Zeremi 30:13 - Labib An Kreol Seselwa

¹³ Napa personn pou pran konsiderasyon pour ou. Napa remed pour ou bann boubou; napa okenn gerizon pour ou.

Zeremi 30:13 ပူးပေါင်းရင်းမြစ်များ

Zeremi 46:11

Bann Ezipsyen! Monte ziska Galaad pour zot rod en latizann ki pou geri zot bann blesir. Me sa pa servi dan nanryen akoz zot bann blesir pa pou geri.

Zeremi 8:22

Eski nepli annan remed dan Galaad? Nepli annan dokter laba? Akoz ki blesir mon pep pa'n geri?

Zeremi 33:6

Malgre sa, mon pou swanny sa lavil e mon pou geri son bann zabitan e fer zot viv dan lape e an sekirite.

Zeremi 30:17

Me mon pou swanny ou bann blesir, ou pou geri, SENYER ki deklare.

1 Zan 2:1

Mon bann pti zanfan! Mon pe ekri zot sa, pour ki zot pa komet okenn pese. Me si i annan parmi zot ki komet pese, nou annan en avoka kot Bondye. Sa i Zezi-Kri, ki nou Lazistis.

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.

Nahoum 3:19

Napa okenn remed pour ou blesir. Ou bann blesir i mortel. Tou sa ki pou antann ou nouvel, pou bat lanmen. Annefe, personn pa'n kapab sap ou bann kriyote san lafen.

Oze 14:4

Mon pou geri zot lenfidelite. Mon pou kontan li avek tou mon leker, akoz mon nepli ankoler kont li.

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Ezekyel 22:30

Mon'n rod parmi zot en zonm ki kapab konstri en miray, ki kapab debout devan mwan kot miray in kase pour byennet pei, pour ki mon pa detri li. Me mon pa'n trouv personn.

Ezai 59:16

I ti war ti napa personn e i ti tris ki ti napa personn pour entervenir. Alor, son lebra ti donn li laviktwar; son lazistis ki ti soutenir li.

Ezai 1:6

Depi lipye ziska latet, napa nanryen ki dan en bon leta. Partou i annan boubou ek blesir ki pe sennyen, e ki personn pa'n netwaye, ni panse, oubyen kalme avek delwil.

Psonm 142:4

Get lo mon kote drwat, ou ava war: Personn pa rekonnet mwan. Mon napa en labri; personn pa pran ka pour mwan.

Psonm 106:23

I ti deside alor, pour detri zot. Me Moiz ki i ti'n swazir, ti entervenir devan li pour ki dan son lakoler, i pa detri zot.

Liv Zob 34:29

Si Bondye i reste trankil, lekel ki kapab kondann li? Si i kasyet son figir, lekel sa nasyon oubyen sa zonm ki pou kapab war li?

Liv Zob 5:18

Bondye ki blese e ki panse. Sa enn ki i fer soufer, son lanmen i geri.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Zeremi 17:14

SENYER! Zis ou ki kapab geri mwan. Zis ou ki kapab sov mwan. Ou menm ki fer mwan sant ou laglwar.

Zeremi 14:19

Lepep i demann SENYER: SENYER! Eski ou'n vreman rezet Zida? Eski ou'n degoute avek Zerizalenm? Akoz ou'n tap nou sitan for ki nou blesir pa geri? Nou ti annan lespwar, me nanryen bon pa'n ariv nou; nou ti esper gerizon, me lafreyer ki'n anvai nou.

Zeremi 6:7

Son mesanste i parey en sours ki kontinyen koule. Ou antann koz zis vyolans ek destriksyon. Partou, ou war zis blesir ek soufrans.

Ezekyel 30:21

Ou ki en imen, ekoute! Mon'n kas lebra Faraon, lerwa Lezip. Personn pa'n met ni en pansman pour geri li e pour li kapab atrap en lepe.

Lamantasyon 2:13

Zerizalenm! Ki mon kapab dir dan ou faver? Avek ki mon kapab konpar ou? Ki mon kapab fer pour konsol ou? Zanmen personn in soufer parey ou. Dezas ki ou'n pas ladan i osi gran ki losean. Lekel ki pou kapab geri ou?