Zeremi 3:15 - Labib An Kreol Seselwa

¹⁵ Mon pou donn ou bann sef ki ava vey lo ou e ki obei mwan. Zot ava diriz ou avek lasazes ek disernman.

Zeremi 3:15 ပူးပေါင်းရင်းမြစ်များ

Proverb 10:21

Parol sa enn ki zis i nouri en lafoul; me bann fou i mor akoz zot latet i vid.

Zeremi 23:4

Mon pou donn zot bann bon berze pour diriz zot, ki pou pran swen avek zot. Avek zot, mon pep pou nepli per, ni konn lafreyer; pa pou annan enn ki pou manke; SENYER i deklare.

Zeremi 31:10

Tou bann nasyon! Ekout parol SENYER e al proklanm li dan bann zil elwannyen: SENYER ki ti dispers Izrael, pou aprezan rasanble li. I pou vey lo li parey en berze i gard son troupo.

Ezekyel 34:2

Ou ki en imen, pronons mon parol kont bann berze Izrael. La sa ki Senyer BONDYE i deklare: Maler lo zot, bann berze Izrael, ki pran ka zis avek zot prop lekor! Eski bann berze pa devre pe okip zot bann mouton?

Ezekyel 34:23

Mon pou etabli en sel berze: Mon serviter David. I pou nouri zot e vin zot berze.

Ezekyel 37:24

Mon serviter David pou vin zot lerwa; zot pou annan en sel berze pour zot tou. Zot ava swiv mon bann komannman, obzerv mon bann regleman e met zot an pratik.

Levanzil dapre Lik 12:42

Zezi ti reponn li, “Lekel sa serviter fidel e onnet ki son met ava etabli li ansarz son lakour pour li donn lezot serviter zot rasyon dible kan fodre?

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

1 Korentyen 2:6

Pourtan, nou anons en mesaz lasazes parmi bann kretyen adilt; non pa lasazes sa lemonn, ni lasazes bann dirizan sa lepok ki pou ganny detri.

1 Pyer 2:2

Parey bann zanfan nouvo ne, kontan dile pir Parol Bondye. Konmsa zot ava grandi e ganny sove.

1 Samyel 13:14

Aprezan ou renny pa pou kontinyen. SENYER in rod en lot zonm ki i kontan e SENYER in apwent li koman sef lo son pep, akoz ou pa'n obzerv sa ki SENYER ti'n ordonn ou fer.”