Zeremi 25:9 - Labib An Kreol Seselwa

⁹ mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 25:9 ပူးပေါင်းရင်းမြစ်များ

2 Rwa 24:2

SENYER ti anvoy kont li, bann troup Babilonyen, Siriyen, Moabit ek Amonit. I ti anvoy zot kont Zida pour detri li, parey SENYER ti'n dir par lentermedyer son bann serviter, bann profet.

2 Kronik 29:8

Alor, SENYER ti ankoler avek pep Zida ek Zerizalenm, e fer zot vin en pep degoutan, ranpli avek lafreyer ek mepri, parey zot kapab war pour zot menm.

2 Kronik 36:21

pour ki parol SENYER par lentermedyer profet Zeremi i realize: Ziska ki pei i gard bann saba pour letan ki i'n reste abandonnen; fodre i gard saba ziska ki 70 an i pase.

Proverb 21:1

Leker lerwa i en pti larivyer dan lanmen SENYER. I diriz li partou kot i oule.

Ezai 10:5

Maler lo Asiri! I en roten mon lakoler. Sa baton dan zot lanmen ki montre mon lakoler.

Ezai 13:3

Mwan menm ki'n donn lord bann zonm ki mon'n konsakre. Mon'n rasanble mon bann brav gerye, ki selebre mon laviktwar e egzekit mon lakoler.

Ezai 39:7

Serten parmi ou bann prop garson ki ou'n fer, pou ganny anmennen; zot pou servi koman enik dan pale lerwa Babilonn.”

Ezai 44:28

Mon'n deklare lo size Siris: I mon berze i pou akonpli tou sa ki fer mwan plezir. Lo size Zerizalenm: I pou ganny rekonstri. Lo size tanp: Ou fondasyon pou ganny retabli.

Zeremi 1:14

Alor, SENYER ti eksplik mwan: Maler pou sorti dan Nor e i pou devers lo tou bann zabitan sa pei.

Zeremi 1:15

Annefe, mon pe apel tou bann tribi ki reste dan Nor. Tou bann lerwa pou vini; sakenn ava plas son lotorite devan bann laport Zerizalenm. Zot ava anserkle son bann miray e miray tou lezot lavil ki dan rwayonm Zida.

Zeremi 10:22

Ekout sa nouvel: En gran boulversman pe vini sorti dan Nor; i pou transform bann lavil Zida e fer zot vin parey en dezer kot zis zannimo sovaz ki pou reste.

Zeremi 12:14

La sa ki SENYER i deklare: Tou mon bann move vwazen ki'n rin sa pei ki mon'n donn mon pep Izrael, mon pou derasin zot dan zot pei, parey ou derasin en plant. Mon pou osi derasin parmi zot, bann zabitan Zida.

Zeremi 18:16

Zot in telman devaste pei, ki tou dimoun ki pas par la i soke e sekwe latet.

Zeremi 2:15

Zot kriy avek li parey bann zenn lyon ki fer tande zot lavwa. Zot in detri son pei konpletman. Personn pa reste dan bann lavil brile.

Zeremi 20:4

Annefe, la sa ki SENYER i deklare: Mon pou fer ou ek ou bann zanmi per zot lonbraz. Avek ou prop lizye, ou pou war lennmi masakre zot tou. Mon pou osi livre Zida anba pouvwar lerwa Babilonn ki pou anvoy zot annegzil Babilonn, kot zot ava ganny masakre.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Zeremi 25:8

La sa ki SENYER liniver i deklare: Akoz ou pa'n oule ekout mwan,

Zeremi 29:18

Mon pou kontinyen pourswiv zot avek lager, lafanmin e lepidemi, de sort ki tou bann rwayonm lo later ava tranble avek lafreyer kan zot ava war tousala. Partou kot mon pou dispers zot, dimoun pou soke e zot pou per kan zot ava war sa ki'n ariv zot. Dimoun pou mepriz zot e zot non pou vin en malediksyon.

Zeremi 35:11

Me kan lerwa Naboukodonozor, lerwa Babilonn ti anvai sa pei, nou ti deside sov isi Zerizalenm, pour nou reste lwen avek bann gerye Babilonyen ek Siriyen. Pour sa rezon ki nou pe viv dan Zerizalenm.”

Zeremi 36:2

Pran en liv e ekri tou sa bann parol ki mon ti dir ou lo Izrael, Zida ek tou bann nasyon, depi lepok Zozyas ziska ozordi.

Zeremi 36:29

Konsernan Yoyakim, lerwa Zida, ou ava dir: La sa ki SENYER i deklare: Akoz eski ou'n bril sa liv roulo kot Zeremi ti'n anonse ki lerwa Babilonn pou vin detri sa pei e touy tou son bann zabitan ek zot bann zannimo?

Zeremi 4:7

Destrikter bann nasyon pe vini. Parey en lyon, in sorti dan son landrwa kasyet. I pou detri zot pei. Zot bann lavil pou ganny detri e reste abandonnen.

Zeremi 40:2

Nabouzeradann ti anmenn li akote. I ti dir li: SENYER ou Bondye ti'n predir sa maler kont Zerizalenm.

Zeremi 43:10

Ou ava dir zot: La sa ki SENYER liniver, Bondye Izrael i deklare: Mon pou fer mon serviter Naboukodonozor, lerwa Babilonn, vin isi. Mon pou enstal son tronn par lao sa bann ros ki mon'n kasyet. La ki i pou etabli son latant rwayal.

Zeremi 46:20

Lezip i parey en zoli zenis ki'n ganny pike par en mous ki sorti dan Nor.

Zeremi 49:19

Parey en lyon ki sorti dan brousay obor larivyer Zourden pour vin dan laplenn, mon pou vini e fer tou dimoun taye kot zot. Alor, mon pou etabli en sef ki mon ava'n swazir. Lekel ki kapab konpar li avek mwan? Lekel ki pou oze kontredir mwan? Lekel sa berze ki pou kapab opoz mwan?

Zeremi 6:1

Zabitan tribi Benzamen! Sove! Kit Zerizalenm! Al rod proteksyon dan en lot landrwa. Sonn tronpet dan Tekoa; donn lavertisman dan Bet-Kerenm, akoz maler ek gran dezas pe arive sorti dan Nor.

Zeremi 8:16

Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Ezekyel 12:20

Bann lavil kot i annan zabitan pou ganny devaste e pei pou tonm anrin. Alor, zot ava konnen ki mwan menm SENYER.

Ezekyel 16:40

Apre, zot pou eksit en lafoul kont ou. Zot ava saboul ou avek ros e koup ou an morso avek zot lepe.

Ezekyel 21:11

Lepe in ganny poli pour li ganny servi. I'n ganny fite e poli pour met dan lanmen bouro.

Ezekyel 26:7

La sa ki Senyer BONDYE i deklare: Mon pou fer vini kont Tir, Naboukodonozor lerwa Babilonn, en lerwa parmi bann lerwa, avek tou son seval ek kales lager, son bann kavalye ek en gran larme, sorti dan Nor.

Ezekyel 36:5

Alor, la sa ki Senyer BONDYE i deklare: Avek tou pasyon mon lakoler, mon pronons bann menas kont lezot nasyon e kont Edonm antye. Dan lazwa e san kanmi, sa bann nasyon, zot in pran mon pei e depouy li.

Danyel 5:18

Mazeste! Bondye Toupwisan ti fer ou papa Naboukodonozor vin lerwa. I ti donn li grander, loner ek laglwar.

Habakouk 1:12

SENYER, mon Bondye, mon Sen! Ou ki SENYER, depi touzour. Ou pa pou mor. SENYER! Ou'n swazir bann Babilonyen pour egzekit ou zizman. Mon Ros protekter! Ou'n etabli zot pour pini nou.

Habakouk 1:17

Alor, eski zot kapab arete servi zot lasenn e masakre lezot nasyon san pitye?

Deterononm 28:37

Tou bann pep kot SENYER pou anmenn ou, ava etonnen avek sa ki ariv avek ou; zot pou riy ou e gognard ou.