Zeremi 30:14 - Labib An Kreol Seselwa

¹⁴ Tou ou bann lanmoure in oubliy ou; zot nepli pran ka avek ou. Mon'n atak ou parey en lennmi i fer; mon'n pini ou san pitye, akoz ou bann fot i tre grav e ou'n fer en kantite pese.

Zeremi 30:14 ပူးပေါင်းရင်းမြစ်များ

Lamantasyon 1:2

I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Zeremi 5:6

Pour sa rezon, lyon sorti dan lafore pou atak zot. Loulou sorti dan dezer pou devor zot. Leopar in kasyet pre avek zot lavil. Sa enn ki sorti pou ganny devore. Zot in fer bokou pese; zot in abandonn mwan plizyer fwa.

Liv Zob 30:21

Ou'n vin kriyel anver mwan. Ou atak mwan avek tou ou lafors.

Zeremi 22:20

Mont Liban e kriye. Fer tande zot lavwa dan pei Basann. Kriye depi lao dan montanny Abarim, akoz tou zot bann zanmi in ganny bate.

Zeremi 30:15

Akoz ou plennyen lo ou bann blesir? Napa okenn remed pour ou. Mon'n pini ou konmsa akoz ou koupab en kantite e ou'n komet bokou pese.

Zeremi 22:22

Tou ou bann sef pou ganny egzile parey ou bann zanmi. Zot tou, zot pou ganny balye dan en gro divan. Zot pou dan laont akoz zot move konportman.

Zeremi 4:30

Zerizalenm! Ou pe al ganny detri. Akfer ou'n met ou pli zoli rob rouz? Akfer ou'n met ou bann bizou annor? Akfer ou'n penn ou lizye pou fer ou zoli? Me tousala pa servi dan nanryen; ou bann lanmoure in rezet ou e zot oule touy ou.

Zeremi 2:36

Ou'n fasilman sanz ou semen, pour ou al kot bann bondye lezot nasyon. Bann Asiriyen in fer ou onte; bann Ezipsyen pou fer parey.

Liv Zob 19:11

Son lakoler in flanbe kont mwan; i konsider mwan pour son lennmi.

Oze 5:14

Annefe, mon pou parey en lyon pour Efraim, e parey en zenn lyon pour pep Zida. Mon pou desir li, apre mon pou ale. Sa ki mon pou anmenn avek mwan, personn pa pou kapab delivre li.

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Ezekyel 23:22

Alor, Oholiba! La sa ki Senyer BONDYE i deklare: Mon pou tourn ou bann galan kont ki ou ti annan degout. Mon pou rasanble zot kont ou, sorti dan tou kote.

Ezekyel 23:9

Alor, mon ti abandonn li avek son bann galan Asiriyen, avek ki i ti'n tonm anmoure.

Lamantasyon 1:19

Mon ti apel mon bann zanmi, me zot in les mwan tonbe. Mon bann pret ek mon bann konseye in mor dan lavil, letan zot ti pe rod keksoz pour manze, pour zot kapab repran zot lafors.

Zeremi 38:22

Tou bann fanm ki'n reste dan pale lerwa Zida pou ganny anmennen kot bann zofisye lerwa Babilonn. La sa ki zot pou dir lo ou: Ou bann meyer zanmi dan ki ou ti annan konfyans in tronp ou; zot in bat ou latet. La ki ou lipye in anfons dan labou ou bann zanmi in abandonn ou.

Zeremi 6:23

Son bann gerye i arme avek fles ek lans; zot kriyel e san pitye. Tapaz ki zot fer lo zot seval i parey en lanmer dan move tan. Zot in pare pour atak Zerizalenm.

Liv Zob 16:9

Dan son lakoler, Bondye in desir mwan, e atak mwan; i grens ledan kont mwan. Mon ladverser i pers mwan avek son regar.

Psonm 107:17

En bann fou ti soufer akoz zot dezobeisans e par zot pese.

Ezai 57:13

Ler zot ava kriy osekour, eski zot koleksyon zidol pou vin delivre zot? En divan pou fer tousala anvole; zis en souf pou fer zot disparet. Me sa enn ki met li anba mon proteksyon, ava resevwar sa pei koman son patrimwann e mon montanny sakre koman son posesyon.

Zeremi 14:17

La sa ki ou ava dir lepep: Mon lizye i ranpli avek larm nwit e zour; mon pa aret plere, akoz mon pep ki mon kontan parey mon fiy in soufer en kantite. Son blesir i vreman grav.

Zeremi 32:30

Depi zot lazenes, pep Izrael ek pep Zida in fer zis sa ki mal ki mon pa kontan. Izraelit in pas zot letan provok mon lakoler par tou zot bann aksyon degoutan.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.

Zeremi 50:42

Zot lev bann fles ek bann lans; zot kriyel e san pitye. Tapaz ki zot fer lo zot seval e parey en lanmer dan move tan. Zot in pare pour atak ou, Babilonn ki zoli.

Abdyas 1:7

Ou bann zanmi pou tronp ou, e ou pou ganny sase dan ou teritwar. Ou bann zanmi entim pou pran ou byen: Ou bann zanmi pros pou servi ou dipen pour trik ou. Zot nepli annan disernman.

Zeremi 5:5

Mon pou al war bann sef e mon pou koz avek zot. San okenn dout, zot konn lavolonte SENYER, sa ki Bondye i demann zot fer. Me, zot tou, zot parey: Zot in revolte kont lotorite Bondye, e refize obeir li.

Zeremi 32:29

Bann Babilonyen ki pe atak lavil pou antre, e zot pou met dife partou. Zot pou bril bann lakaz kot bann zabitan ti fer mon lakoler monte kont zot, akoz zot ti bril lansan en loner Baal lo twa lakaz, e ofer diven lezot bondye.

Zeremi 32:34

Zot in plas zot bann stati degoutan dan mon tanp ki'n ganny konsakre pour mwan e zot in rann li enpir.

Zeremi 32:35

Zot in konstri bann landrwa kot zot ador bondye Baal dan vale Benn-Hinonm. Zot fer bril dan dife zot garson ek zot fiy an loner bondye Molek. Zanmen mon ti demann zot fer sa; e zanmen mon ti mazinen ki zot ti ava fer en keksoz parey pour fer Zida komet pese.

Lamantasyon 2:1

Dan son lakoler, SENYER in met Zerizalenm anba en nyaz. Depi lesyel, in zet ater, sa ki ti fer splander Izrael. Zour son lakoler, SENYER pa ti ni menm mazin landrwa kot i poz son lipye.

Danyel 9:5

Nou'n komet pese e fer sa ki mal. Nou'n komet bann aksyon move e nou'n revolte. Nou'n abandonn ou bann komannman ek ou bann lalwa.

Danyel 9:11

Izrael antye in pas akote ou lalwa e i'n detournen san ekout ou parol. Alor, bann malediksyon ki asosye avek bann serman dan lalwa Moiz, serviter Bondye, in ganny deverse lo nou, akoz nou bann pese.

Danyel 9:13

Tou sa bann maler in vin lo nou, parey i'n ganny ekri dan lalwa Moiz. Nou pa'n sipliye pour kalme lakoler SENYER, nou Bondye. Nou pa'n abandonn nou bann fot; nou pa'n swiv ou laverite.