Zeremi 32:15 - Labib An Kreol Seselwa

¹⁵ Annefe, la sa ki SENYER liniver, Bondye Izrael i deklare: Dimoun pou rekonmans aste lakaz, later, plantasyon rezen dan sa pei.

Zeremi 32:15 ပူးပေါင်းရင်းမြစ်များ

Ezai 44:26

Mon fer realize parol mon serviter e fer arive sa ki mon bann mesaze i anonse. Mon dir lo size Zerizalenm: I pou ganny abite. Konsernan bann lavil dan Zida: Zot ava ganny rekonstri e remet an valer sa ki'n ganny devaste.

Zeremi 30:18

La sa ki SENYER i deklare: Mon pou fer Zakob repran posesyon son latant; mon pou annan pitye pour sakenn son fanmir. Zerizalenm pou ganny rekonstri kot i ti ete avan; son pale pou ganny rekonstri parey avan.

Zeremi 31:12

Zot pou vin selebre lo kolin Siyon avek lazwa lo zot figir, kan zot ava war tou sa ki SENYER in donn zot: Dible, diven nouvo, delwil, mouton, kabri ek bef. Zot lavi pou parey en zarden byen aroze; zot pou annan tou sa ki zot bezwen.

Zeremi 31:24

Tou dimoun, bann fermye, bann berze avek zot troupo pou viv ansanm, dan Zida e dan son bann lavil.

Zeremi 31:5

Ou pou replant pye rezen dan bann kolin Samari; bann planter pou manz prodwi zot plantasyon.

Zeremi 32:14

La sa ki SENYER liniver, Bondye Izrael, i deklare: Pran sa de lakt lavant, sa enn ki'n kaste avek sa enn ki pa'n ganny kaste, e met zot dan en po an later. Konmsa, zot ava ganny konserve pandan lontan.

Zeremi 32:25

Zerizalenm i pre pour li al tonm dan lanmen bann Babilonyen. Akoz alor, Senyer BONDYE, ou ti ordonn mwan aste sa morso later dan Anatot e pey son pri devan temwen?

Zeremi 32:37

Mon pou rasanble zot depi tou bann pei kot mon ti'n dispers zot dan mon lakoler. Mon pou fer zot retourn isi kot zot ava viv an sekirite.

Ezekyel 28:26

Zot ava viv dan sekirite. Zot ava konstri zot lakaz; plant rezen. Zot pou viv an sekirite ler mon egzekit mon zizman lo bann pep dan zalantour, ki'n mepriz zot. Alor, zot ava konnen ki mwan menm SENYER zot Bondye.

Zakari 3:10

SENYER liniver ki deklare: Sa zour, zot pou envit kanmarad anba zot pye rezen oubyen anba zot pye fig.