Zeremi 32:18 - Labib An Kreol Seselwa

¹⁸ Ou ti montre ou fidelite anver plizyer zenerasyon. Me ou osi pini zanfan pour pese ki zot paran e zot gran paran i fer. Ou menm Bondye ki gran e for; ou menm ki nou apel SENYER liniver.

Zeremi 32:18 ပူးပေါင်းရင်းမြစ်များ

Zenez 49:24

me in tenir ferm lo son lans. Son lebra in reste daplon. Par lafors Bondye Zakob, ou'n vin Berze e Ros protekter Izrael.

2 Rwa 9:26

La sa ki SENYER i deklare: Yer mon ti war disan Nabot ek disan son bann garson. Mon pou rann ou laparey dan sa menm porsyon later. Alor, pran li e al zet li dan sa porsyon later, parey SENYER ti dir.”

Nehemi 1:5

Mon ti dir, “SENYER, Bondye ki dan lesyel, Bondye gran e terib! Ou gard ou lalyans e ou fidel anver tou bann ki kontan ou e ki gard ou bann komannman.

Psonm 50:1

Bondye Toupwisan, SENYER Bondye in koze e i konvok later antye depi en bout later ziska lot.

Psonm 89:9

Ou menm ki kontrol lanmer dan tanpet. Ou kalme li kan son bann laroul i grosi.

Egzod 34:6

SENYER ti pas devan li e proklanmen: Mwan menm SENYER, SENYER Bondye ranpli avek pitye ek konpasyon, pasyan, gran dan son fidelite ek lwayote;

Egzod 34:7

ki gard son fidelite ziska mil zenerasyon; ki pardonn fot, dezobeisans ek pese. Me mon pa deklar inosan, sa enn ki koupab. Mon fer zanfan ek pti zanfan rann kont pese zot bann paran, ziska trwazyenm ek katriyenm zenerasyon.

Ezai 10:21

En restan pou retournen. Leres lepep pou retourn ver Bondye Pwisan Izrael.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Zeremi 10:6

SENYER! Napa personn parey ou. Ou gran e ou non i gran e pwisan.

Zeremi 20:11

Me SENYER i avek mwan; e i konbat pour mwan avek pwisans. Sa bann ki fer mwan dimal pou tonbe, zot pa pou kapab fer nanryen kont mwan. Zot pou ganny kouver avek laont, akoz zot pa pou kapab reisi kont mwan. Personn pa pou oubliye koman zot ti ganny dezonore pour touzour.

Zeremi 31:35

La sa ki SENYER i deklare: Lekel ki donn soley pour klere pandan lizour? Lekel ki komann lalin ek bann zetwal pour klere lannwit? Lekel ki fer lanmer azite e laroul ronfle? Sa i SENYER liniver.

Zeremi 33:2

La sa ki SENYER ki'n kree later, ki'n donn li son laform e ki'n met li dan son plas, li menm ki son non i SENYER, i deklare:

Zeremi 50:34

Me zot defanser i for. Son non i SENYER liniver. I pour entervenir dan zot faver, pour ki i anmenn lape dan pei, me ki i fer tranble bann zabitan Babilonn.

Danyel 2:45

Ou ti war sa ros sorti dan montanny, san lentervansyon okenn lanmen, e i ti kraz fer, bronz, later, larzan ek lor. Bondye ki gran in fer konnen lerwa sa ki pou arive dan lavenir. Sa rev i vre e son lenterpretasyon i bon.

Habakouk 1:12

SENYER, mon Bondye, mon Sen! Ou ki SENYER, depi touzour. Ou pa pou mor. SENYER! Ou'n swazir bann Babilonyen pour egzekit ou zizman. Mon Ros protekter! Ou'n etabli zot pour pini nou.

Nonm 14:18

Mwan SENYER, mon pasyan, ranpli avek labonte ek fidelite, ki pardonn fot ek pese. Me mon pa fer koupab pas pou inosan. Mon azir kont sa enn ki'n komet pese e kont son bann desandan, ziska trwazyenm e menm katriyenm zenerasyon.

Matye 27:25

Lafoul antye ti reponn, “Nou demande ki son disan i tonm lo nou e lo nou bann zanfan!”

Levanzil dapre Lik 6:38

Donnen e ou osi, ou ava gannyen. Zot ava vid dan ou sak en bon mezir, byen ranpli, foule e deborde. Menm mezir ki ou servi avek lezot, pou ganny servi avek ou.”

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Deterononm 7:21

Pa tranble devan zot, akoz SENYER, ou Bondye i avek ou; i en gran Bondye terib.