Zeremi 22:9 - Labib An Kreol Seselwa

⁹ Alor zot pou reponn: Akoz zot in abandonn lalyans ki zot in fer avek SENYER, zot Bondye; akoz zot in al ador e servi bann fo bondye.

Zeremi 22:9 ပူးပေါင်းရင်းမြစ်များ

1 Rwa 9:8

Sa lakaz pou tonm anrin; tou sa ki pou pas par la pou sirprann, soufle avek letonnman. Zot ava dir: Akoz SENYER in azir konmsa kont sa pei ek sa Lakaz?

2 Rwa 22:17

Akoz zot in abandonn mwan e ofer lansan devan lezot bondye, en tel pwen ki zot in ofans mwan par tou sa ki zot in fer, mon lakoler kont sa landrwa in monte, e i pa pou kalme.

2 Kronik 34:25

Akoz zot in abandonn mwan e zot in ofer lansan devan lezot bondye, zot in fer monte mon lakoler par zot bann aksyon. Alor, mon lakoler pou tonm lo sa lavil e i pa pou kalme.

Zeremi 11:10

Zot in retourn dan fot zot zanset ki ti refize obei mwan. Zot in al ador bann bondye etranze. Izrael ek Zida in kas sa lalyans ki mon ti fer avek zot zanset.

Zeremi 11:3

La sa ki SENYER, Bondye Izrael i deklare: Sa enn ki pa obei kondisyon sa lalyans pou ganny modi.

Zeremi 16:11

Alor ou ava dir zot, la sa ki SENYER i deklare: Sa i akoz zot bann zanset in abandonn mwan pour zot al ador e servi bann fo bondye. Zot in abandonn mwan e zot pa'n obei mon komannman.

Zeremi 50:7

Zot in ganny devore par tou dimoun ki war zot. Zot bann lennmi ti dir: Nou pa'n fer nanryen mal, akoz sa bann zans in komet pese kont SENYER ki zot vre berze, lespwar zot bann zanset.

Zeremi 9:13

SENYER ti reponn: Sa in arive akoz mon pep in abandonn mon lalwa ki mon ti donn li. I pa'n obei mwan e i pa'n swiv sa ki mon ti demann li.

Ezekyel 12:16

Me mon pou eparny en pe zonm parmi zot ki pou sape dan lager, lafanmin ek lepidemi, pour ki zot rakont partou dan pei kot zot ale, tou zot bann pratik degoutan ki zot in komet. Alor, bann zabitan ava konnen ki mwan menm SENYER.

Ezekyel 14:23

Ou ava ganny konsole, kan ou ava war zot konportman. Alor, ou ava konpran ki mon ti annan rezon azir dan sa fason kont li. Senyer BONDYE ki deklare.

Ezekyel 39:23

Bann nasyon etranze ava konnen ki pep Izrael ti ganny deporte akoz son pese, son lenfidelite anver mwan. Mon'n detourn mon vizaz avek zot e mon'n abandonn zot dan lanmen zot lennmi ki'n masakre zot.

Ezekyel 5:15

Kan mon pou egzekit mon zizman avek tou mon gran lakoler, mon pinisyon pou terib. Bann nasyon dan zalantour pou monk zot e ensilte zot. Zerizalenm pou vin en lavertisman e en lafreyer pour bann nasyon. Mwan SENYER ki deklare.

Deterononm 29:24

Alor, tou bann nasyon ava demande: Akoz SENYER in fer sa avek sa pei? Kwa ki'n fer monte en si gran lakoler?