Zeremi 32:5 - Labib An Kreol Seselwa

⁵ Sedesyas pou ganny deporte Babilonn kot i pou reste ziska zour mon ava azir an son faver. Menm si ou kontinyen fer lager kont bann Babilonyen, ou pou perdi, SENYER ki deklare.

Zeremi 32:5 ပူးပေါင်းရင်းမြစ်များ

2 Kronik 13:12

Bondye li menm i nou sef. Son bann pret avek zot tronpet i pare pour soufle lapel lager kont zot. Pep Izrael! Pa bezwen lager kont SENYER, Bondye zot zanset; zot pa pou ganny laviktwar.

2 Kronik 24:20

SENYER ti enspir Zakari, garson Yoyada, avek son lespri. Zakari ti debout devan lepep. I ti dir zot, “La sa ki Bondye i deklare: Zot in transgres komannman SENYER, zot pa kapab prospere. Akoz zot in abandonn SENYER, li osi in abandonn zot.”

Proverb 21:30

Napa okenn lasazes imen, okenn rezonnman, okenn konsey imen, ki kapab tenir devan SENYER.

Zeremi 2:37

Lezip osi, ou pou kit li dan laont, avek ou de lanmen lo latet. Mwan, SENYER, mon'n rezet sa bann dan ki ou ti'n met ou konfyans. Ou pa pou ganny nanryen avek zot.

Zeremi 27:22

Sa bann lobze pou ganny anmennen Babilonn. Zot pou reste laba ziska zour mon ava deside retourn zot isi, SENYER ki deklare.

Zeremi 32:24

Bann Babilonyen pe mont zot latak, pre avek lavil ki zot pou pran. Lager, lafanmin ek lepidemi pou fer lavil tonm dan zot lanmen. Parey ou war, tou sa ki ou ti dir pe ganny realize.

Zeremi 32:6

Zeremi ti dir: Parol SENYER ti ariv kot mwan:

Zeremi 33:5

Sa pou zis ranpli lavil avek en ta kadav sa bann dimoun ki mon pou detri dan mon gran lakoler. Bann zabitan Zerizalenm in komet en kantite move keksoz ki mon pa oule war.

Zeremi 37:10

Akoz, menm si ou bat tou bann gerye Babilonyen ki pe lager kont ou; menm si i reste zis gerye blese dan zot latant, zot pou sorti e met dife dan sa lavil.

Zeremi 39:4

Kan Sedesyas ek son bann gerye ti war sa ki pe pase, zot ti esey sove dan lannwit. An pasan par laport ant sa de miray, zot ti al dan zarden rwayal dan direksyon Araba.

Zeremi 39:5

Me bann gerye Babilonyen ti pourswiv zot e atrap Sedesyas dan laplenn pre Zeriko. Zot ti kaptir li e anmenn li Ribla dan teritwar Hamat kot lerwa Naboukodonozor. I ti pas santans kont li.

Zeremi 39:7

Apre, i ti fer krev lizye Sedesyas, fer atas li avek lasenn an bronz e fer anmenn li Babilonn.

Lamantasyon 1:14

I'n fer en pake avek mon bann pese ki i'n met lo mon zepol. I'n diminyen mon lafors. SENYER in livre mwan dan lanmen lennmi. Mon pa kapab defann mon lekor.

Ezekyel 12:12

Sa prens ki parmi zot, pou met son bagaz lo son zepol dan fernwanr e sorti; zot ava pers en trou dan miray pour fer li sorti. I ava kouver son figir pour li pa war pei.

Ezekyel 12:13

Mon pou met mon lasenn lo li e fer li pri dan mon pyez. Mon pou anmenn li Babilonn, dan pei bann Kaldeen. Me i pa pou war sa pei; i pou mor laba.

Ezekyel 17:15

Me i ti revolte kont li kan i ti anvoy bann anbasader Lezip pour demann seval ek en gran larme. Eski i pou reisi sov son lapo apre ki i'n fer en tel demars? Eski i kapab kas trete san fer fas avek son konsekans?

Nonm 14:41

Moiz ti dir zot, “Akoz zot pe dezobei lord ki SENYER in donnen? Sa pa pou reisi.