Zeremi 32:34 - Labib An Kreol Seselwa

³⁴ Zot in plas zot bann stati degoutan dan mon tanp ki'n ganny konsakre pour mwan e zot in rann li enpir.

Zeremi 32:34 ပူးပေါင်းရင်းမြစ်များ

2 Rwa 21:1

Manase ti annan 12 an ler i ti vin lerwa. I ti renny pandan 55 an dan Zerizalenm. Son manman ti apel Hefsi-Ba.

2 Rwa 23:6

I ti tir dan tanp SENYER, poto sakre Asera ki i ti anmenn an deor Zerizalenm. Zot ti bril li dan vale Sedron, ziska ki i ti vin lasann ki i ti zet dan lafos kot dimoun ordiner i ganny antere.

2 Kronik 33:15

I ti retir tou bann bondye etranze ek bann stati ki i ti'n plas dan tanp SENYER, avek tou bann lotel ki i ti'n etabli lo montanny tanp, dan Zerizalenm e zet tousala an deor lavil.

2 Kronik 36:14

Tou bann sef parmi bann pret e parmi lepep, ti vin pli enfidel anver Bondye e zot ti imit bann nasyon dan zot bann pratik degoutan. Zot ti profann tanp SENYER, ki i ti'n konsakre, dan Zerizalenm.

Zeremi 19:4

Annefe, bann zabitan Zida in abandonn mwan. Mon pa rekonnet sa landrwa ki zot in profannen avek zot bann sakrifis an loner bann fo bondye, bann fo bondye ki ni zot, ni zot zanset, ni bann lerwa Zida pa'n zanmen konnen. Zot in ranpli sa plas avek disan dimoun inosan.

Zeremi 23:11

Ni bann profet, ni bann pret pa montre respe pour mwan. Mon'n war tou sa bann move aksyon ki zot komet menm dan tanp, SENYER i deklare.

Zeremi 30:14

Tou ou bann lanmoure in oubliy ou; zot nepli pran ka avek ou. Mon'n atak ou parey en lennmi i fer; mon'n pini ou san pitye, akoz ou bann fot i tre grav e ou'n fer en kantite pese.

Zeremi 34:15

Zot, o kontrer, zot in sanz zot lide ki'n fer mwan plezir: Zot tou, zot in met zot dakor pour rann laliberte zot prosen. Zot in fer en lalyans devan mwan dan tanp kot mon non in ganny konsakre.

Zeremi 44:4

Pourtan, mwan, mon pa'n arete anvoy zot mon bann serviter, bann profet ki ti dir zot pa fer sa bann keksoz degoutan ki mon pa kontan.

Zeremi 7:10

Apre tousala, zot vin prezant zot devan mwan, dan sa tanp ki'n ganny konsakre pour mwan e zot dir: Nou'n ganny delivre! Sa i zis pour zot kapab kontinyen fer sa bann aksyon degoutan.

Zeremi 7:30

Annefe, SENYER i deklare, pep Zida in fer sa ki depler mwan: Zot in plas zot bann stati degoutan ki mon deteste dan tanp ki'n ganny konsakre pour mwan, e zot in rann li enpir.

Zeremi 7:31

Dan vale Benn-Hinonm, zot in enstal zot landrwa sakre ki zot apel Tofet, pour zot bril zot garson ek zot fiy an sakrifis. Zanmen mon'n demann zot fer sa, e zanmen mon'n mazin en keksoz parey.