Zeremi 30:16 - Labib An Kreol Seselwa

¹⁶ Alor, sa bann ki devor ou pou ganny devore. Ou bann lennmi, san eksepsyon, pou ganny deporte. Sa bann ki vol ou pou ganny vole. Sa bann ki pran sa ki ou annan pou konn menm sor.

Zeremi 30:16 ပူးပေါင်းရင်းမြစ်များ

Psonm 129:5

Fer tou sa ki deteste Zerizalenm rekile avek laont.

Egzod 23:22

Si ou ekout li fidelman, si ou fer tou sa ki mon dir, alor, mon pou vin en lennmi pour ou bann lennmi e en ladverser pour ou bann ladverser.

Proverb 22:23

SENYER ava pled pour zot e pran lavi sa bann ki'n pran tou avek zot.

Ezai 14:2

Lezot pep etranze ava akey Izrael, pour anmenn li dan son pei. La, lo later ki pou SENYER, pep Izrael pou fer zot vin son lesklav, zonm koman fanm. Izrael pou fer prizonnyen sa bann menm dimoun ki ti'n anmenn li an kaptivite; i pou domin sa bann ki ti kraz li.

Ezai 33:1

Maler lo ou ki detri tou me ki pa'n ganny detri! Ki trai lezot me ki pa'n ganny trai! Ler ou ava'n fini detri, ou osi, ou pou ganny detri. Ler ou ava'n fini trai, ou pou ganny trai.

Ezai 54:15

Si ou ganny atake, sa pa pou sorti kot mwan; sa enn ki pou oule fer konplo kont ou ki pou tonbe akoz ou.

Ezai 54:17

Tou zarm ki'n ganny fabrike kont ou pa pou servi nanryen. Okenn lakizasyon kont ou pa pou tenir debout. Sanmenm par ki ou'n rezerve pour bann serviter SENYER e drwa ki sorti kot mwan. SENYER ki'n deklare.

Zeremi 10:25

Plito, devers ou lakoler lo sa bann nasyon ki pa ador ou e lo sa bann pep ki pa rekonnet ou. Zot in touy ou pep; zot in detri Izrael konpletman e zot in devaste son pei.

Zeremi 12:14

La sa ki SENYER i deklare: Tou mon bann move vwazen ki'n rin sa pei ki mon'n donn mon pep Izrael, mon pou derasin zot dan zot pei, parey ou derasin en plant. Mon pou osi derasin parmi zot, bann zabitan Zida.

Zeremi 2:3

Izrael! Dan sa letan, ou ti zis pour mwan. Ou ti sakre pour mwan, parey premye prodwi mon rekolt. Sa enn ki ti rod zafer avek ou, mon ti fer li soufer; maler ti tonm lo li. SENYER ki deklare.

Zeremi 25:12

Apre sa 70 an, mon pou pini zabitan Babilonn ek son bann lerwa pour zot pese, SENYER i deklare. Mon pou detri sa pei e les li an rin pour touzour.

Zeremi 30:15

Akoz ou plennyen lo ou bann blesir? Napa okenn remed pour ou. Mon'n pini ou konmsa akoz ou koupab en kantite e ou'n komet bokou pese.

Zeremi 50:28

Bann sirvivan ki ti'n sape Babilonn e ki'n ariv Zerizalenm ti rakonte koman SENYER nou Bondye in fer son revanz pour sa ki bann Babilonyen ti'n fer avek son tanp.

Zeremi 8:16

Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Lamantasyon 1:21

Zot in antann mwan plennyen; napa personn pour konsol mwan. Tou mon bann lennmi in antann mon maler e zot kontan sa ki ou'n fer avek mwan. Fer vini sa zour ki ou'n promet, pour ki zot osi, zot ava vin parey mwan.

Lamantasyon 1:22

Fer anmenn tou zot bann forfe devan ou. Tret zot parey ou ti tret mwan akoz mon bann pese. Mon pe plennyen akoz mon soufrans i gran e mon leker i malad.

Ezekyel 29:6

Alor, tou zabitan Lezip ava konnen ki mwan menm SENYER. Akoz led ki ou'n donn pep Izrael, pa ti pli gran ki en pti banbou.

Ezekyel 35:5

Annefe, ou'n touzour gard rankin kont Izrael, ou'n profite pour masakre zot dan moman zot maler, letan ki zot ti pe sibir konsekans zot bann fot.

Zoel 3:8

Mon pou vann zot zennzan ek zot zenn fiy avek zabitan Zida, ki apre, pou vann zot avek bann Sabeen, en pep ki reste lwen avek zot. SENYER ki'n deklare.

Mise 4:11

Aprezan, bokou nasyon in rasanble kont ou. Zot ki dir: Zerizalenm pou ganny detri, nou ava war spektak larin Siyon.

Mise 7:10

Mon lennmi pou war sa e i pou ganny kouver avek laont. Sa enn ki ti abitye demande: Oli SENYER, ou Bondye, pou vin en spektak. I pou ganny kraze anba lipye, parey labou dan semen.

Nahoum 1:8

menm kan en gro laroul i balye tou. I pou detri son bann ladverser. I pou pourswiv son bann lennmi dan fernwanr.

Habakouk 2:16

Ou'n kouver ou avek laont plito ki loner. Akoz ou osi, pa ou bwar e tir ou touni? Lakoup ki dan lanmen drwat SENYER pou savir lo ou: Ou loner pou sanz an laont!

Sofoni 2:8

Mon'n antann bann ensilt sorti kot bann Moabit, bann Amonit pe gognarde. Zot in ensilte mon pep e pran zot later pour agrandi pour zot.

Zakari 1:14

Lanz ki ti pe koz avek mwan ti dir mwan: Proklanm sa mesaz: La sa ki SENYER liniver i deklare: Mon kontan Zerizalenm ek Siyon avek pasyon.

Zakari 1:15

Me mon tre ankoler kont bann nasyon ki krwar zot dan byen: Kan mon pa ti tro ankoler kont zot, zot in ogmant zot maler.

Zakari 12:2

Mon pou fer Zerizalenm vin parey en lakoup ki soul tou bann pep dan zalantour. Zida osi pou pas parey, kan Zerizalenm pou ganny anserkle.

Zakari 14:2

Mon pe rasanble tou bann nasyon pour atak Zerizalenm. Lavil pou ganny kaptire, bann lakaz met anba lao, e bann fanm pou ganny vyole. Lanmwatye bann zabitan Zerizalenm pou ganny deporte; me sa lot lanmwatye ava kapab reste dan lavil.

Zakari 2:12

SENYER pou swazir Zida koman son posesyon dan later sakre, e ankor en fwa, i pou swazir Zerizalenm.

Zakari 2:8

La sa ki SENYER liniver i deklare konsernan bann nasyon ki'n depouy ou: Sa enn ki tous ou, pou ganny zafer avek mwan.

Deterononm 30:7

SENYER, ou Bondye ava anvoy tou sa bann malediksyon lo ou bann lennmi e lo bann ki'n fer ou soufer,

Revelasyon 13:10

Sa enn ki devre vin prizonnyen, pou al dan prizon. Sa enn ki devre ganny touye avek lepe, pou ganny touye avek lepe. Pour sa rezon ki pep Bondye i devre annan pasyans e proklanm son lafwa.

1 Samyel 17:53

Apre ki bann Izraelit ti'n fini sas bann Filisten, zot ti retournen e fer piyaz dan zot kan.