Zeremi 23:13 - Labib An Kreol Seselwa

¹³ Mon'n war pese ki bann profet dan Samari ti fer: Zot ti profetize lo non Baal e zot in anmenn Izrael, mon pep, lo move semen.

Zeremi 23:13 ပူးပေါင်းရင်းမြစ်များ

1 Rwa 18:40

Eli ti dir zot, “Sezi sa bann profet Baal; pa les en sel sove.” Zot ti atrap sa bann profet; Eli ti anmenn zot kot larivyer Kisonn kot i ti egorz zot.

2 Kronik 33:9

Me Manase ti fer egare bann zabitan Zida ek Zerizalenm pour fer ankor pir ki bann nasyon ki SENYER ti detri pour donn plas Izrael.

Ezai 9:16

Bann dirizan sa pep in anmenn zot lo move semen; dimoun in ekout zot in tonm dan konfizyon.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 23:32

Mon pou atak sa bann profet ki rakont bann fo rev avek mon pep e dir ki zot in ganny en mesaz sorti kot mwan, SENYER i deklare. Par zot bann mansonz, zot pe tronp mon pep SENYER i deklare. Zanmen mon'n anvoy zot, zanmen mon'n donn zot okenn lord pour ale. Zot pa kapab rann okenn servis mon pep, SENYER i deklare.

Zeremi 36:2

Pran en liv e ekri tou sa bann parol ki mon ti dir ou lo Izrael, Zida ek tou bann nasyon, depi lepok Zozyas ziska ozordi.

Oze 4:11

Diven ek diven nouvo i fer perdi latet.

Oze 4:12

Mon pep i kestyonn son morso dibwa; son baton mazik ki donn li larepons. En divan prostitisyon in soufle lo zot e i'n fer zot egare. Zot in tonm dan prostitisyon akoz zot in elwannyen avek zot Bondye.

Mise 1:5

Tousala i arive akoz pese Zakob, e akoz pese pep Izrael. Ki fot desandan Zakob in fer? Pa Samari? Lekel ki koupab pour lenfidelite dan Zida? Pa Zerizalenm?