Zeremi 27:16 - Labib An Kreol Seselwa

¹⁶ Apre, mon ti dir bann pret ek lepep, sa ki SENYER i deklare: Pa bezwen ekout sa bann profet ki pe dir ki bann lobze ki servi dan tanp SENYER, pou byento retournen sorti Babilonn. Sa ki zot pe anonse i en mansonz.

Zeremi 27:16 ပူးပေါင်းရင်းမြစ်များ

2 Rwa 24:13

I ti anmenn tou bann trezor ki ti dan tanp SENYER, e tou bann trezor ki ti dan pale lerwa; i ti kraz an morso tou bann resipyan annor ki ti dan tanp SENYER, ki Salomon, lerwa Izrael, ti'n fer, parey SENYER ti'n anonse.

Ezai 9:15

Bann ansyen ek bann zonm enportan, se sa latet; bann profet ki ansenny mansonz, se sa lake.

Zeremi 27:10

Annefe, tou sa ki zot anons ou koman profesi, i en bann mansonz. Si ou ekout zot, mon pou fer ou ganny deporte, mon pou anvoy ou lwen ek ou pei e ou pou disparet konpletman.

Zeremi 27:14

Pa bezwen ekout sa bann profet ki dir ou: Ou pa pou tonm anba pouvwar lerwa Babilonn. Sa ki zot pe anonse i en mansonz.

Zeremi 28:3

Dan 2 an, mon fer retourn dan sa pei, tou bann lobze ki dan tanp SENYER e ki lerwa Naboukodonozor in anmenn avek li Babilonn.

Danyel 1:2

SENYER ti livre Yoyakim, lerwa Zida, dan lanmen Naboukodonozor, avek serten bann istansil tanp Bondye. Naboukodonozor ti anmenn sa bann istansil dan pei Sinear e met zot dan lasal trezor son bann bondye.