Zeremi 26:21 - Labib An Kreol Seselwa

²¹ Kan lerwa Zoyakim ek tou son bann vayan gerye ek son bann sef ti antann sa ki Ouri ti'n dir, zot ti esey fer touy li. Ler Ouri ti antann sa, i ti per. Alor i ti sove Lezip.

Zeremi 26:21 ပူးပေါင်းရင်းမြစ်များ

1 Rwa 18:10

Par SENYER ou Bondye ki vivan, napa en nasyon, ni en pei kot mon senyer Akab pa'n anvoy rod ou. Ler ti ganny dir ki ou pa la, i ti fer sa nasyon oubyen sa rwayonm fer serman ki vreman zot pa'n war ou.

2 Kronik 16:10

Asa ti ankoler avek sa profet; i ti fer ansenn li dan prizon. I ti ankoler akoz parol profet Hanani. Dan sa letan i ti osi vin kriyel anver serten dimoun dan pei.

2 Kronik 24:21

Alor, lepep ti form en konplo kont li. Lerwa ti donn lord saboul li avek ros, e touy li lanmenm dan lakour tanp SENYER.

Psonm 119:109

Mon lavi i touzour an danze; me mon pa oubliy ou lalwa.

Proverb 29:25

Lafreyer pour zonm i en move keksoz; me sa enn ki met son konfyans dan SENYER i an sekirite.

Zeremi 26:10

Kan bann sef dan Zida ti antann sa ki'n arive, zot ti depese pou sorti dan pale lerwa pour al dan tanp. Zot ti rasanble kot laport tanp ki apel laport Nef.

Zeremi 36:26

Alor, lerwa ti donn lord son garson Zerameel ek Seraya, garson Azriel ek Selemia, garson Abdeel, pour al aret profet Zeremi ek Barouk son sekreter. Me SENYER ti kasyet zot.

Zeremi 38:4

Apre, bann zofisye ti dir lerwa, “Sa zonm i merit lanmor, akoz sa ki i pe dir, i dekouraz bann gerye ki pe reste dan lavil, e osi tou bann zabitan. Annefe, i pa pe rod boner sa pep, me plito son maler.”

Matye 10:23

Kan zot ava ganny persekite dan en lavil, sov dan en lot. Mon dir zot, sa i laverite: Zot pa pou ankor fini fer letour tou bann lavil dan Izrael, avan ki Fis-de-Lonm i vini.

Matye 10:28

Pa per bann ki touy lekor, me ki pa kapab touy ou et antye. Plito per sa enn ki kapab detri ou lekor ek ou et antye dan lanfer.

Matye 10:39

Sa enn ki oule gard son lavi pou perdi li, me sa enn ki perdi son lavi akoz mwan, pou gard li.

Matye 14:5

Herod ti oule touy Zan, me i ti per lafoul ki ti konsider Zan koman en profet.

Mark 6:19

Alor Herodyad ti gard en rankin kont Zan e i ti anvi fer touy li, me i pa ti kapab.