Zeremi 28:11 - Labib An Kreol Seselwa

¹¹ I ti dir devan lepep antye: La sa ki SENYER i deklare: Dan 2 an, SENYER pou kas sa bar dibwa ki lerwa Naboukodonozor in met lo likou tou bann nasyon. Apre sa, Zeremi ti pran son semen, e ale.

Zeremi 28:11 ပူးပေါင်းရင်းမြစ်များ

1 Rwa 13:18

I ti dir li, “Mwan osi mon en profet parey ou; en lanz ki ti dir mwan dapre parol SENYER: Anmenn li se ou pour ki i manz en pe e bwar en pe delo.” Me i ti pe manti avek li.

1 Rwa 22:6

Lerwa Izrael ti rasanble anviron 400 profet. I ti dir zot, “Eski mon kapab al atak Ramot-Galaad oubyen non?” Zot ti reponn, “Ale! SENYER pou livre lavil dan lanmen lerwa.”

2 Kronik 18:10

Enn parmi zot, Sedesyas, garson Kenaana, ki ti'n fer li bann korn an fer, ti dir: La sa ki SENYER i deklare: Avek sa, ou ava atak bann Siriyen e ekstermin zot.

Proverb 14:7

Pa frekant en fou, ou pa pou aprann nanryen dan sa ki i dir.

Zeremi 14:14

SENYER ti reponn mwan, “Bann profet pe servi mon non pour koz mansonz. Mon pa'n anvoy zot koz dan mon non; mon pa'n donn zot okenn lord; mon pa'n koz okenn parol avek zot. Bann vizyon ki zot dir zot in ganny pa sorti kot mwan. Tou zot bann fo mesaz i sorti dan zot limazinasyon e pa fer okenn sans.”

Zeremi 23:17

Zot osi dir avek bann dimoun ki napa respe pour mwan: SENYER in dir ki tou pou al byen pour zot. Avek sa bann ki reste dan zot lantetman, ki swiv zot prop mannyer fer, zot dir: Maler pa pou tonm lo zot.

Zeremi 28:15

Profet Zeremi ti dir profet Hananya: Hananya! Ekout mwan byen. SENYER pa'n anvoy ou e ou pe fer sa pep krwar dan en mansonz.

Zeremi 29:9

Zot pe koz manti ler zot dir ki zot pe koz dan mon non. Zanmen mon'n anvoy zot, SENYER i deklare.

Ezekyel 13:7

Vizyon ki zot gannyen i zis bann ilizyon; zot bann prediksyon i mansonz. Zot dir tousala i deklarasyon SENYER, kan mon pa'n dir nanryen.