Zeremi 24:6 - Labib An Kreol Seselwa

⁶ Mon pou pran gran swen avek zot, e mon pou fer zot retourn dan sa pei. Olye demoli zot ankor, mon pou relev zot; olye derasin zot, mon pou replant zot.

Zeremi 24:6 ပူးပေါင်းရင်းမြစ်များ

Zenez 44:21

Apre, ou ti dir nou: Anmenn li kot mwan e mon ava okip li.

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

Nehemi 5:19

“Mon Bondye! Pa oubliy mwan. Mazin tou sa ki mon'n fer pour sa pep.”

Psonm 34:15

Lizye SENYER i fikse lo bann zis. Son zorey i ouver pour ekout zot ler zot kriye.

Psonm 44:2

Avek ou lafors, ou ti sas bann nasyon pour etabli nou zanset. Ou'n kraz bann nasyon pour fer ou pep grandi.

Ezai 14:1

Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Ezai 60:21

Tou ou pep pou vin bann zis; zot pou pran posesyon sa later pour touzour. Zot boutir ki mon ti plante, travay mon lanmen, pour fer mon laglwar.

Zeremi 1:10

Ozordi, mon donn ou lotorite lo tou bann rwayonm, pour ou derasinen, kraze, detrir, demoli pour konstri e plante.”

Zeremi 12:15

Me apre ki mon'n derasin zot, mon pou pran pitye ankor pour zot tou. Mon pou retourn avek zot dan zot pei, sakenn dan son teritwar.

Zeremi 16:15

Mon promet lo non SENYER ki vivan, ki'n fer pep Izrael sorti dan pei Nor e dan lezot pei kot in dispers zot. Wi, mwan, mon pou fer zot retourn lo later ki mon ti'n donn zot zanset.

Zeremi 21:10

Annefe, SENYER i deklare: Mon pe tourn kont lavil Zerizalenm, pa pour son boner, me pour son maler. Mon pou detri li. I pou ganny livre avek lerwa Babilonn ki pou met dife ladan.

Zeremi 23:3

Mwan menm ki pou rasanble leres mon troupo, dan tou sa bann pei kot mon'n sas zot; mon pou fer zot retourn dan zot pei kot zot ava fer bokou zanfan.

Zeremi 29:10

Me la sa ki SENYER i deklare: Kan Babilonn ava'n egzers son pouvwar pandan 70 an, mon pou entervenir dan ou faver e mon pou realiz mon promes pour ou retourn dan sa pei.

Zeremi 31:28

Mon'n fer tou pour derasinen, koupe, demoli, detri e fer dimal sa pep. Me aprezan, mon pou fer tou pour li; konmsa, i pou ganny rekonstri e replante, SENYER i deklare.

Zeremi 31:4

Izrael ki zoli! Mon pou rekonstri ou! Ou pou ganny remet lo ou de lipye. De nouvo, ou pou fer sorti ou bann tanbouren, e selebre dan lazwa avek bann danser.

Zeremi 32:37

Mon pou rasanble zot depi tou bann pei kot mon ti'n dispers zot dan mon lakoler. Mon pou fer zot retourn isi kot zot ava viv an sekirite.

Zeremi 32:41

Mon pou pran plezir fer zot dibyen. Mon pou met tou mon leker e mon et antye pour ki zot enstal zot definitivman dan sa pei.

Zeremi 33:7

Mon pou fer Zida ek Izrael prospere, e mon pou rekonstri zot parey zot ti ete avan.

Zeremi 33:9

Alor, i ava en gran plezir pour mwan pronons sa non: Zerizalenm. Sa lavil pou fer mon loner e mon pou fyer devan tou bann pep lo later. Sak nasyon pou tranble avek lafreyer kan zot ava antann tou sa bann bon keksoz ki mon fer pour pep Zerizalenm e koman mon'n fer sa lavil prospere.

Zeremi 39:12

Al sers Zeremi e pran byen swen avek li. Pa fer li dimal, me tret li parey i ava demann ou.

Zeremi 42:10

Si zot kontinyen reste dan sa pei, alor mon ava rekonstri zot pep, mon pa pou detri li. Olye derasin zot, mon ava replant zot, akoz mon regret tou sa maler ki mon'n fer tonm lo zot.

Ezekyel 36:24

Mon pou retir zot parmi bann nasyon; mon pou rasanble zot dan tou bann pei kot zot ete e anmenn zot dan zot pei.

Amos 9:14

Mon pou fer mon pep Izrael retourn dan son pei. Zot ava rekonstri bann lavil ki'n ganny detri e reste ladan. Zot ava plant pye rezen e zot ava bwar diven. Zot ava kiltiv bann zarden e manz zot fri.

Deterononm 11:12

en pei ki SENYER, ou Bondye i pran swen avek. Lizye SENYER, ou Bondye i touzour lo li, depi konmansman lannen ziska lafen lannen.

1 Pyer 3:12

Annefe, lizye Senyer i fikse lo bann zis. Son zorey i ouver pour ekout zot lapriyer. Me vizaz Senyer i tourn kont bann ki fer sa ki mal.