Zeremi 27:5 - Labib An Kreol Seselwa

⁵ Mwan ki'n kre later, zonm ek bann zannimo ki viv lo later. Tou sa ki mon'n kree avek mon lafors e mon savwar fer, mon partaz li avek sa ki fer mwan plezir.

Zeremi 27:5 ပူးပေါင်းရင်းမြစ်များ

Zenez 1:25

Bondye ti kree tou kalite zannimo dapre sak lespes: Zannimo sovaz, dapre sak lespes, zannimo domestik, dapre sak lespes, bann pti bebet, dapre sak lespes. Bondye ti war ki sa ti bon.

Zenez 9:6

Sa enn ki fer koule disan en et imen, li osi en et imen pou fer koule son disan, akoz zonm ti ganny fer dan limaz Bondye.

1 Rwa 8:42

e i vin priy dan sa lakaz;

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Nehemi 9:22

Ou ti donn zot bann rwayonm e livre zot, bann pep; ou ti donn zot bann teritwar vwazen. Konmsa, zot ti pran posesyon pei bann lerwa Sionn, Hesbonn e pei Og, lerwa Basann.

Psonm 102:25

Depi lontan, ou'n etabli fondasyon later; lesyel i travay fer par ou lanmen.

Psonm 96:5

Tou bann bondye lezot pep i zis zidol. Me SENYER in kree lesyel.

Egzod 20:11

Annefe, pandan sis zour, SENYER ti fer lesyel ek later, lanmer e tou sa ki ladan; setyenm zour i ti repoze. Pour sa rezon, SENYER ti beni zour saba e i ti konsakre li.

Egzod 6:6

Alor, dir bann Izraelit: Mwan menm SENYER, mon pou tir zot anba latas bann Ezipsyen e mon pou delivre zot anba lesklavaz ki zot pe sibir. Par mon pwisans, par mon bann gran zizman, mon pou liber zot.

Ezai 42:5

La sa ki Bondye i deklare, SENYER ki'n kree lesyel dan tou son grander; ki'n fer later avek tou son vezetasyon; ki donn lavi tou son bann zabitan, e son souf, tou sa bann ki viv lo later.

Ezai 44:24

La sa ki SENYER ou Sover ki ti form ou dan vant ou manman i deklare: Mwan menm SENYER ki'n kree tou keksoz. Tousel mon'n deroul lesyel e tousel, mon'n tal later.

Ezai 45:12

Mwan ki'n fer later e kree bann zonm ki viv lo la. Mwan menm ki'n tal lesyel; mwan ki komann bann larme zetwal.

Ezai 48:13

Mwan ki'n poz fondasyon later; par mon lanmen drwat mon'n deroul lesyel; ler mon apel zot, Toudswit, zot reponn lapel.

Ezai 51:13

Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?

Zeremi 27:4

La sa ki ou ava ordonn zot dir avek zot bann met: La en mesaz sorti kot SENYER liniver, Bondye Izrael. La sa ki zot ava dir avek zot lerwa:

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Zeremi 51:15

SENYER in kree later par son pwisans. Avek son lasazes i ti kree lemonn; par son disernman, in deroul lesyel.

Danyel 2:38

Bondye in met dan ou lanmen tou bann imen, dan nenport landrwa kot zot reste. I'n donn ou dominasyon lo tou bann zannimo sovaz, ek bann zwazo dan lesyel. Ou ki sa latet annor.

Danyel 4:14

I ti kriy byen for: Koup sa pye dibwa e koup son bann brans, deplim tou son bann fey e fann son bann fri partou. Sas bann zannimo anba li. Fer fannen bann zwazo lo son bann brans.

Danyel 4:17

Sa i desizyon bann lanz, rezolisyon bann sen, pour ki tou bann et vivan i konnen ki Bondye Toupwisan i met tou bann rwayonm imen. I donn larwayote avek sa ki i anvi, e i elev an dernyen parmi bann imen.

Danyel 4:22

Sa pye dibwa se ou, Mazeste, ki'n vin gran e pwisan. Ou pouvwar in ariv ziska lesyel, e ou lotorite ziska dan bout later.

Danyel 4:25

Ou pou ganny sase parmi bann imen, e ou pou viv parmi zannimo sovaz. Ou pou manz zerb parey bef; ou pou ganny kouver avek laroze lesyel. Set lannen pou pase, ziska ki ou aksepte ki Bondye Toupwisan i kontrol tou rwayonm imen e i donn sa ki i anvi.

Danyel 5:18

Mazeste! Bondye Toupwisan ti fer ou papa Naboukodonozor vin lerwa. I ti donn li grander, loner ek laglwar.

Akt de Zapot 14:15

“Bann zanmi! Akoz zot fer sa? Nou, nou zis bann zonm parey zot. Nou pe anmenn zot Bonn Nouvel pour ki zisteman, zot abandonn sa bann zidol initil e vin kot Bondye ki vivan, ki'n fer lesyel, later, lanmer ek tou sa ki egziste.

Akt de Zapot 17:24

Bondye ki'n kree lemonn ek tou sa ki ladan, i Senyer lesyel ek later. I pa reste dan bann tanp ki'n ganny konstri par lanmen zonm.

Akt de Zapot 17:26

Apartir en sel zonm, i'n kree tou bann nasyon dan lemonn e etabli zot lo later antye. Li menm ki davans in fikse letan egzakt e limit bann rezyon kot zot devre reste.

Deterononm 2:19

Kan zot ava apros frontyer bann Amonit, pa atak zot, pa provok en lager kont zot. Mon pa pou donn zot pei bann Amonit, akoz mon'n donn sa pei bann desandan Lot.

Deterononm 2:21

Zot ti en gran pep nonbre, osi gran ki bann zean. Me ler bann Amonit ti arive, SENYER ti detri zot e bann Amonit ti pran sa pei kot zot ti etabli zot.

Deterononm 2:7

SENYER, ou Bondye in beni ou dan tou sa ki ou'n antreprann. In vey lo ou semen dan sa gran dezer. Pandan 40 an, SENYER, ou Bondye ti avek ou; ou pa'n mank nanryen.

Deterononm 2:9

SENYER ti dir mwan: Pa atak Moab, ni provok en lager kont zot, akoz mon'n donn Moab, desandan Lot, posesyon Ar. Mon pa pou donn zot okenn later dan sa pei.

Deterononm 32:8

Kan Bondye Treo ti donn bann nasyon zot patrimwann, kan i ti separ bann imen, i ti fikse teritwar bann pep; i ti plas sak pep anba lotorite en et seles.

Deterononm 4:17

oubyen laform en zannimo ki lo later, laform en zwazo ki anvole dan lezer,

Deterononm 4:25

Ler ou ava'n etabli ou dan sa pei pour en pe letan ek zanfan ek pti zanfan, pa tonm dan pese pour fer bann stati dan nenport ki laform. Si ou fer sa ki mal devan SENYER, ou Bondye e provok son lakoler,

Deterononm 4:32

Mazin letan pase, byen lontan avan ou, depi ki ou Bondye ti kree limanite lo later. Poz sa bann kestyon lo sa ki'n arive partou lo later: Eski en si gran levennman in deza arive? Eski en keksoz parey in deza ganny rakonte?

Deterononm 4:35

In montre ou tousala, pour ki ou rekonnet ki SENYER i Bondye; ki napa okenn lot bondye apard li.

Deterononm 5:16

Respekte ou papa ek ou manman, parey SENYER, ou Bondye in ordonn ou. Konmsa, ou ava viv lontan e ere lo sa later ki SENYER, ou Bondye pou donn ou.

Deterononm 9:29

Pa oubliye ki sa pep i pour ou e ki ou ki ti fer li sorti Lezip, par ou pwisans ek ou lafors.

Kolosyen 1:16

Annefe, par li, Bondye in kree tou sa ki egziste dan lesyel e lo later, sa ki vizib e sa ki envizib, pwisans spirityel, pouvwar, gouvernman ek lotorite. Tousala, in ganny kree par li e pour li.

Ebre 1:2

Aprezan dan sa dernyen letan, in koz avek nou atraver son Garson. Par li, Bondye in kree liniver e i'n etabli li koman zeritye lo tou keksoz.

Revelasyon 4:11

Senyer, nou Bondye! Ou merit resevwar laglwar, loner ek pwisans. Ou ki'n kree tou keksoz. Par ou lavolonte ki zot egziste e ki zot i'n ganny kree.