn. An tou 13 lavil dapre zot fanmir.

Zeremi 1:1

Sa liv i rakont sa ki Zeremi, garson Hilkiya, ti dir. Zeremi ti sorti dan en fanmir pret ki ti reste dan lavil Anatot, dan teritwar tribi Benzamen.

Zeremi 32:2

Dan sa letan, larme lerwa Babilonn ti pe anserkle Zerizalenm, e Zeremi ti prizonnyen dan lakour kordgard ki ti dan pale lerwa Zida,

Zeremi 32:25

Zerizalenm i pre pour li al tonm dan lanmen bann Babilonyen. Akoz alor, Senyer BONDYE, ou ti ordonn mwan aste sa morso later dan Anatot e pey son pri devan temwen?

Zeremi 32:7

Ou kouzen Hanameel, garson Saloum, pe vin war ou. I pou dir ou: Aste mon later ki sitye Anatot; ou annan en drwa preferansyel pour aste sa morso later.

Zeremi 33:1

Zeremi ti ankor dan lakour prizon, kan SENYER ti adres li en lot mesaz.

Zeremi 37:12

Zeremi ti oule kit Zerizalenm pour li al dan teritwar Benzamen, pour li pran posesyon son teritwar parmi son pep.

Ezekyel 12:7

Mon ti sorti avek mon bagaz parey SENYER ti'n ordonn mwan: Mon ti fer sorti mon bagaz lizour, koman en egzile; aswar, mon ti fer en trou dan miray avek mon prop lanmen. Mon ti met mon bagaz lo mon zepol devan zot e mon ti sorti dan fernwanr.

Zakari 11:11

Sa zour, sa lalyans ti ganny anile e bann marsan troupo ki ti pe obzerv mwan, ti konnen ki SENYER ti pe koz atraver mwan.

Levanzil dapre Zan 4:53

Alor, sa papa ti remarke ki ti sanmenm sa ler ki Zezi ti dir li: Ou garson pou viv. Sa zofisye ek son fanmir antye ti krwar dan Zezi.