Zeremi 31:8 - Labib An Kreol Seselwa

⁸ Annefe, mon pou fer zot retournen depi bann pei dan Nor, e rasanble zot depi pei pli lwen lo later. Tou dimoun pou la: Bann aveg, bann ki bwete, fanm ansent e fanm ki pe ganny zanfan. Sa pou en gran lasanble ki pou retourn isi.

Zeremi 31:8 ပူးပေါင်းရင်းမြစ်များ

Psonm 107:3

zot ki i'n rasanble depi bann pei etranze, depi dan Les ziska dan Was, depi dan Nor ziska dan Sid.

Psonm 65:5

Mon Bondye, nou Sover! Ou bann gran mervey i delivrans pour nou. Ou menm lespwar bann zabitan later e atraver lanmer, ziska bann zil lwenten.

Psonm 98:3

I rapel son fidelite ek son lanmour anver pep Izrael. Tou bann nasyon lo later in war bann laviktwar nou Bondye.

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Ezai 43:6

Avek Nor, mon pou dir: Rann zot! Avek Sid: Pa gard zot! Retourn mon bann garson ki dan pei lwenten e mon bann fiy ki dan bout later.

Ezai 45:22

Zot tou ki reste dan bout later, retourn kot mwan e zot ava ganny sove. Akoz mwan menm ki Bondye e napa okenn lot.

Ezai 52:10

SENYER in montre lafors son lebra devan tou bann nasyon; e later antye pou war ki mannyer nou Bondye i sov son pep.

Zeremi 16:15

Mon promet lo non SENYER ki vivan, ki'n fer pep Izrael sorti dan pei Nor e dan lezot pei kot in dispers zot. Wi, mwan, mon pou fer zot retourn lo later ki mon ti'n donn zot zanset.

Zeremi 23:3

Mwan menm ki pou rasanble leres mon troupo, dan tou sa bann pei kot mon'n sas zot; mon pou fer zot retourn dan zot pei kot zot ava fer bokou zanfan.

Zeremi 23:8

me: Mon fer serman par SENYER ki vivan, ki'n fer pep Izrael sorti dan pei Nor e partou dan lezot pei kot i ti sas zot, e in fer zot retourn lo zot prop later.

Zeremi 29:14

Mon pou les ou trouv mwan, e mon pour fer ou retourn dan ou pei, SENYER i deklare. Mon pou rasanble ou depi dan tou bann nasyon e partou kot mon ti'n sas ou. Mon pou fer ou retourn isi kot mon ti tir ou pour al annegzil, SENYER ki deklare.

Zeremi 3:12

Alor Zeremi! Al anons sa mesaz avek tou bann zabitan dan Nor. Mwan SENYER ki deklare: Izrael enfidel, retourn kot mwan. Mon pa pou kontinyen pran lakoler avek ou akoz mwan SENYER, mon annan pitye pour ou. Mon pa pou gard lakoler avek ou pour touzour, SENYER i deklare.

Zeremi 3:18

Sa zour la, Zida pou vin ansanm avek pep Izrael. Zot pou sorti dan pei Nor, kot zot in viv annegzil, pour zot vin dan sa pei ki mon'n donn zot zanset, koman en patrimwann.

Ezekyel 20:34

Mon pou fer zot sorti parmi bann diferan nasyon kot zot in disperse. Mon pou tir zot partou dan bann pei kot zot ete e rasanble zot; mon pou montre zot lafors ek pwisans mon lakoler.

Ezekyel 20:41

Mon pou akey zot avek plezir, parey en lofrann ki fer mwan plezir. Mon pou fer zot sorti parmi bann pep, dan tou pei kot zot in disperse e rasanble zot. Konmsa, mon pou montre bann nasyon ki mwan menm Bondye sen.

Ezekyel 34:12

Parey en berze, ki pran swen son troupo ki'n disperse partou, mon pou rasanble tou mon troupo. Mon pou al rod zot partou la kot zot in disperse, dan sa zour movetan e gro fernwanr.

Ezekyel 34:13

Mon pou retir zot parmi bann nasyon etranze; mon pou rasanble zot e ranmenn zot dan zot pei. Mon pou nouri zot lo bann montanny Izrael, dan bann vale partou dan meyer landrwa, dan sa pei.

Ezekyel 34:16

Mon pou rod bann ki'n perdi; fer retournen bann ki'n egare; pans bann ki'n ganny blese e fer bann ki malad repran zot lafors. Me mon pou elimin bann ki gra e for. Mon pou diriz mon troupo avek ladrwatir.

Mise 4:6

SENYER i deklare: Sa zour, mon pou rasanble bann ki bwete. Mon pou reini sa ki'n ganny disperse e bann ki mon'n maltrete.

Sofoni 3:19

Dan sa lepok, mon pou pini bann ki maltret ou. Mon pou sov sa enn ki bwete. Mon pou rasanble bann ki'n ganny disperse. Mon pou retabli zot loner e fer zot renonmen dan tou bann pei kot zot ti onte.

Zakari 2:6

La sa ki SENYER liniver i deklare: Leve! Sove, kit pei Nor. Mon'n dispers ou dan tou direksyon, parey divan ki soufle dan kat kwen lesyel. SENYER ki deklare.

Matye 12:20

I pa pou kas en banbou ki'n pliye, I pa pou tenny sa pti laflanm ki ankor alimen, ziska ki lazistis i ranport laviktwar.

Levanzil dapre Zan 21:15

Apre ki zot ti'n fini manze, Zezi ti demann Simon Pyer, “Simon, garson Zan! Eski ou kontan mwan plis ki lezot?” Pyer ti reponn li, “Wi, Senyer. Ou konnen ki mon kontan ou.” Zezi ti dir li, “Pran swen avek mon bann zenn mouton.”

1 Korentyen 8:10

Annefe, si en dimoun i war ou ki annan konnesans, pe manz dan en tanp zidol, eski sa pa i ankouraz sa enn avek en konsyans feb, pour manz lavyann ki'n ganny ofer avek zidol?

Deterononm 30:4

Menm si ou pou ganny disperse atraver later antye, SENYER, ou Bondye pou rasanble ou e retourn avek ou depi kot ou ete.

1 Tesalonisyen 5:14

Nou ankouraz zot, frer ek ser! Averti bann ki pares, ankouraz bann ki timid, ed bann ki feb; pran pasyans avek zot tou.

Ebre 12:12

Pour sa rezon, lev zot lanmen fatige e fortifye zot zenou ki pe tranble.

Ebre 4:15

Annefe, nou Gran-Pret i enn ki kapab soufer avek nou dan nou febles. I sa enn ki'n ganny tante dan tou keksoz, parey nou, me san komet okenn pese.