Zeremi 3:16 - Labib An Kreol Seselwa

¹⁶ Kan ou ava vin en gran nasyon dan sa pei, dimoun pou nepli koz lo Kof lalyans SENYER. Zot pou nepli mazin sa. Zot pou nepli bezwen li e personn pa pou mazin fer en lot.

Zeremi 3:16 ပူးပေါင်းရင်းမြစ်များ

Ezai 60:22

Parmi zot, sa ki pli pti, pou vin en milye; sa ki pli feb, pou vin en nasyon pwisan. Mwan SENYER, mon pa pou tarde pour realiz tousala dan son letan.

Ezai 61:4

Zot pou rekonstri lo vye fondasyon zot pou relev bann landrwa devaste depi lontan; zot pou refer bann lavil anrin ki'n ganny dezerte depi plizyer zenerasyon.

Ezai 65:17

Mon pou kree en nouvo lesyel ek en nouvo later. Dimoun pou oubliy letan pase. Zot souvenir pa pou zanmen retourn dan lespri.

Zeremi 3:17

Kan sa zour i arive, Zerizalenm pou ganny apele Tronn SENYER e tou bann pep pou rasanble la, pour rankontre mwan. Zot pou nepli swiv dezir zot move leker.

Zeremi 30:19

Bann zabitan pou sant bann kantik remersiman; zot pou riye avek kontantman. Avek mon benediksyon, zot popilasyon pou ogmante, olye diminyen; Zot ava en pep ki ganny respekte; personn pou nepli mepriz li.

Zeremi 31:27

Letan pe vini, SENYER i deklare, kan mon pou ranpli Izrael ek Zida avek zabitan ek zannimo, parey ler ou senm lagrenn dan en plantasyon.

Zeremi 31:8

Annefe, mon pou fer zot retournen depi bann pei dan Nor, e rasanble zot depi pei pli lwen lo later. Tou dimoun pou la: Bann aveg, bann ki bwete, fanm ansent e fanm ki pe ganny zanfan. Sa pou en gran lasanble ki pou retourn isi.

Zeremi 7:4

Aret krwar dan sa bann fo parol ki zot dir: Sa i tanp SENYER, sa i tanp SENYER, sa i tanp SENYER.

Ezekyel 15:5

Menm kan i ti antye, ou pa ti kapab fer nanryen avek; ki ou kapab fer avek, aprezan ki i'n brile e i'n vin sarbon? Nanryen!

Ezekyel 37:26

Mon pou fer en lalyans lape avek zot. Sa i en lalyans ki pou reste pour touzour. Mon pou beni zot la e fer zot vin nonbre. Mon pou etabli mon sanktyer parmi zot pour touzour.

Amos 9:9

Annefe, mon pou donn mon bann lord; mon pou sekwe zabitan Izrael parey ou sekwe legren dan en tanmi, e napa okenn gravye ki pou tonbe.

Sofoni 3:11

Sa zour, ou pou nepli onte akoz ou bann move aksyon ki ti fer ou revolte kont mwan. Mon pou fer disparet parmi zot, tou bann ki fyer e arogan. Ou ava arete montre ou lorgey lo mon montanny sen.

Matye 1:11

Zozyas ti papa Yekonya ek son bann frer. Sa ti dan lepok ki pep Izraelit ti ganny deporte Babilonn.

Matye 3:9

Pa zis dir dan zot menm: Abrahanm i nou papa. Les mwan dir zot ki Bondye i kapab servi sa bann ros ki la, pour fer zot vin desandans Abrahanm.