Zeremi 31:1 - Labib An Kreol Seselwa

¹ La sa ki SENYER i deklare: Sa zour pe vini, kan mon pou Bondye tou bann tribi Izrael, e zot ava vin mon pep.

Zeremi 31:1 ပူးပေါင်းရင်းမြစ်များ

2 Samyel 7:24

Ou'n etabli Izrael, ou pep pour li vin ou pep pour touzour, e ou SENYER, ou'n vin son Bondye.

Psonm 144:15

I byennere sa pep ki annan tousala! I byennere sa pep pour ki Bondye i SENYER!

Psonm 48:14

ki sa Bondye i nou Bondye pour touzour; i pou gid nou pour touzour.

Ezai 20:6

Sa zour, bann zabitan lakot sa pei pou dir: Gete ki'n arive avek sa bann dan ki nou ti'n met nou lespwar e kot ki nou ti sove pour al rod led ek delivrans kont lerwa Asiri! E nou! Ki mannyer nou pou sape ladan?

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Zeremi 3:18

Sa zour la, Zida pou vin ansanm avek pep Izrael. Zot pou sorti dan pei Nor, kot zot in viv annegzil, pour zot vin dan sa pei ki mon'n donn zot zanset, koman en patrimwann.

Zeremi 30:10

Zakob mon serviter! Pa bezwen per! SENYER i deklare. Izrael! Pa bezwen perdi kouraz! Mon pou vin sov ou, lwen depi kot ou ete, e ou desandans dan pei kot i an kaptivite. Zakob pou retournen; i pou viv trankil e dan lape; i pou an sekirite e personn pa pou vin fer li per.

Zeremi 30:22

Alor, zot ava vin mon pep e mon pou vin zot Bondye.

Zeremi 30:24

Sa lakoler vyolan ki sorti kot SENYER, pa pou arete tan ki tou sa ki i'n deside, pa ganny realize. Plitar, zot ava konpran sa.

Zeremi 30:3

Sa zour pe vini kan mon pou fer mon pep Izrael ek Zida retournen e repran posesyon sa pei ki mon ti'n donn zot zanset. Mwan, SENYER, mon deklare.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Zeremi 32:38

Alor, zot pou vin mon pep, e mon pou vin zot Bondye.

Zeremi 33:14

La sa ki SENYER i deklare: Sa bann zour pe vini, kan mon pou akonpli sa promes ki mon ti fer avek pep Izrael e avek pep Zida.

Zeremi 33:7

Mon pou fer Zida ek Izrael prospere, e mon pou rekonstri zot parey zot ti ete avan.

Zeremi 50:4

La sa ki SENYER i deklare: Dan sa bann zour, dan sa letan, bann zabitan Izrael ek bann zabitan Zida, pour retourn ansanm. Zot pou vin rod mwan an pleran, mwan, SENYER, zot Bondye.

Ezekyel 11:20

Konmsa, zot ava obei mon komannman e met an pratik mon bann regleman. Zot ava vin mon pep e mwan, mon ava zot Bondye.

Ezekyel 34:24

Mwan SENYER, mon pou vin zot Bondye e mon serviter David pou vin sef parmi zot. Mwan SENYER ki deklare.

Ezekyel 34:31

Zot, zot mon troupo, zot mon bann mouton ki mon nouri; e mwan, mon zot Bondye. Senyer BONDYE ki deklare.

Ezekyel 36:28

Zot pou reste dan pei ki mon'n donn zot bann zanset. Zot pou vin mon pep, e mon pou vin zot Bondye.

Ezekyel 39:22

Alor, apartir sa zour, pep Izrael pou konnen ki mwan menm SENYER, zot Bondye.

Ezekyel 39:25

La sa ki Senyer BONDYE i deklare: Dezormen, mon pou pran pitye pour pep Izrael, mon pou sanz desten desandan Zakob; mon pou reklanm respe pour mon non sen.

Oze 1:11

Pep Zida ek pep Izrael pou rasanble ansanm. Zot pou swazir en sel sef. Zot pou pran posesyon zot pei; sa pou en gran zour pour Zizreel.

Levitik 26:12

Mon pou mars parmi zot; mon pou vin zot Bondye e zot ava vin mon pep.

Zakari 13:9

Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Levanzil dapre Zan 20:17

Zezi ti dir li, “Pa tous mwan, akoz mon pa ankor mont kot Papa. Me al kot mon bann frer, dir zot ki mon pe al kot mon Papa ki osi zot Papa, mon Bondye, ki osi zot Bondye.”

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

Ebre 12:16

Fer atansyon ki personn pa anmenn en lavi imoral. Pa mank respe pour sa ki sakre, parey Ezai ki, pour en sel repa, ti vann son drwa koman lene garson.