Zeremi 22:24 - Labib An Kreol Seselwa

²⁴ La sa ki ou ava dir lerwa Yoyiakim, garson lerwa Yoyiakim, lerwa Zida: Osi vre ki mwan SENYER, mon vivan, mon deklare: Si ou ti sa bag ki lo mon lanmen drwat, mon ti pou tir li.

Zeremi 22:24 ပူးပေါင်းရင်းမြစ်များ

2 Rwa 24:12

Alor, Yoyakin, lerwa Zida, ti rann son lekor avek lerwa Babilonn, ansanm avek son manman, son bann zonm, bann sef ek tou bann o zofisye. Lerwa Babilonn ti fer li prizonnyen dan wityenm lannen son renny.

2 Rwa 24:15

I ti anvoy Yoyakin annegzil Babilonn. I ti osi anmenn manman lerwa, bann fanm lerwa, son bann o zofisye ek bann dimoun enportan dan pei, annegzil sorti Zerizalenm pour Babilonn.

1 Kronik 3:16

La bann desandan Yoyakim: Yekonya son garson; Sedesyas son garson.

2 Kronik 36:9

Yoyakin ti annan 8 an, ler i ti vin lerwa. I ti renny pandan trwa mwan ek dis zour dan Zerizalenm. I ti fer sa ki ti depler SENYER.

Kantik Salomon 8:6

Met mwan koman en bizou presye lo ou leker, koman en brasle grave lo ou lebra; akoz lanmour i for parey lanmor; lapasyon i osi kriyel; i retenir dan latonm. Son lafyev i brile parey en dife; i tonm parey zekler.

Ezai 49:16

La mon grav ou non dan mon de plak lanmen. Mon pa pou tir mon lizye lo ou bann miray.

Zeremi 13:18

Al dir lerwa ek son manman: Sorti lo tronn, akoz ou zoli kouronn in tonbe.

Zeremi 22:28

Dimoun i demande: Eski Yoyakim in vin parey en gargoulet kase, ki'n ganny zete akoz i initil? Akoz li ek son bann zanfan, zot in ganny deporte dan en pei ki zot pa konnen?

Zeremi 22:6

Annefe, la sa ki SENYER i deklare kont pale lerwa Zida: Pour mwan, ou osi zoli ki lafore Galaad, ki latet montanny Liban. Me san fot, mon pou fer ou vin en dezer, en lavil san zabitan.

Zeremi 24:1

Dan en vizyon, SENYER ti montre mwan de pannyen fig ki ti'n ganny plase devan tanp SENYER. Sa ti arive apre ki Naboukodonozor, lerwa Babilonn, ti'n pran Yoyakin, garson Yoyakim, lerwa Zida, avek bann zofisye dan rwayonm, bann forzron ek bann artizan ek bann travayer kalifye koman prizonnyen, e anvoy zot depi Zerizalenm annegzil Babilonn.

Zeremi 28:4

Mon pour osi fer Yoyakin, garson Yoyakim ek lerwa Zida, retourn avek tou bann zabitan Zida ki ti'n al annegzil Babilonn. Wi, mon pou kas sa fardo ki lerwa Babilonn ti'n met lo zot, SENYER ki deklare.

Zeremi 29:2

Zeremi ti anvoy sa let apre ki lerwa Yoyakim, son manman, bann zofisye enportan, bann sef Zida ek Zerizalenm, bann artizan e bann travayer kalifye ti'n ganny deporte.

Zeremi 37:1

Naboukodonozor, lerwa Babilonn, ti'n enstal Sedesyas garson Zozyas, koman lerwa dan plas Yoyakin, garson Yoyakim.

Agze 2:23

Me sa zour, mon pou pran ou, mon serviter Zorobabel, garson Sealtiel e fer ou vin parey en sele personnel, akoz mon'n swazir ou. SENYER liniver ki deklare.