Zeremi 26:8 - Labib An Kreol Seselwa

⁸ Kan Zeremi ti'n fini dir tou sa ki SENYER ti'n ordonn li dir avek lepep, bann pret, bann profet e lepep antye ti sezi li e zot ti kriye: Ou merit lanmor!

Zeremi 26:8 ပူးပေါင်းရင်းမြစ်များ

2 Kronik 36:16

Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.

Zeremi 1:19

Zot pou lager kont ou; me zot pa pou kapab fer ou nanryen, akoz mon avek ou pour protez ou. SENYER i deklare.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Zeremi 18:23

SENYER! Ou konn byen tou zot bann konplo pour touy mwan. Pa oubliy zot krim; pa pardonn zot pese. Fer zot tonbe devan ou. Pa les zot sape devan ou lakoler.

Zeremi 2:30

Mon'n esey koriz ou bann zanfan; me sa pa'n servi dan nanryen. Parey en lyon anraze, ou'n masakre bann profet ki mon ti'n anvoy ou.

Zeremi 32:3

kot lerwa Sedesyas ti'n fer met li an konsiny, apre ki i ti'n demann li: Akoz ou dir: La sa ki SENYER i deklare: Mon pour les lerwa Babilonn pran sa lavil, e i pou pran li.

Zeremi 43:1

Ler Zeremi ti'n fini raport tou sa ki SENYER zot Bondye ti'n anvoy li dir sa bann dimoun,

Amos 7:10

Amasya ki ti pret dan lavil Betel, ti anvoy en rapor kot Zeroboanm, lerwa Izrael, pour dir: Amos pe fer konplo kont ou dan rwayonm Izrael. Son bann parol pou detri pei.

Matye 22:6

Lezot ti atrap sa bann serviter, bat zot e touy zot.

Matye 27:20

Bann gran-pret ek bann ansyen ti ensiste avek lafoul, pour demann liberasyon Barabas e kondannasyon anmor pour Zezi.

Akt de Zapot 5:33

Ler zot ti antann sa, bann manm Konsey ti pran en gran lakoler. Zot ti deside pour touy bann zapot.

Akt de Zapot 7:52

Lekel profet ki zot bann zanset pa'n persekite? Zot in touy tou bann ki'n anons larive sa enn ki Zis. Aprezan, li menm ki zot in trai e ki zot in touye.

Revelasyon 18:24

Babilonn! Disan bann profet ek tou bann pep Bondye, disan tou sa bann ki ou'n touye lo later, in koule kot ou.