Zeremi 3:2 - Labib An Kreol Seselwa

² Lev ou lizye, get lao: Lo tou sa bann kolin, ou'n fer parey en prostitye. Parey bann bedwen dan dezer ki esper en viktim, ou'n esper ou bann lanmoure lo bor semen. Konmsa ki ou'n rann enpir pei.

Zeremi 3:2 ပူးပေါင်းရင်းမြစ်များ

Zenez 38:14

I ti tir son lenz vev, kouver son figir avek en vwal, e al asiz dan lantre Enaim ki lo semen Timna. I ti'n remarke ki Sela ti'n gran, me i pa ti ankor marye avek li.

1 Rwa 11:3

Parmi son bann fanm, ti annan 700 prenses, 300 menazer; son bann fanm ti detourn son leker.

2 Rwa 23:13

Lerwa ti rann enpir bann landrwa sakre ki ti dan Les Zerizalenm, dan Sid montanny Destriksyon ki Salomon, lerwa Izrael, ti konstri pour Astarte. Sa ti en pratik degoutan bann Sidonit pour Kemos, Moab e pour Milkonm. Sa ti en pratik degoutan bann Amonit.

Psonm 106:38

Zot ti fer disan inosan koule; disan zot prop garson, zot prop fiy, ki zot ti ofer an loner bann zidol Kanaan; e pei ti ganny sali avek disan.

Proverb 23:28

I parey en voler ki vey lanbeli; i rann en kantite zonm enfidel.

Proverb 7:11

I ti ardyese e san pider; i ti touzour dan semen;

Zeremi 12:12

Partou dan rezyon montanny kot personn pa reste, bann devastater pe vini. Mon'n anvoy lager pour detri pei antye. Pou napa lape.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 2:23

Koman ou kapab oze dir: Mon pa'n fer nanryen ki kapab rann mwan enpir; mon pa'n zanmen ador bann Baal? Gete koman ou'n konport ou dan vale; gete ki ou'n fer. Ou parey en zenn femel samo an sezon ki pe tay taye.

Zeremi 2:7

Mon'n fer zot antre dan en pei avek plantasyon fri, pour zot manz son bann fri e zouir son bann prodwi. Me kan zot ti vin dan mon pei, zot in fer li vin enpir, Zot in rann mon patrimwann degoutan.

Zeremi 3:1

La sa ki SENYER i deklare: Kan en zonm i divorse avek son fanm, e sa fanm i kit li pour en lot zonm, son mari pou kapab repran li ankor? Si i fer sa, pa i pe rann pei enpir? Sa ki Izrael in fer: In prostitye li avek en kantite lanmoure. Aprezan i oule retourn kot mwan!

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Zeremi 3:21

Tapaz ki sorti lao dan kolin, i lavwa bann zanfan Izrael ki pe plere e ki pe sipliye. Zot in oubliy mwan, SENYER zot Bondye e zot in pran en move semen.

Zeremi 3:9

I'n komet adilter avek ros ek pye dibwa, in sali son lekor; in osi sali son pei.

Zeremi 7:29

La sa ki SENYER i deklare: Pep Zerizalenm! Koup zot seve long ki mark zot konsekrasyon. Zet li lo bann kolin; sant bann kantik dey, akoz SENYER, in rezet sa pep ki'n provok son lakoler.

Ezekyel 16:16

Ou ti servi en pe ou bann zoli lenz kouler pour dekor bann landrwa sakre, kot ou ti abandonn ou dan prostitisyon. Sa pa ti'n deza arive e i pa pou zanmen ariv ankor.

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Levanzil dapre Lik 16:23

Dan lemonn lanmor kot i ti ete, i ti pe soufer bokou. I ti lev lizye e i ti war Abrahanm dan lwen ek Lazar obor li.

Deterononm 12:2

Zot ava detri konpletman tou bann landrwa kot bann nasyon ki zot pe al sase, ti servi zot bondye, lo bann latet montanny, lo bann kolin e anba tou pye dibwa ki annan feyaz ver.