Zeremi 27:13 - Labib An Kreol Seselwa

¹³ Akoz ou avek ou pep, zot devre mor dan lager, avek lafanmin oubyen lepidemi, parey SENYER in dir pou arive avek nenport ki nasyon ki pa soumet li anba lerwa Babilonn?

Zeremi 27:13 ပူးပေါင်းရင်းမြစ်များ

Proverb 8:36

Me dimoun ki ofans mwan, i fer son prop lekor ditor. Dimoun ki ay mwan, zot kontan lanmor.

Zeremi 17:4

Ou pou bezwen rann sa pei ki mon ti'n donn ou. Mon pou fer ou vin lesklav dan en pei lennmi ki ou pa konn ditou, akoz ou'n fer mon lakoler alimen parey en dife ki pa pou zanmen tennyen.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Zeremi 27:8

Si en nasyon oubyen en rwayonm i refize soumet li anba lerwa Naboukodonozor, lerwa Babilonn; si i refize met son likou anba fardo lerwa Babilonn, alor mon pou pini sa nasyon par lager, lafanmin, lepidemi, ziska ki i ava'n detri li konpletman, SENYER i deklare.

Zeremi 38:2

La sa ki SENYER i deklare: Tou dimoun ki kontinyen reste dan sa lavil pou mor par lepe, par lafen ou byen par lepidemi. Me sa enn ki sorti pour rann son lekor avek bann Babilonyen, pou reste vivan. Omwen i ava sov son lavi.

Zeremi 38:20

Zeremi ti reponn, “Non, ou pa pou ganny livre avek ou bann prop zanmi. Mon demann ou ekout sa ki mon pe dir ou e ki sorti kot SENYER. Si ou ekout mwan, tou pou al byen e ou ava reste vivan.

Zeremi 38:23

Tou ou bann fanm ek ou bann zanfan pou ganny anmennen kot bann Babilonyen; ou osi ou pa pou sape. Lerwa Babilonn pou fer ou prizonnyen e met dife dan lavil.”

Ezekyel 14:21

Alor, la sa ki Senyer BONDYE i deklare: Kan mon pou anvoy kont Zerizalenm mon kat zizman terib: Lepe, lafanmin, bebet feros ek lepidemi pour fer disparet zonm koman zannimo,

Ezekyel 18:24

Me si en dimoun zis i abandonn sa ki byen pour al fer sa ki mal e imit bann malfeter dan zot pratik degoutan, eski i pou viv? Tou bann bon aksyon ki i'n fer pou ganny oubliye. I pou mor, akoz tou son bann pese ek enfidelite ki i'n komet.

Ezekyel 18:31

Abandonn sa bann move aksyon ki ou'n komet kont mwan. Rod en nouvo leker ek en nouvo lespri. Pep Izrael, akoz ou oule lanmor?

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?