Zeremi 3:18 - Labib An Kreol Seselwa

¹⁸ Sa zour la, Zida pou vin ansanm avek pep Izrael. Zot pou sorti dan pei Nor, kot zot in viv annegzil, pour zot vin dan sa pei ki mon'n donn zot zanset, koman en patrimwann.

Zeremi 3:18 ပူးပေါင်းရင်းမြစ်များ

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Ezai 43:5

Pa bezwen per, akoz mon avek ou! Mon pou fer ou desandans retournen sorti dan Les. Mon pou rasanble lezot ki dan Was.

Ezai 43:6

Avek Nor, mon pou dir: Rann zot! Avek Sid: Pa gard zot! Retourn mon bann garson ki dan pei lwenten e mon bann fiy ki dan bout later.

Zeremi 16:15

Mon promet lo non SENYER ki vivan, ki'n fer pep Izrael sorti dan pei Nor e dan lezot pei kot in dispers zot. Wi, mwan, mon pou fer zot retourn lo later ki mon ti'n donn zot zanset.

Zeremi 23:8

me: Mon fer serman par SENYER ki vivan, ki'n fer pep Izrael sorti dan pei Nor e partou dan lezot pei kot i ti sas zot, e in fer zot retourn lo zot prop later.

Zeremi 3:12

Alor Zeremi! Al anons sa mesaz avek tou bann zabitan dan Nor. Mwan SENYER ki deklare: Izrael enfidel, retourn kot mwan. Mon pa pou kontinyen pran lakoler avek ou akoz mwan SENYER, mon annan pitye pour ou. Mon pa pou gard lakoler avek ou pour touzour, SENYER i deklare.

Zeremi 30:3

Sa zour pe vini kan mon pou fer mon pep Izrael ek Zida retournen e repran posesyon sa pei ki mon ti'n donn zot zanset. Mwan, SENYER, mon deklare.

Zeremi 31:8

Annefe, mon pou fer zot retournen depi bann pei dan Nor, e rasanble zot depi pei pli lwen lo later. Tou dimoun pou la: Bann aveg, bann ki bwete, fanm ansent e fanm ki pe ganny zanfan. Sa pou en gran lasanble ki pou retourn isi.

Zeremi 50:20

Kan sa zour i arive e dan sa letan, SENYER i deklare, ou pou rod fot Izrael, me ou pa pou trouve. Ou pou rod pese Zida, me ou pa pou war, akoz mon pou pardonn sa restan Izrael ki mon'n eparnyen.

Zeremi 50:4

La sa ki SENYER i deklare: Dan sa bann zour, dan sa letan, bann zabitan Izrael ek bann zabitan Zida, pour retourn ansanm. Zot pou vin rod mwan an pleran, mwan, SENYER, zot Bondye.

Zeremi 50:5

Zot pou demann semen pour al Siyon. Zot pou tourn ver lavil: Vini e fer en lalyans pour touzour avek SENYER. Zanmen zot pou oubliy sa lalyans.

Zeremi 7:7

E mwan, mon ava les zot viv dan sa pei ki mon'n donn zot bann zanset depi touzour e pour touzour.

Ezekyel 11:17

Alor, ou ava dir zot: La sa ki Senyer BONDYE i deklare: Mon pou tir zot dan tou sa bann pei kot zot in disperse, e rasanble zot. Mon pou donn zot later Izrael.

Oze 1:11

Pep Zida ek pep Izrael pou rasanble ansanm. Zot pou swazir en sel sef. Zot pou pran posesyon zot pei; sa pou en gran zour pour Zizreel.

Oze 11:12

Efraim in antour mwan avek mansonz. Izrael in anvlop mwan dan son bann tronpri; me Zida i reste fidel e i mars avek Bondye sen.

Oze 2:2

Fer en prose kont Izrael, ou manman. I nepli mon fanm, e mon nepli son mari! Fer li efas bann mark prostitisyon ki lo son figir. Fer li tir sa bann mark adilter ki ant son tete!

Amos 9:15

Mon pou retabli mon pep lo son later. Zanmen zot pou ganny derasinen lo sa later ki mon'n donn zot. SENYER zot Bondye ki deklare.

Zakari 10:6

Mon pou donn pep Zida ki'n plis kouraz e mon pou sov pep Izrael. Mon pou fer zot retournen, akoz mon annan konpasyon pour zot. Zot ava konmsi zanmen mon'n rezet zot. Mwan menm SENYER zot Bondye e mon pou egzos zot.

Zakari 2:6

La sa ki SENYER liniver i deklare: Leve! Sove, kit pei Nor. Mon'n dispers ou dan tou direksyon, parey divan ki soufle dan kat kwen lesyel. SENYER ki deklare.