Zeremi 22:25 - Labib An Kreol Seselwa

²⁵ Mon pou livre ou dan lanmen bann ki anvi touy ou, ki fer ou tranble ek lafreyer: Naboukodonozor, lerwa Babilonn ek son bann gerye.

Zeremi 22:25 ပူးပေါင်းရင်းမြစ်များ

2 Kronik 36:10

Dan konmansman lannen, lerwa Naboukodonozor ti anvoy sers Yoyakin pour anmenn li Babilonn avek bann lobze presye dan tanp SENYER. I ti swazir son frer, Sedesyas, koman lerwa lo Zida ek Zerizalenm.

Proverb 10:24

Sa ki en malfeter i per, pou tonm lo li. Sa ki en zis i swete, i resevwar.

Zeremi 21:7

SENYER ti deklare: Kanta Sedesyas, lerwa Zida ek son bann sef ek tou dimoun ki'n sirviv lafanmin, lepe ek lepidemi, mon pou livre zot dan lanmen lerwa Naboukodonozor ek bann lennmi ki oule touy zot. Naboukodonozor pou masakre zot tou. I pa pou eparny personn, ni montre konpasyon oubyen pitye anver personn.

Zeremi 22:28

Dimoun i demande: Eski Yoyakim in vin parey en gargoulet kase, ki'n ganny zete akoz i initil? Akoz li ek son bann zanfan, zot in ganny deporte dan en pei ki zot pa konnen?

Zeremi 27:6

Mwan menm ki'n met tou bann nasyon anba pouvwar mon serviter, Naboukodonozor, lerwa Babilonn. Mon'n menm met tou bann zannimo sovaz anba son pouvwar pour servi li.

Zeremi 38:16

Alor, an sekre, lerwa Sedesyas ti fer sa promes avek Zeremi, “Mon fer serman, devan SENYER ki vivan, ki'n donn nou lavi: Mon pa pou fer ou ganny touye, e mon pa pou livre ou dan lanmen sa bann zonm ki oule touy ou.”