Zeremi 32:20 - Labib An Kreol Seselwa

²⁰ Otrefwa, ou ti akonpli bann mervey, bann keksoz fantastik dan pei Lezip; ou kontinyen fer tousala ozordi ankor dan Izrael e parmi tou bann imen. Sa i fer ki partou, dimoun i konn ou ozordi.

Zeremi 32:20 ပူးပေါင်းရင်းမြစ်များ

2 Samyel 7:23

Lekel nasyon lo later ki parey Izrael, ou pep, ki bann bondye in sove pour fer en pep pour zot, e donn li en non? Ou'n akonpli bann mervey pour zot; ou'n akonpli bann keksoz terib pour ou pei devan ou pep ki ou ti fer sorti Lezip; ou'n liber li avek bann nasyon ek zot bann bondye pour fer li vin ou pep.

1 Kronik 17:21

Lo later, napa okenn lot nasyon parey ou pep Izrael, ki Bondye in delivre pour fer vin son pep. Pour fer ou renonmen, ou'n akonpli bann mervey, bann keksoz terib; ou'n sas bann nasyon devan ou pep ki ou ti'n delivre Lezip.

Nehemi 9:10

Ou ti fer bann siny ek bann mervey kont Faraon, kont tou son bann serviter ek tou zabitan son pei, akoz ou ti konnen ki zot ti ensolan anver nou bann zanset. Ou'n fer ou renonmen ziska ozordi.

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Psonm 135:9

I'n anvoy dan Lezip bann siny ek bann prodiz kont Faraon ek tou son bann serviter.

Egzod 10:2

pour ki ou osi, ou rakont ou bann zanfan ek ou bann pti zanfan ki mannyer mon ti tret bann Ezipsyen, e bann siny ki mon ti fer parmi zot. Konmsa, zot ava konnen ki mwan menm SENYER.”

Egzod 3:20

Mon pou servi mon lafors e pini Lezip avek toudsort aksyon ekstraordiner. Apre sa, i pou les zot ale.

Egzod 7:3

Me mwan, mon pou andirsi leker Faraon. Menm si mon fer ankor plis bann siny ek bann mervey dan Lezip,

Egzod 9:16

Me si mon'n les ou viv, se pour montre ou mon pouvwar e fer mon non ganny konnen partou lo later.

Ezai 63:12

Pandan lamars, lekel ki ti soutenir Moiz par son lebra pwisan? I ti separ lanmer devan zot pour li fer son non ganny renonmen pour touzour.

Ezai 63:14

Zot ti parey en troupo ki desann dan vale; lespri SENYER ti donn zot repo. Konmsa ki ou'n kondwir ou pep, pour ou ganny en gran renonmen.

Zeremi 13:11

Annefe, SENYER i deklare, parey en zonm i ser en sang otour son leren, mon ti'n atas rwayonm Zida ek rwayonm Izrael otour mwan. Mon ti fer sa pour ki zot vin mon pep, en size loner e laglwar pour mwan. Me zot pa'n oule obei mwan.

Danyel 6:28

Alor, Danyel ti prospere pandan renny lerwa Dariis e pandan renny Siris, lerwa Lapers.

Danyel 9:15

Aprezan Senyer, nou Bondye, ou ki'n fer ou pep sorti Lezip par lafors ou lanmen e fer ou renonmen parmi ou pep ziska ozordi, nou'n fer pese, nou'n fer sa ki mal devan ou.

Akt de Zapot 7:36

Pour li fer bann Izraelit sorti Lezip, Moiz ti fer serten siny ek mirak dan sa pei, dan lanmer Rouz e pandan 40 an dan dezer.

Deterononm 11:3

Ou'n war bann siny ek bann mervey ki i ti fer kont Faraon, lerwa Lezip e dan son pei antye.

Deterononm 4:34

Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye

Deterononm 6:22

Devan nou lizye, SENYER in fer bann gran siny ek mervey kont Lezip, kont Faraon ek tou son bann zofisye.

Deterononm 7:19

tou sa bann gran soufrans ki ou menm ou'n war, bann siny ek bann mervey, avek son gran pwisans ek son lafors ki SENYER, ou Bondye ti fer ou sorti Lezip. SENYER, ou Bondye pou fer parey avek tou bann pep ki fer ou per.