Zeremi 32:39 - Labib An Kreol Seselwa

³⁹ Mon pou donn zot en sel leker e en sel mannyer viv ki ava fer zot annan respe pour mwan, pour touzour. Sa i ava pour zot prop boner e osi pour boner zot bann desandan.

Zeremi 32:39 ပူးပေါင်းရင်းမြစ်များ

Zenez 17:7

“Mon pou etabli mon lalyans ant mwan ek ou e avek ou desandans apre ou, atraver tou zot zenerasyon. Sa lalyans ava dire pour touzour. Mon pou vin ou Bondye e Bondye tou ou desandans apre ou.

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Zenez 22:12

Lanz SENYER ti dir, “Pa fer nanryen sa garson, pa fer li okenn dimal. Aprezan, mon konnen ki ou annan respe pour Bondye, e ki ou pa'n refize ofer mwan ou garson, ou sel garson.”

2 Kronik 30:12

Dan rwayonm Zida osi, Bondye ti avek bann zabitan pour gard zot ini e dakor pour obei lord ki lerwa ek bann sef in donnen dapre parol SENYER.

Psonm 112:1

Loue SENYER! Byennere sa enn ki annan respe pour SENYER; i pran gran plezir pour son komannman.

Psonm 128:6

Ou pou war ou bann pti zanfan. Lape lo Izrael.

Psonm 86:11

SENYER! Montre mwan ou semen e mon ava mars dan ou laverite. Fer mon leker annan respe pour ou non.

Proverb 23:17

Pa zalou bann peser dan ou leker; me touzour annan respe anver SENYER,

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Ezai 52:8

Ekoute! Ou bann santinel i lev lavwa; ansanm, zot sant bann sanson lazwa, akoz avek zot prop lizye, zot war SENYER ki pe retourn Siyon.

Ezai 65:23

Zot pou nepli fatig zot pour nanryen, ni fer zanfan ki pou fer zot maler, akoz zot pou sa zenerasyon ki SENYER pou beni, avek osi son bann desandan.

Zeremi 24:7

Mon pou donn zot en leker, pour ki zot rekonnet ki mwan SENYER. Zot ava retourn kot mwan avek tou zot leker. Zot ava mon pep e mwan, mon pou zot Bondye.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Zeremi 6:16

La sa ki SENYER deklare: Aret en kou; plas ou lo krwaze semen; demande oli sa semen lontan, sa bon semen, swiv li e ou ava viv dan trankilite. Me zot in dir: Non! Nou pa pou swiv sa semen!

Ezekyel 36:26

Mon pou donn zot en leker nouvo e mon pou met dan zot en lespri nouvo. Mon pou tir dan zot sa leker ros e mon pou donn zot en leker laser.

Ezekyel 37:22

Mon pou fer zot vin en sel nasyon dan sa pei, dan bann montanny Izrael; zot ava annan en sel lerwa pour zot tou; zot pou nepli form de nasyon; zot pou nepli divize an de rwayonm.

Ezekyel 37:24

Mon serviter David pou vin zot lerwa; zot pou annan en sel berze pour zot tou. Zot ava swiv mon bann komannman, obzerv mon bann regleman e met zot an pratik.

Ezekyel 37:25

Zot pou reste dan sa pei ki mon'n donn mon serviter, Zakob, la kot zot bann zanset ti reste. Zot pou reste dan sa pei avek zot zanfan ek zanfan zot zanfan, pour touzour. Mon serviter David ava vin zot lerwa pour touzour.

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Levanzil dapre Zan 17:21

Mon priye pour ki zot tou, zot ava vin en sel. Parey ou mon Papa, ou dan mwan e mwan mon dan ou; ki zot osi, zot ava dan nou. Konmsa, lemonn ava krwar ki ou ki'n anvoy mwan.

Akt de Zapot 13:33

i'n akonpli li aprezan pour nou, son bann desandan, par relev Zezi dan lanmor. Annefe, i'n ganny ekri dan dezyenm Psonm: Ou menm mon Garson, ozordi mon'n vin ou Papa.

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Akt de Zapot 3:26

Alor, Bondye in swazir e anvoy son serviter kot zot an premye. I'n anvoy li pou beni zot e fer zot tou abandonn zot move fason viv.”

Akt de Zapot 4:32

Tou bann krwayan ti annan en sel leker ek en sel lespri. Personn pa ti apel sa ki i annan son byen personnel, me zot ti partaz ant zot, tou sa ki zot ti posede.

Akt de Zapot 9:31

Antretan, Legliz dan Zide, dan Galile e dan Samari antye, ti pe viv anpe. I ti vin solid; i ti devlope, e soumi dan respe pour Senyer; i ti ogmante gras a led Lespri Sen.

Romen 11:16

Si sa premye morso dipen ki ou'n ofer Bondye i sen, alor dipen antye i sen. Si rasin en pye dibwa i sen, son bann brans osi i sen.

1 Korentyen 7:14

Annefe, sa mari non-krwayan i pros avek Bondye atraver son fanm. Demenm, sa fanm non-krwayan i pros avek Bondye atraver son mari krwayan. Si pa ti konmsa, zot zanfan ti ava ganny konsidere koman enpir, tandis ki an realite zot pros avek Bondye.

2 Korentyen 13:11

Aprezan, mon bann frer ek ser! Mon dir zot adye! Rod laperfeksyon, swiv bann bon konsey, ankouraz kanmarad, viv anpe dakor avek kanmarad, e Bondye lanmour ek lape ava avek zot.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.

Deterononm 6:2

Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

Deterononm 6:24

Alor, SENYER ti ordonn nou pour obzerv tou sa bann regleman. Nou pou touzour ere, si nou annan respe pour SENYER, nou Bondye; i pou gard nou vivan parey i pe fer ozordi.

Ebre 10:20

I'n ouver pour nou en nouvo semen vivan atraver rido, setadir par son prop lekor.