Zeremi 23:16 - Labib An Kreol Seselwa

¹⁶ La sa ki SENYER liniver i deklare: Pa ekout parol bann profet. Pa les zot tronp ou avek en bann fo promes. Sa ki zot pe dir i zot prop lenvansyon; zot pa pe anons mesaz sorti kot SENYER.

Zeremi 23:16 ပူးပေါင်းရင်းမြစ်များ

1 Rwa 22:11

Sedesyas, garson Kenaana, ki fabrik korn an fer ti dir, “La parol ki SENYER i deklare: Avek sa, ou ava atak bann Siriyen ziska ki ou detri zot.”

2 Rwa 17:15

Zot ti'n rezet son bann regleman, lalyans ki i ti'n fer avek zot bann zanset, ek bann avertisman ki i ti'n donn zot. Zot ti'n swiv bann lobze ki pa vo nanryen e zot menm zot in perdi zot valer. Zot ti swiv koutim bann nasyon otour zot, e ki SENYER Bondye ti'n defann zot imite.

2 Kronik 18:5

Alor, lerwa Izrael ti rasanble 400 profet. I ti demann zot, “Dir nou, wi ou non: Eski nou devre al lager kont Ramot-Galaad, wi ou non?” Sa bann profet ti reponn, “Wi, ale. Bondye pou livre sa lavil dan lanmen lerwa.”

Proverb 19:27

Mon garson! Si ou aret ekout bann konsey, ou pa pou aprann nanryen.

Zeremi 14:14

SENYER ti reponn mwan, “Bann profet pe servi mon non pour koz mansonz. Mon pa'n anvoy zot koz dan mon non; mon pa'n donn zot okenn lord; mon pa'n koz okenn parol avek zot. Bann vizyon ki zot dir zot in ganny pa sorti kot mwan. Tou zot bann fo mesaz i sorti dan zot limazinasyon e pa fer okenn sans.”

Zeremi 2:5

La sa ki SENYER i deklare: Ki zot zanset i annan kont mwan ki'n fer zot kas relasyon avek mwan, pour zot al ador bann zidol initil e rann zot menm initil?

Zeremi 23:21

Mon pa'n anvoy okenn sa bann profet, pourtan zot pe taye. Mon pa ti donn zot okenn mesaz; me zot in koz an mon non.

Zeremi 23:26

Sa pa kapab kontinyen pour lontan ankor. Zot pa kapab kontinyen senm sa bann mansonz ki zot fabrike zot menm!

Zeremi 29:23

Tousala pou arive, akoz zot in fer en keksoz degoutan dan Izrael: Zot in komet adilter avek fanm zot vwazen e zot in koz manti lo mon non, bann parol ki mon pa ti'n ordonn zot. Mon konnen, e mon temwen tousala. SENYER ki deklare.

Zeremi 29:8

Annefe, la sa ki SENYER liniver, Bondye Izrael i deklare: Pa les zot ganny anbete par bann profet ki viv parmi zot, ni par okenn sa bann ki dir zot kapab anons lavenir atraver en rev.

Zeremi 9:12

Eski i annan en dimoun saz pour eksplike akoz sa pei in ganny devaste, e akoz in vin sek parey en dezer kot personn nepli pase?

Zeremi 9:20

Mon ti dir: Zot bann fanm! Ekout sa ki SENYER i deklare: Ouver zot zorey pour resevwar parol ki sorti dan son labous. Aprann sa kantik avek zot bann fiy sa lamantasyon avek kanmarad.

Lamantasyon 2:9

Bann gran laport in ganny met ater. Bann fermtir in ganny kase an morso. Lerwa ek son bann zofisye in ganny anvoye annegzil. Lalwa nepli ganny ansennyen; bann profet nepli ganny vizyon sorti kot SENYER.

Ezekyel 13:16

sa bann profet ki ti koz lo Zerizalenm e ki par zot vizyon, ti anonse ki tou i byen, kan nanryen pa ti pe marse. Senyer BONDYE ki'n deklare.

Ezekyel 13:23

Aprezan, zot pou nepli ganny sa bann fo vizyon, ni bann prediksyon. Mon pou delivre mon pep ki anba zot pouvwar. Alor, zot ava konnen ki mwan menm SENYER.

Ezekyel 13:3

La sa ki Senyer BONDYE i deklare: Maler lo zot, bann profet fou ki swiv zot prop lenspirasyon, san ganny okenn vizyon.

Ezekyel 13:6

Zot vizyon in ganny envante, zot prediksyon i en bann mansonz. Zot dir: SENYER in deklare, kan SENYER pa'n anvoy zot e zot ekspekte zot parol realize.

Ezekyel 22:28

Zot bann profet i kasyet tousala anba en kous lapentir. Zot rakont fo vizyon ek mansonz ki zot envante. Zot dir: La sa ki Senyer BONDYE in dir, alor ki SENYER pa'n dir nanryen.

Mise 2:11

Si en dimoun i pas letan envant mansonz, e anonse: Zot pou ganny diven ek labwason for! Sanmenm kalite profet ki sa pep i oule!

Matye 7:15

Mefye zot bann fo profet. Zot vin kot ou degize dan lapo mouton, me anndan, zot en bann loulou feros.

Romen 1:21

Zot konn Bondye, me zot napa okenn respe pour li; zot pa ni menm remersye li koman i fodre. O kontrer zot in vin konpletman fou, e zot lespri san disernman i dan teneb.

1 Zan 4:1

Mon bann zanmi! Pa bezwen krwar tou sa bann ki pretann ki zot posed Lespri. Teste zot dabor pour konnen si sa lespri i sorti kot Bondye. Annefe, i annan bokou fo profet dan lemonn.