Zeremi 27:9 - Labib An Kreol Seselwa

⁹ Zot pa bezwen ekout zot bann profet ni sa bann ki predir lavenir, ni zot prop rev, oubyen envok lespri dimoun mor, ni fer mazi. Zot tou, zot pe dir ou: Ou pa pou tonm anba pouvwar lerwa Babilonn.

Zeremi 27:9 ပူးပေါင်းရင်းမြစ်များ

Egzod 22:18

Ou pa pou permet en sorsye viv.

Egzod 7:11

Me Faraon ti osi apel son bann saz ek son bann sorsye. Sa bann mazisyen Lezip ti fer parey atraver zot bann pratik sekre.

Proverb 19:27

Mon garson! Si ou aret ekout bann konsey, ou pa pou aprann nanryen.

Ezai 8:19

Si i annan dimoun ki dir ou: Al konsilte bann dimoun mor ek bann lespri ki predir lavenir e rabase, eski i normal pour en pep konsilte son bann bondye ek dimoun mor an faver bann vivan?

Zeremi 14:14

SENYER ti reponn mwan, “Bann profet pe servi mon non pour koz mansonz. Mon pa'n anvoy zot koz dan mon non; mon pa'n donn zot okenn lord; mon pa'n koz okenn parol avek zot. Bann vizyon ki zot dir zot in ganny pa sorti kot mwan. Tou zot bann fo mesaz i sorti dan zot limazinasyon e pa fer okenn sans.”

Zeremi 23:16

La sa ki SENYER liniver i deklare: Pa ekout parol bann profet. Pa les zot tronp ou avek en bann fo promes. Sa ki zot pe dir i zot prop lenvansyon; zot pa pe anons mesaz sorti kot SENYER.

Zeremi 23:25

Mon'n tande sa ki bann profet pe dir. Zot pretann ki zot koz dan mon non. Zot dir: Mon'n ganny en vizyon! Mon'n ganny en vizyon! Me sa pa vre.

Zeremi 23:32

Mon pou atak sa bann profet ki rakont bann fo rev avek mon pep e dir ki zot in ganny en mesaz sorti kot mwan, SENYER i deklare. Par zot bann mansonz, zot pe tronp mon pep SENYER i deklare. Zanmen mon'n anvoy zot, zanmen mon'n donn zot okenn lord pour ale. Zot pa kapab rann okenn servis mon pep, SENYER i deklare.

Zeremi 29:8

Annefe, la sa ki SENYER liniver, Bondye Izrael i deklare: Pa les zot ganny anbete par bann profet ki viv parmi zot, ni par okenn sa bann ki dir zot kapab anons lavenir atraver en rev.

Ezekyel 21:29

Malgre bann fo vizyon lo ou, bann prediksyon mansonz ki'n ganny fer, la i'n pare pour koup likou bann malfeter, bann kriminel. Ou letan in fini; zour pour ou aret ou bann krim pe arive.

Danyel 4:7

Alor, bann saz, bann mazisyen, bann deviner ti vini. Mon ti rakont zot sa rev, me zot pa ti kapab fer mwan konn son lenterpretasyon.

Mise 3:7

Bann ki predir lavenir, pou dan konfizyon, bann deviner pou dan laont! Zot tou, zot pou reste kozpa, akoz Bondye pa reponn zot.

Zakari 10:2

Annefe, zot bann pti stati in koz mansonz; bann deviner in ganny fo vizyon. Zot bann rev ki zot rakonte, pa realize. Zot bann konsolasyon pa vo nanryen. Pour sa rezon, lepep i mars san direksyon parey bann mouton. Zot soufer akoz zot napa berze.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Akt de Zapot 8:11

Alor, zot ti donn li bokou latansyon, akoz depi lontan i ti pe pratik son mazik e etonn dimoun.

Efezyen 5:6

Pa les personn tronp zot par bann fo rezonnman. Bann fot parey ki fer lakoler Bondye monte kont bann ki refize obei li.

Deterononm 13:2

si i arive ki sa bann siny oubyen sa bann keksoz ekstraordiner i realize, e zot dir ou: Annou al swiv e servi lezot bondye ki ou pa'n konnen,

Deterononm 18:14

Sa bann nasyon ki ou pou depouye, ti ekout konsey bann mazisyen ek bann ki predir lavenir. Me ou, SENYER, ou Bondye pa oule ki ou fer parey zot.

Zozye 13:22

Parmi bann ki pep Izrael ti masakre, ti annan Balaanm, sa deviner, garson Beor; i ti parmi bann viktim.

Revelasyon 18:23

Lalimyer lalanp pou nepli briy kot ou. Pou nepli antann lavwa nouvo ek nouvel marye kot ou, akoz ou bann marsan ti pli enportan lo later. Par ou bann pratik mazik, ou'n tronp tou nasyon.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!

Revelasyon 9:21

Zot pa ti regret ni zot krim, ni zot pratik siperstisye, ni zot pratik imoral, ni zot bann vol.