Zeremi 26:16 - Labib An Kreol Seselwa

¹⁶ Bann sef ek lepep ti dir bann pret ek bann profet: Sa zonm in koz lo non SENYER nou Bondye; i pa merit lanmor.

Zeremi 26:16 ပူးပေါင်းရင်းမြစ်များ

Ester 4:14

Si ou reste trankil dan en tel sityasyon, led ek delivrans bann Zwif ava sorti dan en lot landrwa; me ou, avek lafanmir ou papa, zot pou ganny detri. Dayer, lekel ki dir si ou pa'n ganny o plase dan sa rwayonm pour en letan parey?

Psonm 94:16

Lekel ki pou leve pour defann mwan kont bann malfeter? Lekel ki pou debout pour defann mwan kont sa bann malfeter?

Proverb 16:7

Kan SENYER i kontan avek mannyer fer en zonm, i rekonsilye son prop lennmi avek li.

Zeremi 26:11

Bann pret ek bann profet ti dir bann sef ek lepep antye, “Sa zonm i merit lanmor akoz in koz kont Zerizalenm. Zot tou, avek zot prop zorey, zot in tande sa ki i'n dir.”

Zeremi 34:10

Tou bann sef ek zabitan Zerizalenm ki ti aksepte sa lakor pour liber zot lesklav, zonm oubyen fanm, e pa zanmen fer zot travay koman lesklav, ti obei e zot ti liber zot bann lesklav.

Zeremi 36:19

Apre, sa bann zofisye ti dir li, “Ou avek Zeremi, zot devre al kasyet. Pa les personn konnen kote zot ete.”

Zeremi 36:25

Pourtan, Elnatan, Delaya ek Gemarya ti ensiste avek lerwa pour li pa bril sa liv roulo. Me lerwa pa ti port okenn atansyon.

Zeremi 37:15

Zot ti ankoler kont Zeremi; zot ti bat li e anferm li kot Zonatan, sekreter lakour, ki son lakaz ti'n ganny transformen koman en prizon.

Matye 27:54

Sa zofisye Romen ek bann solda ki ti pe vey Zezi ti war sa tranblemandter ek tou sa ki ti'n arive. Alor, zot ti tranble avek en gran lafreyer. Zot ti dir, “Vreman! Sa zonm ti Garson Bondye!”

Levanzil dapre Lik 23:41

Nou, nou merit nou kondannasyon; nou pe pey pour sa ki nou'n fer. Me sa zonm pa'n fer nanryen mal.”

Levanzil dapre Lik 23:47

En zofisye Romen ki ti war tou sa ki ti'n arive, ti loue Bondye. I ti dir, “Sa zonm ti vreman en zonm zis!”

Akt de Zapot 23:29

Mon ti dekouver ki i pa ti'n fer nanryen ki merit lanmor ouswa prizon. Lakizasyon kont li ti en zafer an rapor avek zot prop lalwa.

Akt de Zapot 23:9

Alor, zot ti konmans kriy pli for e serten profeser Lalwa, manm group Farizyen ti debout e proteste byen for, “Nou pa war nanryen mal avek sa zonm. Ki i fer si en lanz oubyen en lespri in kekfwa koz avek li?”

Akt de Zapot 25:25

Lo mon kote, mon'n dekouver ki i pa'n fer nanryen ki merit lanmor, me akoz li menm i'n fer rapel devan Sezar, mon'n deside pour anvoy li kot Sezar.