Zeremi 27:22 - Labib An Kreol Seselwa

²² Sa bann lobze pou ganny anmennen Babilonn. Zot pou reste laba ziska zour mon ava deside retourn zot isi, SENYER ki deklare.

Zeremi 27:22 ပူးပေါင်းရင်းမြစ်များ

2 Rwa 25:13

Bann Babilonyen ti kas an morso bann kolonn an bronz avek son sipor ek gran basen an bronz ki ti dan tanp SENYER. Zot ti anmenn sa bronz Babilonn.

2 Kronik 36:21

pour ki parol SENYER par lentermedyer profet Zeremi i realize: Ziska ki pei i gard bann saba pour letan ki i'n reste abandonnen; fodre i gard saba ziska ki 70 an i pase.

Esdras 1:11

Ti annan an tou, 5,400 lobze annor e annarzan. Sesbasar ti anmenn tousala avek li kan bann egzile ti kit Babilonn pour retourn Zerizalenm.

Esdras 7:19

Depoz devan Bondye ki Zerizalenm tou bann lobze ki nou'n remet ou pour servis tanp ou Bondye.

Esdras 7:9

Depar pour sorti Babilonn ti'n ganny fikse pour premye zour, dan premye mwan, e zot ti ariv Zerizalenm premye zour, senkyenm mwan, e lanmen son Bondye ti avek li.

Proverb 21:30

Napa okenn lasazes imen, okenn rezonnman, okenn konsey imen, ki kapab tenir devan SENYER.

Zeremi 20:5

Mon pou osi les zot lennmi pran e fer piyaz tou larises sa lavil e sezi tou sa ki zot in gannyen afors travay, zot bann lobze presye, menm trezor bann lerwa Zida. Tousala, lennmi pou pran e anmenn avek li Babilonn.

Zeremi 27:21

La sa ki SENYER liniver, Bondye Izrael, i deklare konsernan bann lobze ki'n reste dan tanp SENYER, dan pale rwayal Zida e dan Zerizalenm:

Zeremi 27:7

Tou bann nasyon pou servi li, son garson ek son pti zanfan, ziska ler son zour ava vini. Alor, bann nasyon ek bann lerwa pli pwisan ki li pour fer li lesklav.

Zeremi 29:10

Me la sa ki SENYER i deklare: Kan Babilonn ava'n egzers son pouvwar pandan 70 an, mon pou entervenir dan ou faver e mon pou realiz mon promes pour ou retourn dan sa pei.

Zeremi 32:5

Sedesyas pou ganny deporte Babilonn kot i pou reste ziska zour mon ava azir an son faver. Menm si ou kontinyen fer lager kont bann Babilonyen, ou pou perdi, SENYER ki deklare.

Zeremi 34:2

La sa ki SENYER, Bondye Izrael i deklare: Al kot Sedesyas, lerwa Zida. Ou ava dir li: La sa ki SENYER i deklare: Mon pe al met sa lavil dan lanmen lerwa Babilonn ki pou met dife ladan.

Zeremi 34:3

Ou menm, ou pa pou kapab sove; ou pou ganny kaptire e livre anba son pouvwar. Ou pou konparet devan li fas a fas; ou pou koz avek li an personn, e ou pou al Babilonn.

Zeremi 34:5

Ou pou mor anpe. Zour ou lanterman, dimoun pou bril lansan parey zot ti fer kan zot ti anter ou bann zanset ki ti lerwa avan ou. Zot pou sant bann kantik dey pour ou e zot pou dir: Maler! Nou lerwa in mor. Sanmenm sa ki SENYER i deklare.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Danyel 9:2

Dan premye lannen son renny, mwan, Danyel, mon ti konsilte bann liv sakre pour konpran parol ki SENYER ti'n donnen par profet Zeremi. Mon ti konpran ki Zerizalenm pou reste detri pour 70 lannen.