Zeremi 31:7 - Labib An Kreol Seselwa

⁷ La sa ki SENYER i deklare: Sant bann kantik lazwa pour Izrael! Kriy avek pasyon pour sa pli gran nasyon. Fer tande zot louanz e kriye: SENYER! Sov ou pep, sa restan pep Izrael.

Zeremi 31:7 ပူးပေါင်းရင်းမြစ်များ

Psonm 106:47

SENYER nou Bondye, sov nou! Rasanble nou parmi bann nasyon, pour nou kapab remersye ou non sen; pour nou pran plezir dan ou louanz.

Psonm 126:2

Alor, nou pa ti arete riye, nou ti kriy avek lazwa. Alor, parmi lezot nasyon zot ti dir: SENYER in fer bann gran mervey pour zot!

Psonm 14:7

Lekel ki pou sorti Zerizalenm pour delivre Izrael? Kan SENYER ava anmenn sanzman dan sityasyon son pep, bann desandan Zakob pou dan lazwa; pep Izrael pou rezoui.

Psonm 28:9

Sov ou pep SENYER! Beni ou pep. Vin son berze! Vey lo li pour touzour.

Psonm 67:1

Bondye! Akord nou ou lagras e beni nou. Fer ou vizaz briy lo nou!

Psonm 69:35

akoz Bondye pou sov Zerizalenm. I pou rekonstri bann lavil dan Zida. Son pep pou vin viv la e sa pei ava pour zot.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 37:31

Bann sirvivan dan lafanmir Zida, ava repran rasin anba e raport fri lao.

Ezai 37:4

Petet SENYER ou Bondye in antann bann parol Ed de kan ki son met, lerwa Asiri, in anvoye pour ensilte Bondye vivan; petet ki i ava pini li pour sa bann parol ki SENYER ou Bondye in tande. Alor, priy pour restan pep ki ankor vivan.

Ezai 44:23

Lesyel sant bann kantik lazwa akoz SENYER in azir. Profonder later! Fer monte ou lazwa. Bann montanny! Fer tande zot selebrasyon; lafore osi avek tou ou bann pye dibwa: SENYER in sov Zakob; i'n montre son laglwar dan Izrael. Akoz SENYER i'n sov Zakob e in manifeste son laglwar dan Izrael.

Ezai 52:8

Ekoute! Ou bann santinel i lev lavwa; ansanm, zot sant bann sanson lazwa, akoz avek zot prop lizye, zot war SENYER ki pe retourn Siyon.

Ezai 61:9

Zot desandans pou renonmen parmi bann nasyon, zot zanfan parmi bann pep. Tou dimoun ki pou war zot, pou rekonnet ki zot en pep ki SENYER in beni.

Zeremi 20:13

Annou sant pour SENYER! Annou selebre SENYER! In delivre bann pov dan lanmen bann malfeter.

Zeremi 23:3

Mwan menm ki pou rasanble leres mon troupo, dan tou sa bann pei kot mon'n sas zot; mon pou fer zot retourn dan zot pei kot zot ava fer bokou zanfan.

Zeremi 3:23

Annefe, tou sa ki sorti lao dan kolin, i zis pour tronp dimoun. Zis SENYER, nou Bondye ki kapab sov Izrael.

Zeremi 31:12

Zot pou vin selebre lo kolin Siyon avek lazwa lo zot figir, kan zot ava war tou sa ki SENYER in donn zot: Dible, diven nouvo, delwil, mouton, kabri ek bef. Zot lavi pou parey en zarden byen aroze; zot pou annan tou sa ki zot bezwen.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Ezekyel 6:8

“Mon pou sepandan les serten parmi zot sirviv sa masak e dispers zot partou dan bann pei.

Oze 1:7

Me mon pou kontan pep Zida. Mwan SENYER zot Bondye, mon pou sov zot san servi fles, ni lepe, ni lager, ni bann seval oubyen kavalye.

Zoel 2:32

Sa zour la, sa enn ki envok SENYER, ava ganny sove, parey SENYER in promet Zerizalenm, lo montanny Siyon. Pou annan parmi bann sirvivan, en restan pep ki SENYER in apele.

Amos 5:15

Ay sa ki mal, kontan sa ki byen. Fer respekte lazistis an kour. Alor, SENYER, Bondye liniver ava kekfwa pran pitye pour sa restan lafanmir Zozef.

Mise 2:12

Mon pou rasanble zot, desandan Zakob! Mon pou rasanble leres pep Izrael! Mon pou rasanble zot parey bann mouton dan berkay, koman en troupo dan laplenn. Zot pou form en lafoul tapazer.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Sofoni 2:9

Alor, la sa ki SENYER liniver, Bondye Izrael, i deklare: Osi vre ki mon vivan, Moab pou vin parey Sodonm; bann Amonit parey lavil Gomor. Sa pei pou vin en landrwa kouver avek move zerb, bann basen disel, en pei detri pour touzour. Leres sirvivan parmi mon pep pou depouy li. Restan mon pep pou pran posesyon zot patrimwann.

Romen 11:5

Dan sa letan prezan, i parey: I reste en pti group dimoun ki Bondye dan son bonte, in swazir.

Romen 9:27

Ezai ti predir o size pep Izrael: Menm si pep Izrael i vin nonbre koman gren disab lo bor lanmer, zis en pti restan ki pou ganny sove.

Deterononm 28:13

SENYER ava fer ou vin premye, non pa dernyen; touzour anler, zanmen anba. Ou devre obei bann komannman SENYER, ou Bondye ki mon pe donn ou ozordi, e met zot an pratik,

Deterononm 32:43

Bann nasyon! Aklanm son pep, akoz SENYER pou vanz disan son bann serviter e son vanzans pou tonm lo son bann ladverser. I ava fer peye sa bann ki ay li e pirifye later son pep.