Zeremi 32:24 - Labib An Kreol Seselwa

²⁴ Bann Babilonyen pe mont zot latak, pre avek lavil ki zot pou pran. Lager, lafanmin ek lepidemi pou fer lavil tonm dan zot lanmen. Parey ou war, tou sa ki ou ti dir pe ganny realize.

Zeremi 32:24 ပူးပေါင်းရင်းမြစ်များ

2 Samyel 20:15

Bann zonm Zoab ti vin serkle Seba dan Abel-Bet-Maaka. Zot ti met en gro din later kont miray, e zot ti esey demoli miray pour fer li tonbe.

Ezai 37:33

Alor, la sa ki SENYER i deklare lo size lerwa Asiri: I pa pou antre dan sa lavil, ni tir en sel fles; i pa pou prezant devan li avek son boukliye ni mont en miray latak kont li.

Zeremi 16:4

Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Zeremi 20:5

Mon pou osi les zot lennmi pran e fer piyaz tou larises sa lavil e sezi tou sa ki zot in gannyen afors travay, zot bann lobze presye, menm trezor bann lerwa Zida. Tousala, lennmi pou pran e anmenn avek li Babilonn.

Zeremi 24:10

Mon pou anvoy lager, lafanmin ek lepidemi lo zot, ziska zour pou nepli annan en sel parmi zot ki reste vivan dan sa pei ki mon ti donn zot zanset ek zot menm.

Zeremi 29:17

La sa ki SENYER liniver i deklare: Mon pe anvoy lager, lafanmin ek lepidemi lo zot, e mon pou fer zot vin parey bann fig ki'n pouri pour manze.

Zeremi 29:18

Mon pou kontinyen pourswiv zot avek lager, lafanmin e lepidemi, de sort ki tou bann rwayonm lo later ava tranble avek lafreyer kan zot ava war tousala. Partou kot mon pou dispers zot, dimoun pou soke e zot pou per kan zot ava war sa ki'n ariv zot. Dimoun pou mepriz zot e zot non pou vin en malediksyon.

Zeremi 32:25

Zerizalenm i pre pour li al tonm dan lanmen bann Babilonyen. Akoz alor, Senyer BONDYE, ou ti ordonn mwan aste sa morso later dan Anatot e pey son pri devan temwen?

Zeremi 32:28

Mon pe al donn sa lavil avek Naboukodonozor, lerwa Babilonn ek son larme. I pou pran sa lavil.

Zeremi 32:3

kot lerwa Sedesyas ti'n fer met li an konsiny, apre ki i ti'n demann li: Akoz ou dir: La sa ki SENYER i deklare: Mon pour les lerwa Babilonn pran sa lavil, e i pou pran li.

Zeremi 32:36

La sa ki SENYER, Bondye Izrael i deklare lo sa lavil ki zot pe dir: Lepep pe dir ki lager, lafanmin ek lepidemi in fer sa lavil tonm dan lanmen lerwa Babilonn.

Zeremi 32:5

Sedesyas pou ganny deporte Babilonn kot i pou reste ziska zour mon ava azir an son faver. Menm si ou kontinyen fer lager kont bann Babilonyen, ou pou perdi, SENYER ki deklare.

Zeremi 33:4

Annefe, la sa ki SENYER, Bondye Izrael i deklare lo bann lakaz dan Zerizalenm ek bann pale bann lerwa Zida: Zot in ganny detri. Pa servi nanryen konbat kont bann miray ranfor e lite kont bann Babilonyen.

Zeremi 34:17

Alor, la sa ki SENYER i deklare: Zot pa'n obei mwan, akoz zot pa'n liber zot frer e zot prosen, parey mon ti'n ordonn zot. Pour sa rezon, mon pou rann ou lib: Ou pou lib pour ou ganny detri dan lager, par lepidemi ek lafanmin. SENYER ki deklare. Alor, tou bann rwayonm lo later pou tranble avek lafreyer kan zot ava war ou.

Zeremi 52:4

Dan nevyenm lannen son renny, dizyenm mwan, dizyenm zour, Naboukodonozor, lerwa Babilonn, ti atak Zerizalenm avek tou son bann gerye. I ti anserkle li. Zot ti konstri bann lenstalasyon latak toultour lavil.

Zeremi 52:6

Nevyenm zour dan katriyenm mwan, sa menm lannen, lafanmin ti'n vin sitan for dan lavil, ki ti nepli annan manze.

Zeremi 6:6

La sa ki SENYER liniver i deklare: Koup pye dibwa pour fer en baraz kont Zerizalenm. Sa lavil i bezwen ganny pini, akoz i ranpli avek vyolans.

Ezekyel 14:21

Alor, la sa ki Senyer BONDYE i deklare: Kan mon pou anvoy kont Zerizalenm mon kat zizman terib: Lepe, lafanmin, bebet feros ek lepidemi pour fer disparet zonm koman zannimo,

Ezekyel 21:22

Sor pour Zerizalenm i dan son lanmen drwat: Lans sinyal latak; kriye pour konmans masak e plas bann masin lager kont laport lavil. Fer bann twa ek miray latak e fouy bann transe.

Ezekyel 21:27

Larin! Larin! Larin! Mon pou fer sa lavil tonm anrin! Tou in deza sanze: Me pa avan ki sa enn ki posed zizman i arive, avek ki mon pou remet li sa pouvwar.

Ezekyel 26:8

I pou masakre ou bann fiy dan lakanpanny. I pou fouy transe e met en miray boukliye kont ou.

Ezekyel 4:2

Montre ki i'n ganny anserkle par lennmi. Plas fose ek miray latak kont li. Enstal bann kan ek masin lager kont li toultour lavil.

Habakouk 1:10

Zot napa respe pour bann lerwa. Zot mepriz bann sef. Zot tanpi bann fortifikasyon. Zot met en lateras later kont bann miray ki zot pran.

Zakari 1:6

Sepandan mon bann parol, mon bann desizyon ki mon ti'n donn mon bann serviter, bann profet, pa i'n ariv ziska kot zot bann zanset? Alor, zot ti repanti e zot ti dir: SENYER liniver in deside tret nou dapre nou mannyer viv e nou mannyer fer.

Matye 24:35

Lesyel ek later pou disparet, me mon parol pa pou disparet.

Deterononm 4:26

ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.