Zeremi 30:18 - Labib An Kreol Seselwa

¹⁸ La sa ki SENYER i deklare: Mon pou fer Zakob repran posesyon son latant; mon pou annan pitye pour sakenn son fanmir. Zerizalenm pou ganny rekonstri kot i ti ete avan; son pale pou ganny rekonstri parey avan.

Zeremi 30:18 ပူးပေါင်းရင်းမြစ်များ

1 Kronik 29:1

Lerwa David ti dir avek lasanble antye: Mon garson Salomon, ki SENYER in swazir, i zenn e i mank leksperyans. Me sa travay i gran; sa batiman pa pour en imen, me pour SENYER Bondye.

1 Kronik 29:19

Donn mon garson Salomon en leker ki ava touzour obeir tou ou komannman, tou ou lalwa, tou ou regleman; konmsa, i ava kapab konstri sa tanp pour ki mon'n fer tou bann preparatif.

Nehemi 7:4

Lavil ti larz avek bokou lespas, me ti napa bokou zabitan e zot pa ti'n ankor konstri bann lakaz.

Psonm 102:13

Ou pou leve, e ou pou pran pitye pour Zerizalenm, akoz in ler pour ou konsol li. Son ler in vreman arive.

Psonm 102:14

Ou bann serviter i kontan son bann ros. Zot pran pitye pour son lapousyer.

Psonm 122:7

Demande ki i annan lape anndan ou bann miray, e trankilite dan ou bann pale!

Psonm 48:13

Admir son bann miray, kontanple son bann pale. Konmsa ou ava kapab rakont prosen zenerasyon

Psonm 48:3

Bondye ki asir sekirite dan lavil i en fortres.

Psonm 78:69

La, i ti konstri son sanktyer parey sa enn ki lo montanny. I ti fer son fondasyon solid pour touzour, parey later.

Psonm 85:1

SENYER! Ou'n montre ou lanmour anver ou pei; ou'n retabli sityasyon Zakob.

Ezai 44:26

Mon fer realize parol mon serviter e fer arive sa ki mon bann mesaze i anonse. Mon dir lo size Zerizalenm: I pou ganny abite. Konsernan bann lavil dan Zida: Zot ava ganny rekonstri e remet an valer sa ki'n ganny devaste.

Ezai 44:28

Mon'n deklare lo size Siris: I mon berze i pou akonpli tou sa ki fer mwan plezir. Lo size Zerizalenm: I pou ganny rekonstri. Lo size tanp: Ou fondasyon pou ganny retabli.

Zeremi 23:3

Mwan menm ki pou rasanble leres mon troupo, dan tou sa bann pei kot mon'n sas zot; mon pou fer zot retourn dan zot pei kot zot ava fer bokou zanfan.

Zeremi 29:11

Mon konn byen bann plan ki mon annan pour ou, SENYER i deklare: Bann plan ki pou anmenn prosperite pour ou, pa dezas; bann plan ki pour donn ou en lavenir ranpli avek lespwar.

Zeremi 29:14

Mon pou les ou trouv mwan, e mon pour fer ou retourn dan ou pei, SENYER i deklare. Mon pou rasanble ou depi dan tou bann nasyon e partou kot mon ti'n sas ou. Mon pou fer ou retourn isi kot mon ti tir ou pour al annegzil, SENYER ki deklare.

Zeremi 30:3

Sa zour pe vini kan mon pou fer mon pep Izrael ek Zida retournen e repran posesyon sa pei ki mon ti'n donn zot zanset. Mwan, SENYER, mon deklare.

Zeremi 31:23

La sa ki SENYER liniver, Bondye Izrael i deklare: Kan mon ava'n fini retabli lepep koman i ti ete avan dan pei Zida e dan son bann lavil, zot pou rekonmans dir sa bann parol: Kolin sakre kot lazistis i reste! SENYER ava beni ou.

Zeremi 31:38

Sa zour pe vini, SENYER i deklare, kan lavil Zerizalenm pou ganny rekonstri zis pour mwan, depi latour Hananeel, ziska laport Dan Kwen.

Zeremi 31:4

Izrael ki zoli! Mon pou rekonstri ou! Ou pou ganny remet lo ou de lipye. De nouvo, ou pou fer sorti ou bann tanbouren, e selebre dan lazwa avek bann danser.

Zeremi 31:40

Sa vale antye kot bann dimoun mor i ganny antere e kot salte i ganny zete, tou bann propriyete ki sitye par lao pti larivyer Sedron ziska laport Seval ver Les, pour ganny konsakre pour SENYER. Nanryen pa pou ganny arase oubyen detri dan sa lavil.

Zeremi 32:15

Annefe, la sa ki SENYER liniver, Bondye Izrael i deklare: Dimoun pou rekonmans aste lakaz, later, plantasyon rezen dan sa pei.

Zeremi 32:44

Wi, dan teritwar Benzamen, otour Zerizalenm, dan bann lavil Zida, dan bann lavil ki lo kolin, dan bann lavil ki lo montanny e dan bann lavil ki dan Negev, dimoun pour aste ankor kare later. Bann akt lavant pour ganny ekri, sinyen, kaste devan temwen. Mon pou remet bann zabitan sa pei dan zot sityasyon pase, SENYER ki deklare.

Zeremi 33:11

tapaz lafet, dimoun riye, bann zenn marye sante. Ou pou antann dimoun pe sante kan zot pe anmenn zot lofrann remersiman dan tanp SENYER: Loue SENYER liniver, akoz SENYER i bon, e son fidelite i pour touzour! Annefe, SENYER i deklare: Mon pou redonn sa pei son prosperite parey i ti ete avan.

Zeremi 33:7

Mon pou fer Zida ek Izrael prospere, e mon pou rekonstri zot parey zot ti ete avan.

Zeremi 46:27

Me ou, Izrael, mon serviter! Mon pep! Pa bezwen per! Pep Izrael! Pa perdi kouraz! Mon pou sov ou, mon pou fer ou sorti dan pei lwenten, pei kot ou prizonnyen. Ou pou retourn dan ou pei kot ou ava viv anpe; ou pou an sekirite e personn pa pou vin fer ou per.

Zeremi 49:39

Me plitar, mon pou retabli Elanm dan son larises, SENYER i deklare.

Zeremi 49:6

Me plitar, mon pou retabli sityasyon bann Amonit dan son prosperite parey avan, SENYER i deklare.

Ezekyel 36:11

Mon pou ogmant ou popilasyon, dimoun koman zannimo. Zot pou ganny bokou zanfan e vin en gran pep. Zot pou ganny peple parey dan lepase e mon pou ogmant zot prosperite plis ki avan. Alor, zot ava konnen ki mwan menm SENYER.

Amos 9:14

Mon pou fer mon pep Izrael retourn dan son pei. Zot ava rekonstri bann lavil ki'n ganny detri e reste ladan. Zot ava plant pye rezen e zot ava bwar diven. Zot ava kiltiv bann zarden e manz zot fri.

Zakari 1:12

Alor, lanz ti dir, “SENYER liniver! Ankor konbyen letan eski ou pa pou pran pitye pour Zerizalenm ek bann lavil dan Zida kont ki ou ankoler depi deza 70 an?”

Zakari 1:16

Pour sa rezon, la sa ki SENYER i deklare: Par pitye, mon pou retourn Zerizalenm avek konpasyon; lanmenm la kot mon tanp pou ganny rekonstri. SENYER liniver ki deklare; latres pour mezire ava ganny drese lo Zerizalenm.

Zakari 12:6

Sa zour, mon pou fer bann sef Zida vin parey en dife ki pe kouve anba en ta dibwa, parey en tors alimen dan bann ta dible. I pou devor tou bann pep dan zalantour, adrwat e agos. Me Zerizalenm pa pou bouze.

Zakari 12:7

SENYER pou sov bann fanmir Zida an premye. Konmsa, laglwar tribi David e laglwar zabitan Zerizalenm pa pou siperyer ki pour Zida.

Zakari 14:10

Pei antye pou vin en laplenn, depi Geba ziska Rimonn ki sitye dan Sid avek Zerizalenm. Me Zerizalenm pou reste kot i ete lo oter, depi Laport Benzamen kot vye laport ti ete, ziska laport Kwen, e depi Latour Hananeel, ziska bann basen lerwa kot i kraz rezen pour fer diven.