Zeremi 23:8 - Labib An Kreol Seselwa

⁸ me: Mon fer serman par SENYER ki vivan, ki'n fer pep Izrael sorti dan pei Nor e partou dan lezot pei kot i ti sas zot, e in fer zot retourn lo zot prop later.

Zeremi 23:8 ပူးပေါင်းရင်းမြစ်များ

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 14:1

Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Zeremi 16:14

La sa ki SENYER i deklare: Lontan, kan zot ti fer serman, zot ti dir: Mon promet lo non SENYER ki vivan, ki'n fer pep Izrael sorti Lezip. Me sa zour pe vini kan zot pou dir:

Zeremi 16:15

Mon promet lo non SENYER ki vivan, ki'n fer pep Izrael sorti dan pei Nor e dan lezot pei kot in dispers zot. Wi, mwan, mon pou fer zot retourn lo later ki mon ti'n donn zot zanset.

Zeremi 23:3

Mwan menm ki pou rasanble leres mon troupo, dan tou sa bann pei kot mon'n sas zot; mon pou fer zot retourn dan zot pei kot zot ava fer bokou zanfan.

Zeremi 29:14

Mon pou les ou trouv mwan, e mon pour fer ou retourn dan ou pei, SENYER i deklare. Mon pou rasanble ou depi dan tou bann nasyon e partou kot mon ti'n sas ou. Mon pou fer ou retourn isi kot mon ti tir ou pour al annegzil, SENYER ki deklare.

Zeremi 30:10

Zakob mon serviter! Pa bezwen per! SENYER i deklare. Izrael! Pa bezwen perdi kouraz! Mon pou vin sov ou, lwen depi kot ou ete, e ou desandans dan pei kot i an kaptivite. Zakob pou retournen; i pou viv trankil e dan lape; i pou an sekirite e personn pa pou vin fer li per.

Zeremi 30:3

Sa zour pe vini kan mon pou fer mon pep Izrael ek Zida retournen e repran posesyon sa pei ki mon ti'n donn zot zanset. Mwan, SENYER, mon deklare.

Zeremi 31:8

Annefe, mon pou fer zot retournen depi bann pei dan Nor, e rasanble zot depi pei pli lwen lo later. Tou dimoun pou la: Bann aveg, bann ki bwete, fanm ansent e fanm ki pe ganny zanfan. Sa pou en gran lasanble ki pou retourn isi.

Zeremi 32:37

Mon pou rasanble zot depi tou bann pei kot mon ti'n dispers zot dan mon lakoler. Mon pou fer zot retourn isi kot zot ava viv an sekirite.

Zeremi 8:3

Leres sa move nasyon ki viv la kot mon'n ti dispers zot, pou prefere lanmor plito ki lavi, SENYER liniver i deklare.

Ezekyel 28:25

La sa ki Senyer BONDYE i deklare: Mon pou rasanble pep Izrael parmi bann nasyon partou kot zot ti ganny disperse. La ki mannyer mon pou montre tou bann nasyon ki mwan menm sa Bondye sen. Pep Izrael pou etabli li dan son prop pei ki mon ti donn mon serviter Zakob.

Ezekyel 34:13

Mon pou retir zot parmi bann nasyon etranze; mon pou rasanble zot e ranmenn zot dan zot pei. Mon pou nouri zot lo bann montanny Izrael, dan bann vale partou dan meyer landrwa, dan sa pei.

Ezekyel 36:24

Mon pou retir zot parmi bann nasyon; mon pou rasanble zot dan tou bann pei kot zot ete e anmenn zot dan zot pei.

Ezekyel 36:35

Zot pou dir: Sa later devaste in vin koman zarden Edenn; bann lavil detri e abandonnen, aprezan, in ganny rekonstri e repeple.

Ezekyel 37:25

Zot pou reste dan sa pei ki mon'n donn mon serviter, Zakob, la kot zot bann zanset ti reste. Zot pou reste dan sa pei avek zot zanfan ek zanfan zot zanfan, pour touzour. Mon serviter David ava vin zot lerwa pour touzour.

Ezekyel 39:28

Zot ava konnen ki mwan menm SENYER, zot Bondye. Apre ki mon'n deport zot dan pei etranze, mon pou rasanble zot lo later Izrael. Mon pa pou kit personn deryer.

Zoel 3:7

Me aprezan, mon pou retir zot la kot zot in ganny vann. Mon pou fer zot forfe retonm lo zot.

Mise 7:15

Mon pou fer li war bann mervey parey dan lepok ki ou ti sorti Lezip.

Sofoni 3:20

La sa ki SENYER i deklare: Dan sa letan, mon pour fer zot retournen; dan sa letan, mon pou rasanble zot. Mon pou sanz zot sityasyon devan zot lizye. Mon pou donn zot en renonmen e elev zot loner parmi bann nasyon.