Zeremi 24:10 - Labib An Kreol Seselwa

¹⁰ Mon pou anvoy lager, lafanmin ek lepidemi lo zot, ziska zour pou nepli annan en sel parmi zot ki reste vivan dan sa pei ki mon ti donn zot zanset ek zot menm.

Zeremi 24:10 ပူးပေါင်းရင်းမြစ်များ

1 Rwa 14:15

SENYER pou frap Izrael. I pou parey en tiz ki balanse dan delo; i pou aras Izrael dan sa bon teritwar ki i'n donn son bann zanset, e i pou dispers li lo lot kote larivyer Efrat, akoz zot in provok lakoler SENYER avek bann ros sakre ki zot in fer.

Ezai 51:19

Sa de maler ki'n ariv ou lekel ki pou senpatiz avek ou? Devastasyon ek destriksyon lafanmin ek lager, lekel ki pou konsol ou?

Zeremi 14:12

Menm si zot fer en zenn, mon pa pou ekout zot lapriyer; menm si zot ofer mwan bann sakrifis konplet ek lofrann vezetal, mon pa pou aksepte. O kontrer, mon pou detri zot par lager, lafanmin ek lepidemi.”

Zeremi 15:2

Si zot demann ou kote fodre zot ale, dir zot: Serten in destinen pour mor par maladi zot ava mor par maladi. En bann pou ganny masakre. En bann pou mor par lafanmin. En bann pou ganny deporte.

Zeremi 16:4

Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Zeremi 19:7

Mon pou detri tou bann plan ki zabitan Zida ek Zerizalenm i annan pour sa landrwa. Mon pou les zot lennmi masakre zot. Mon pou donn zwazo ek zannimo sovaz zot kadav pou manze.

Zeremi 21:9

Tou dimoun ki ava reste dan lavil pou ganny masakre oubyen mor par lafanmin, oubyen par lepidemi. Me sa bann parmi zot ki ava sorti e ki ava rann zot avek bann Babilonyen ki pe anserkle lavil, zot pa pou ganny touye. Omwen, zot ava'n kapab sov zot lavi.

Zeremi 27:8

Si en nasyon oubyen en rwayonm i refize soumet li anba lerwa Naboukodonozor, lerwa Babilonn; si i refize met son likou anba fardo lerwa Babilonn, alor mon pou pini sa nasyon par lager, lafanmin, lepidemi, ziska ki i ava'n detri li konpletman, SENYER i deklare.

Zeremi 29:17

La sa ki SENYER liniver i deklare: Mon pe anvoy lager, lafanmin ek lepidemi lo zot, e mon pou fer zot vin parey bann fig ki'n pouri pour manze.

Zeremi 29:18

Mon pou kontinyen pourswiv zot avek lager, lafanmin e lepidemi, de sort ki tou bann rwayonm lo later ava tranble avek lafreyer kan zot ava war tousala. Partou kot mon pou dispers zot, dimoun pou soke e zot pou per kan zot ava war sa ki'n ariv zot. Dimoun pou mepriz zot e zot non pou vin en malediksyon.

Zeremi 32:24

Bann Babilonyen pe mont zot latak, pre avek lavil ki zot pou pran. Lager, lafanmin ek lepidemi pou fer lavil tonm dan zot lanmen. Parey ou war, tou sa ki ou ti dir pe ganny realize.

Zeremi 32:25

Zerizalenm i pre pour li al tonm dan lanmen bann Babilonyen. Akoz alor, Senyer BONDYE, ou ti ordonn mwan aste sa morso later dan Anatot e pey son pri devan temwen?

Zeremi 34:17

Alor, la sa ki SENYER i deklare: Zot pa'n obei mwan, akoz zot pa'n liber zot frer e zot prosen, parey mon ti'n ordonn zot. Pour sa rezon, mon pou rann ou lib: Ou pou lib pour ou ganny detri dan lager, par lepidemi ek lafanmin. SENYER ki deklare. Alor, tou bann rwayonm lo later pou tranble avek lafreyer kan zot ava war ou.

Zeremi 42:17

Tou lepep ki ava'n deside al enstal zot Lezip, pou mor swa par lager, swa par lafen, swa par lepidemi. Maler ki mon pou fer tonm lo zot pa pou eparny personn.

Zeremi 42:22

Alor, zot devre konnen ki zot pou mor par lager, lafanmin e par lepidemi dan sa pei kot zot oule al reste.

Zeremi 5:12

Sa pep in renye mwan. In dir: SENYER pa pou fer nanryen. Napa okenn maler ki pou tonm lo nou. Nou pa pou soufer ni lager ni lafanmin.

Zeremi 9:15

Alor, ekout byen sa ki mwan, SENYER liniver, Bondye Izrael, mon pou fer: Mon pou donn sa pep en plant anmer pour li manze e delo anpwazonnen pour li bwar.

Zeremi 9:16

Mon pou anvoy li annegzil dan en kantite pei diferan ki ni li, ni son zanset pa'n deza antann koze. Mon pou anvoy bann gerye kont li ziska ki mon ava'n detri li konpletman.

Ezekyel 33:27

Dir zot: La sa ki Senyer BONDYE i deklare: Osi vre ki mon vivan, bann ki reste dan bann lavil devaste pou ganny masakre. Sa bann ki dan lakanpanny pou ganny devore par zannimo sovaz. Bann ki pe kasyet dan montanny e dan bann kavern pou mor par lepidemi.

Ezekyel 6:11

La sa ki Senyer BONDYE i deklare: Bat lanmen, pile, kriye: Ayoyo! Akoz sa bann aksyon degoutan pep Izrael, zot pou ganny touye par lager, lafanmin ek lepidemi.

Ezekyel 7:15

Lepe pou deor e lepidemi ek lafanmin pou anndan. Sa enn ki dan laplenn pou ganny masakre; sa enn ki dan lavil pou ganny devore par lafanmin ek lepidemi.

Deterononm 28:21

SENYER pou anvoy maladi apre maladi lo ou, ki pou fer ou deperi, ziska ki ou ava disparet dan sa pei kot ou pe ale pour ou pran posesyon.

Revelasyon 6:8

Mon ti war en seval kouler pal. Sa enn ki ti pe mont sa seval ti apel Lanmor, e lemonn lanmor ti pe swiv li. Zot ti ganny pouvwar lo en kar later, pour touy dimoun par lepe, lafanmin, lepidemi, e par zannimo sovaz.