Zeremi 3:6 - Labib An Kreol Seselwa

⁶ Dan letan ki Zosyas ti lerwa, SENYER ti dir mwan, “Eski ou'n war sa ki Izrael in fer? Parey en fanm ki tronp son mari, in al lo bann kolin bwaze kot i azir parey en prostitye anba sa pye dibwa ki son feyaz i ver.

Zeremi 3:6 ပူးပေါင်းရင်းမြစ်များ

1 Rwa 14:23

Zot osi, zot ti etabli bann landrwa sakre avek bann ros pilye ek poto sakre lo sak montanny e anba sak pye dibwa avek feyaz.

2 Kronik 34:1

Zozyas ti annan 8 an ler i ti vin lerwa. I ti renny pandan 31 an dan Zerizalenm.

Psonm 106:39

Par sa bann aksyon, zot ti'n vin enpir e zot ti vin bann prostitye par zot mannyer fer.

Ezai 57:3

Me zot, bann zanfan en fanm sorsye, piti en fanm adilter, en prostitye! Vin isi.

Ezai 57:7

Zot in enstal zot landrwa dormi anler lo en montanny tre o. Laba, ki zot in monte pour ofer zot sakrifis.

Zeremi 1:2

SENYER ti adres li laparol dan trezyenm lannen ki Zozyas, garson Amonn, ti lerwa Zida.

Zeremi 11:10

Zot in retourn dan fot zot zanset ki ti refize obei mwan. Zot in al ador bann bondye etranze. Izrael ek Zida in kas sa lalyans ki mon ti fer avek zot zanset.

Zeremi 17:2

Parey zot koz lo zot zanfan, zot koz lo zot lotel ek bann poto sakre, bann Asera, anba bann pye dibwa ki ranpli ek verdir, lo oter bann kolin.

Zeremi 3:8

In osi war sa ki'n arive avek rwayonm Izrael kan i ti tourn kont mwan. Akoz in komet adilter, mon'n divorse avek li e mon'n sas li. Malgre sa, Zida, son swadizan ser, sa tret, pa'n per mon pinisyon, e li osi, in al dan prostitisyon.

Zeremi 31:22

Fiy rebel! Pandan konbyen letan ou pou ankor ezite? SENYER in kre en keksoz nouvo lo later: Fanm ki pou fer lakour avek zonm.

Zeremi 5:11

Annefe, lepep rwayonm Izrael ek rwayonm Zida in vreman trai mwan, SENYER i deklare.

Zeremi 7:24

Me zot pa'n ni obei, ni ekout mwan. Dan zot lantetman, zot in deside swiv sa ki zot move leker ti dir zot fer. Zot in elwanny zot ek mwan e zot in vir zot ledo kont mwan.

Ezekyel 16:31

Ou'n konstri ou lakaz prostitisyon lo sak kwen semen e plas ou landrwa ladorasyon dan sak plas piblik. Me ou ti diferan avek lezot prostitye, ou ti refiz larzan.

Ezekyel 16:35

Alor prostitye! Ekout parol SENYER:

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Ezekyel 23:11

Son ser Oholiba ti war tousala. Me i ti vin pli deregle dan son pasyon; i ti fer pir ki son ser Ohola. I ti depas son ser dan prostitisyon.

Ezekyel 23:4

Enn ti apel Ohola; lot ser ti apel Oholiba. Sa enn premye i reprezant Samari; lot i reprezant Zerizalenm. Sa de fiy ti pour mwan e zot ti ganny plizyer garson ek fiy.

Oze 11:7

Mon pep i antete pour elwanny zot avek mwan. Zot ganny apele lao, me personn pa leve.

Oze 4:13

Zot ofer sakrifis lo latet bann montanny. Zot bril lansan lo bann kolin, anba nenport pye dibwa ki donn bon lonbraz. Pour sa rezon ki zot bann fiy i dan prostitisyon, e zot bann belfiy i komet adilter.

Ziz 2:17

Me zot pa ti ni menm ekout zot bann ziz. Zot ti al prostitye avek lezot bondye e prostern devan zot. Tre vit, zot pa ti swiv semen ki zot bann zanset ti swiv, ki ti ekout bann komannman SENYER; me, zot pa ti fer parey.