Zeremi 3:3 - Labib An Kreol Seselwa

³ Pour sa rezon, mon'n anpes lapli tonbe e sezon lapli pa'n vini. Vreman, ou'n vin parey en prostitye, me ou pa ni onte.

Zeremi 3:3 ပူးပေါင်းရင်းမြစ်များ

Zenez 19:34

Son lannmen, premye fiy ti dir avek sa ki pli zenn, “Yer swar mon ti dormi avek nou papa. Annou donn li diven ankor tanto. Apre, ou ava al dormi avek li. Konmsa, nou ava ganny en desandans atraver nou papa.”

Nehemi 9:17

Zot ti refize obei e zot ti oubliy bann mervey ki ou ti fer parmi zot. Zot ti revolte e dan zot revolt, zot ti swazir en sef pour retourn dan zot lesklavaz Lezip. Me ou en Bondye ki pare pour pardonnen; ou bon, ou annan konpasyon, pasyans, gran fidelite, e ou pa ti abandonn zot,

Proverb 21:29

Bann malfeter i pran en figir serye; Me sa enn ki drwat i reflesi lo son mannyer fer.

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Zeremi 14:1

La sa ki SENYER ti dir Zeremi lo size lasesres:

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zeremi 14:3

Bann sef in anvoy bann serviter rod delo; zot al kot bann sitern, me zot pa trouv delo. Zot retourn avek zot potao vid. Dekouraze, kanmi, zot kasyet zot ti kouver zot latet.

Zeremi 14:4

Lapli pa'n tonbe, later i sek. Bann fermye i dezapwente; zot bes latet.

Zeremi 36:2

Pran en liv e ekri tou sa bann parol ki mon ti dir ou lo Izrael, Zida ek tou bann nasyon, depi lepok Zozyas ziska ozordi.

Zeremi 5:24

Zanmen ou'n mazinen onor mwan, SENYER ou Bondye. Mon'n anvoy lapli dan son sezon toulezan, ler ou plante e ler ou rekolte.

Zeremi 5:25

Me ou bann fot in deranz tousala. Ou pese in anpes ou ganny sa bann bon keksoz.

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Zeremi 6:15

Zot devre onte pour zot bann aksyon degoutan ki'n ofans mwan. Me zot napa pider. Zot pa'n ni oule rekonnet zot tor. Pour sa rezon, zot pou tonm parey tou lezot. Zot pou tonbe kan mon pou demann zot rann kont. SENYER i deklare.

Zeremi 8:12

Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.

Zeremi 9:12

Eski i annan en dimoun saz pour eksplike akoz sa pei in ganny devaste, e akoz in vin sek parey en dezer kot personn nepli pase?

Ezekyel 3:7

Me, bann Izraelit pa pou oule ekout ou, akoz zot pa oule ekout mwan. Zot latet i dir e zot leker i fermen.

Levitik 26:19

Mon pou detri lorgey zot lafors e mon pou fer zot lesyel vin dir koman fer e zot later koman kwiv.

Amos 4:7

Mon'n anpes lapli tonbe depi trwa mwan avan rekolt. Mon'n fer lapli tonm lo en lavil me pa lo en lot lavil. Lapli in tonm lo en plantasyon me sa enn ki pa'n ganny lapli, in sek.

Amos 4:8

Zabitan detrwa lavil in marse pour zot rod delo pour bwar, me zot pa'n pas zot laswaf. Malgre sa, zot pa'n retourn ver mwan. SENYER ki deklare.

Sofoni 2:1

Rasanble zot, vin ansanm, nasyon san pider,

Sofoni 3:5

Dan lavil, SENYER i montre lazistis. I pa fer nanryen ki enzis. Tou le bomaten, san zanmen manke, i rann son zizman. Malgre sa, malfeter i azir san okenn laont.

Agze 1:11

Mon'n fer vin lasesres dan pei: Lo bann kolin, dan bann plantasyon dible ek plantasyon rezen, dan plantasyon zoliv. Nanryen pa pou ganny prodwir, ni dimoun, ni zannimo, ni later.

Deterononm 28:23

Lesyel lo ou latet ava parey en twa an bronz e later anba ou lipye ava vin dir parey feray.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.