Zeremi 31:6 - Labib An Kreol Seselwa

⁶ Sa zour pe vini, kan bann gardyen ava kriye depi bann kolin dan rezyon montanny Efraim: Annou leve! Annou al Zerizalenm kot SENYER nou Bondye.

Zeremi 31:6 ပူးပေါင်းရင်းမြစ်များ

Zeremi 50:19

Mon pou fer pep Izrael retourn se li, dan son domenn. I pou trouv dekwa manze lo montanny Karmel, dan rezyon Basann, dan bann teritwar Efraim ek Galaad, dekwa pour satisfer son lapeti.

Oze 9:8

Bondye in anvoy son profet pour vey lo Efraim; me zot met latrap pour li partou; i ganny atake menm dan tanp Bondye.

Oze 1:11

Pep Zida ek pep Izrael pou rasanble ansanm. Zot pou swazir en sel sef. Zot pou pran posesyon zot pei; sa pou en gran zour pour Zizreel.

Ezekyel 33:2

Ou ki en imen, koz avek ou pep e dir zot sa ki arive kan mon anvoy lager kont en pei. Bann zabitan sa pei i swazir en zonm parmi zot e plas li koman santinel.

Ezekyel 3:17

Ou ki en imen, mon'n etabli ou koman en gardyen lo pep Izrael. Sak fwa ou antann en parol sorti dan mon labous, ou ava transmet pep Izrael mon lavertisman.

Zeremi 6:17

Mon'n met bann santinel pour veye. Ekout byen ler tronpet i sonnen. Me ou'n reponn: Mon pa pou port atansyon.

Ezai 62:6

Zerizalenm! Mon'n plas bann santinel lo miray; lizour koman lannwit zot pou veye san poze. Fer SENYER rapel son bann promes; napa repo pour zot.

Ezai 40:9

Siyon! Ou ki anmenn bon nouvel, mont lo latet en gran montanny. Zerizalenm! Ou ki anmenn bon nouvel, kriy avek tou ou lafors. Fer tande ou lavwa! Pa bezwen per! Al dir ek bann lavil dan Zida: Ou Bondye i la!

2 Kronik 13:4

Alor, Abiya ti mont lo oter Zemaraim, dan montanny Efraim, e depi lao, i ti kriye: Ekout mwan, Zeroboanm ek tou bann Izraelit!

Esdras 1:5

Alor, bann sef fanmir dan tribi Zida ek Benzamen, bann pret ek bann levit, tou bann ki Bondye ti'n enspir zot avek sa dezir, ti prepar zot pour mont Zerizalenm e rekonstri tanp SENYER.

Psonm 84:5

Byennere sa bann ki pran ou pour sours zot lafors; dan zot leker i annan en semen ki al ziska Montanny Siyon.

Zeremi 3:14

Retourn kot mwan, pep enfidel. Akoz mwan ki zot SENYER, mon pou pran enn parmi zot dan sak lavil, de parmi zot ki sorti dan sak fanmir, e mon pou fer zot retourn Siyon.

Zeremi 31:12

Zot pou vin selebre lo kolin Siyon avek lazwa lo zot figir, kan zot ava war tou sa ki SENYER in donn zot: Dible, diven nouvo, delwil, mouton, kabri ek bef. Zot lavi pou parey en zarden byen aroze; zot pou annan tou sa ki zot bezwen.

Ezai 27:13

Sa zour, en gran tronpet pou ganny soufle. Alor, sa bann ki ti'n perdi dan pei Asiri e sa bann ki ti ganny anvoye annegzil Lezip pou retournen e ador SENYER lo montanny sen dan Zerizalenm.