Zeremi 25:7 - Labib An Kreol Seselwa

⁷ Me zot in refize ekout mwan, SENYER i deklare. Olye, zot in fer mwan ankoler avek zot bann fo bondye ki zot in fabrike. Alor, i zot prop lafot si zot ganny pini.

Zeremi 25:7 ပူးပေါင်းရင်းမြစ်များ

2 Rwa 17:17

Zot ti'n ofer zot garson ek zot fiy an sakrifis; zot ti'n pratik divinasyon, konsilte bann sorsye e vann zot lekor pour fer sa ki depler SENYER e provok son lakoler.

2 Rwa 21:15

akoz zot in fer sa ki depler mwan e provok mwan, depi zour zot bann zanset ti sorti Lezip ziska ozordi.

2 Kronik 24:19

SENYER ti anvoy son bann profet parmi zot, pour averti zot pour retourn kot li. Me zot pa ti ekoute.

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Proverb 8:36

Me dimoun ki ofans mwan, i fer son prop lekor ditor. Dimoun ki ay mwan, zot kontan lanmor.

Zeremi 19:15

La sa ki SENYER liniver, Bondye Izrael i deklare: Mon pe fer vin lo sa lavil e lo bann vilaz zalantour tou sa bann maler ki mon ti'n anonse kont li, akoz bann zabitan i antete e zot in refize ekout mon parol.

Zeremi 22:21

Mon ti averti ou kan tou ti pe al byen pour ou. Me ou ti dir: Mon pa tande. Ou'n touzour azir konmsa depi ou ti ankor pti. Ou pa'n zanmen oule obei mwan, ou SENYER.

Zeremi 25:8

La sa ki SENYER liniver i deklare: Akoz ou pa'n oule ekout mwan,

Zeremi 29:19

Tousala pou arive, SENYER ki deklare akoz zot pa'n ekout bann parol ki mon'n kontinyen anvoy kot zot par lentermedyer mon bann serviter, bann profet. Me zot ti refize ekoute, SENYER ki deklare.

Zeremi 44:7

Aprezan, SENYER liniver, Bondye Izrael i demande: Akoz eski zot fer zot menm tou sa kantite ditor? Eski zot oule anmenn destriksyon total lo zonm, fanm, zanfan e pti baba? Eski zot oule ki zot pep i disparet?

Zeremi 44:8

Akoz zot provok mon lakoler par zot bann move aksyon e par bann sakrifis an loner bann bondye dan pei Lezip, kot zot in vin reste? Sa ki zot pe fer, pe detri zot e fer zot vin en legzanp malediksyon ek laont pour tou bann nasyon dan lemonn.

Zakari 1:4

Pa fer parey zot bann zanset avek ki bann ansyen profet ti anonse: La sa ki SENYER liniver i deklare: Retournen! Kit zot bann move semen ek zot bann move mannyer fer! Me, zot pa ti ekout mwan; zot pa ti pret atansyon, SENYER liniver i deklare.

Deterononm 32:21

Zot ti rann mwan zalou avek bann fo bondye; zot ti provok mwan avek zot bann zidol. Alor, mon pou rann zot zalou avek bann dimoun ki pa en pep, provok zot avek en nasyon fou.