Zeremi 3:25 - Labib An Kreol Seselwa

²⁵ Annou kasyet dan nou laont e ganny kouver avek dezoner. Annefe, depi nou lanfans, nou, avek nou paran, nou pe komet pese anver SENYER, nou Bondye. Nou pa'n ekout sa ki SENYER nou Bondye ti'n dir nou.

Zeremi 3:25 ပူးပေါင်းရင်းမြစ်များ

Psonm 106:6

Parey nou bann zanset, nou'n fer pese. Nou'n fer sa ki mal, nou koupab.

Psonm 106:7

Kan nou bann zanset ti Lezip, zot pa ti konpran ou bann mervey. Zot ti oubliy tou ou bann byenfe; zot ti revolte kont ou obor lanmer Rouz.

Psonm 109:29

Fer ki mon bann akizater i ganny dezonore. Ki zot ganny kouver ek laont, parey en lenz.

Proverb 13:18

Sa enn ki refize aprann, pou vin pov e ganny meprize. Me sa enn ki aksepte kritik, pou ganny onore.

Proverb 5:13

mon pa'n ekout lavwa mon bann met, ni port atansyon lo zot bann lansennyman.

Ezai 48:8

Zanmen ou'n tande, zanmen ou'n konnen; depi lontan, ou zorey in reste bouse. Akoz mon ti konnen ki ou pa ti en tret e ki depi avan ou nesans, zot apel ou en rebel.

Ezai 50:11

Zot tou ki alim dife e ki posed bann dart pour met dife! Al mars dan laflanm zot prop dife e lo labrez ki reste. Tousala in arive par mwan; zot pou mor dan tourman.

Zeremi 11:13

Dan Zida, sak lavil i annan son prop bondye; bann zabitan Zerizalenm in konstri dan sak semen dan lavil en lotel kot zot ofer sakrifis an loner Baal.

Zeremi 12:13

Mon pep in senm lagrenn dible, me zot in rekolte move zerb. Zot in travay dir, san okenn profi. Zot rekolt pa'n bon akoz gran lakoler SENYER.

Zeremi 14:20

SENYER! Nou konnen e nou rekonnet ki nou ek nou bann zanset, nou'n mal azir kont ou.

Zeremi 14:7

Mon pep i kriy ver mwan: Menm si nou pese i akiz nou, ed nou, SENYER, pour loner ou non. Plizyer fwa nou'n tourn nou ledo kont ou; nou'n komet bokou pese kont ou.

Zeremi 2:17

Izrael! Tousala in ariv ou akoz ou'n abandonn SENYER, ou Bondye ler i ti pe gid ou lo ou semen.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 2:2

al proklanm sa mesaz avek tou bann zabitan Zerizalenm. La sa ki SENYER i deklare: Mon rapel byen koman zot ti reste fidel anver mwan kan zot ti zenn; koman zot ti kontan mwan kan nou ti'n fek marye. Zot ti swiv mwan dan dezer, dan en pei kot zonm pa senmen.

Zeremi 2:26

Me en zour, zot ki reste Izrael, lerwa ek sef, pret ek profet, zot osi, zot pou kouver ek laont parey en voler ki'n ganny atrape.

Zeremi 20:18

Akfer mon ti sorti dan vant mon manman si ti zis pour konn latristes ek soufrans e fini mon lavi dan laont?

Zeremi 22:21

Mon ti averti ou kan tou ti pe al byen pour ou. Me ou ti dir: Mon pa tande. Ou'n touzour azir konmsa depi ou ti ankor pti. Ou pa'n zanmen oule obei mwan, ou SENYER.

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Zeremi 31:19

Nou ti'n tourn lwen avek ou; me apre, nou ti regrete. Ou'n pini nou; aprezan nou rekonnet nou fot. Nou kanmi e nou'n ganny imilye, akoz pese ki nou'n komet dan nou zenes.

Zeremi 6:26

La sa ki SENYER i deklare: Mon pep! Met ou lenz dey, roul ou dan lapousyer. Fer dey parey ou ti pou fer pour lanmor ou sel garson ki ou annan. Sant bann kantik tris, akoz lennmi pe vini e dan en sel kou i pou detri ou.

Zeremi 7:19

Me zot pa ofans mwan vreman. Zot pe fer ditor zot menm e zot pe anmenn laont lo zot menm.

Zeremi 8:14

Lepep i demande: Akoz nou reste la, san nanryen fer? Annou regroup nou dan bann lavil fortifye e esper lanmor pran nou. SENYER, nou Bondye in deside les nou mor. In donn nou delo anpwazonnen pour bwar, akoz nou'n fer pese kont li.

Zeremi 9:18

Lepep i dir: Dir zot depese pour zot vin plere e lamante pour nou, ziska ki nou lizye ava ranpli avek larm, e nou popyer ava mouye afors plere.

Lamantasyon 5:16

Nou kouronn in tonbe lo nou latet. Maler i lo nou akoz nou'n fer pese.

Lamantasyon 5:7

Nou bann zanset ki ti fer pese, me zot in mor. Nou ki pe anmenn konsekans zot fot.

Ezekyel 2:3

I ti dir mwan: Ou ki en imen, mon pe anvoy ou kot bann Izraelit, ver bann rebel ki'n revolte kont mwan; zot ek zot bann zanset in revolte ziska ozordi.

Ezekyel 36:32

Pep Izrael, mon fer zot konnen ki pa akoz zot, ki mon pe azir konmsa, me zot devre vreman onte pour zot move konportman. Senyer BONDYE ki deklare.

Ezekyel 44:13

Zot pa pou apros mwan pour servi mwan koman pret, ni apros bann lobze ki'n konsakre pour mwan. Sa bann keksoz i tre sakre. Zot ava port laont ek konsekans zot bann pratik degoutan.

Ezekyel 7:18

Zot pou anvlop zot dan lenz dey, zot pou konny ansanm avek lafreyer. Zot figir pou kouver avek laont; zot tou, zot pou bezwen raz zot latet telman zot onte.

Danyel 12:2

Bokou parmi bann ki pe dormi dan lapousyer later, pou leve: Serten pour lavi eternel; lezot pour laont e pour maler eternel.

Oze 9:10

Mon ti trouv pep Izrael konmsi zot ti rezen dan dezer. Mon ti war zot zanset konmsi ti bann premye fig lo pye. Me zot ti al ver Baal-Peor. Zot ti konsakre zot avek en lobze laont, zot in vin degoutan parey sa bann lobze ki zot kontan.

Sofoni 1:17

Mon pou anvoy maler lo bann imen. Zot pou mars parey bann aveg, akoz zot in fer pese kont SENYER. Disan pou fannen parey lapousyer e zot laser pou parey salte.

Romen 6:21

Me ki benefis zot ti gannyen par sa bann aksyon? Aprezan, sa bann aksyon i fer zot onte, akoz son rezilta, se lanmor.

Ziz 2:2

Lo zot kote, zot pa pou fer okenn lalyans avek bann zabitan sa pei; zot ava kraz zot bann lotel. Me zot pa ti obei mwan. Ki zot in fer la?