Zeremi 26:3 - Labib An Kreol Seselwa

³ Petet, enn apre lot, lepep ava ekoute e sanz zot move mannyer fer. Alor, mon pa ava detri zot parey mon ti'n deside, pour zot bann move mannyer fer.

Zeremi 26:3 ပူးပေါင်းရင်းမြစ်များ

1 Rwa 21:27

Kan Akab ti antann sa bann parol, i ti desir son lenz, met lenz dey lo li e i ti zennen. I ti dormi dan sa lenz dey e mars dousman.

1 Rwa 21:29

“Eski ou'n war ki mannyer Akab in imilye li devan mwan? Akoz in imilye li devan mwan, mon pa pou fer sa bann maler tonm lo li pandan son vivan; me pandan renny son garson ki mon pou fer maler tonm lo son fanmir.”

Zeremi 26:13

Aprezan, zot devre sanz zot mannyer viv e zot mannyer fer. Ekout lavwa SENYER zot Bondye. Konmsa, SENYER ava sanz son lide. I pa ava anvoy lo zot sa bann maler ki i ti'n deside kont zot.

Zeremi 26:19

Eski lerwa Ezekyas ek lepep Zida ti fer Mise ganny touye pour sa? O kontrer, Ezekyas ti montre en gran respe pour SENYER e fer tou pour li ganny son faver. Alor, SENYER ti sanz son lide lo bann dezas ki i ti dir i pour anvoy lo zot. Fer atansyon ki nou pa anmenn en gran dezas lo nou menm.

Zeremi 36:3

Kekfwa bann zabitan Zida ava antann tou sa bann maler ki mon annan lentansyon anvoy lo zot, pour ki zot sanz zot move mannyer viv. Alor mon ava pardonn zot pour zot fot ek zot pese.

Zeremi 36:7

Kekfwa zot ava priy SENYER e ki zot ava sanz zot lavi, akoz SENYER in menas sa pep avek en gran lakoler.

Ezekyel 12:3

Ou ki en imen, prepar ou bagaz koman en egzile. Al annegzil letan i ankor lizour pour dimoun war ou. Sorti kot ou reste, al annegzil dan en lot landrwa, devan zot lizye; petet zot ava konpran, menm si zot en pep rebel.

Ezekyel 18:21

Si en move dimoun i abandonn tou pese ki i'n komet; si i swiv mon bann regleman, respekte lalwa e fer sa ki byen, i pa pou mor; i pou sirman viv.

Oze 11:9

Mon pa pou les monte mon gran lakoler; mon pa pou detri Efraim ankor; akoz mon pa en zonm, mwan Bondye, sa Enn ki sen i parmi zot, mon pa pe vin kot zot avek lakoler.

Zoel 2:14

Petet i ava sanz son desizyon, e donn ou son benediksyon! Alor, ofer SENYER, ou Bondye en lofrann dible ek diven.

Zonas 4:2

I ti priy SENYER: SENYER! Sanmenm ki mon ti dir letan mon ti ankor dan mon pei. Pour sa rezon ki mon ti prefere sove pour al Tarsis, akoz mon konnen ki ou en Bondye ki bon e ranpli avek pitye, touzour pare pour pardonnen, ou pa pran lakoler vitman, ou ranpli avek lanmour e ou pa kontan fer ditor personn.