Zeremi 32:41 - Labib An Kreol Seselwa

⁴¹ Mon pou pran plezir fer zot dibyen. Mon pou met tou mon leker e mon et antye pour ki zot enstal zot definitivman dan sa pei.

Zeremi 32:41 ပူးပေါင်းရင်းမြစ်များ

Psonm 80:8

Ou'n pran en plan rezen Lezip. Ou'n sas son bann zabitan e ou'n replant li.

Ezai 60:21

Tou ou pep pou vin bann zis; zot pou pran posesyon sa later pour touzour. Zot boutir ki mon ti plante, travay mon lanmen, pour fer mon laglwar.

Ezai 62:4

Ou pou nepli ganny apele Abandonnen; ou later pou nepli ganny apele Dezolasyon. Me ou pou ganny apele Mon Plezir; ou later pou apel Madanm Marye, akoz ou fer plezir SENYER e later ava vin en mari pour li.

Ezai 62:5

Parey en zennonm i marye avek en zenn fiy, sa enn ki'n kree ou pou marye avek ou. Parey en nouvel marye i fer lazwa son mari, ou pou fer lazwa ou Bondye.

Ezai 65:19

Mon pou fer Zerizalenm vin sours mon lazwa e mon pou pran plezir dan mon pep. Pou nepli antann tapaz plere, ni bann kri detres dan Zerizalenm.

Zeremi 18:9

Parfwa, mon dir ki mon pou rekonstri e replant en nasyon oubyen en rwayonm.

Zeremi 24:6

Mon pou pran gran swen avek zot, e mon pou fer zot retourn dan sa pei. Olye demoli zot ankor, mon pou relev zot; olye derasin zot, mon pou replant zot.

Zeremi 31:28

Mon'n fer tou pour derasinen, koupe, demoli, detri e fer dimal sa pep. Me aprezan, mon pou fer tou pour li; konmsa, i pou ganny rekonstri e replante, SENYER i deklare.

Ezekyel 36:36

Alor, bann nasyon dan zalantour ki'n reste deryer, ava konnen ki mwan menm SENYER ki'n rekonstri sa ki ti'n ganny kraze e ki'n replant sa ki ti'n ganny devaste. Mwan, SENYER mon'n koze e mon pou fer li.

Oze 14:5

Mon pou vin en laroze pour Izrael; i pou fleri parey en lis; i pou pran rasin parey pye dibwa dan lafore Liban.

Amos 9:15

Mon pou retabli mon pep lo son later. Zanmen zot pou ganny derasinen lo sa later ki mon'n donn zot. SENYER zot Bondye ki deklare.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Sofoni 3:17

SENYER, ou Bondye i la avek ou, koman en gerye ki donn laviktwar. I dan gran lazwa akoz ou. Dan son lanmour, i pou donn ou en nouvo lavi; dan lazwa, i selebre akoz ou.

Deterononm 28:63

SENYER ti kontan fer ou prospere e vin nonbre. Li menm SENYER pou kontan anmenn ou dan larin ek destriksyon; ou pou ganny derasinen dan sa pei ki ou pe al pran posesyon.

Deterononm 30:9

SENYER, ou Bondye ava fer ou prospere en kantite dan tou sa ki ou ava antreprann. Ou ava ganny en kantite zanfan; ou bann bef, mouton, kabri ava ogmante, ou later ava prodwir bon rekolt. Annefe, parey i ti kontan ou bann zanset, SENYER ava kontan ou e fer ou prospere,