Zeremi 22:23 - Labib An Kreol Seselwa

²³ Ou pou viv trankilman dan lakaz fer avek dibwa sed sorti Liban, ler soufrans pou sezi ou. Ou pou kriye parey en fanm dan douler lakousman.

Zeremi 22:23 ပူးပေါင်းရင်းမြစ်များ

Zeremi 21:13

Mon kont zot ki reste dan vale, la kot bann ros i plat, SENYER i deklare. Annefe, zot dir: Personn pa pou kapab desann pour atak nou ni penetre dan nou landrwa kasyet.

Zeremi 22:6

Annefe, la sa ki SENYER i deklare kont pale lerwa Zida: Pour mwan, ou osi zoli ki lafore Galaad, ki latet montanny Liban. Me san fot, mon pou fer ou vin en dezer, en lavil san zabitan.

Zeremi 3:21

Tapaz ki sorti lao dan kolin, i lavwa bann zanfan Izrael ki pe plere e ki pe sipliye. Zot in oubliy mwan, SENYER zot Bondye e zot in pran en move semen.

Zeremi 48:28

Zabitan Moab! Kit bann lavil, al reste dan bann kap ros. Fer parey bann pizon ki fer zot nik dan lantre presipis.

Zeremi 49:16

Ou larogans i fer ou krwar ki tou dimoun i per ou. Me ou tronpe. Ou reste lao lo latet montanny, dan bann trou ros; me menm si ou viv la anler parey bann leg, mon pou fer ou desann, SENYER i deklare.

Zeremi 6:24

Bann zabitan Zerizalenm ti dir: Kan nou ti antann sa nouvel, nou ti perdi kouraz, nou lagorz ti sere. Nou ti soufer parey en fanm ki pe akouse.

Ezekyel 17:3

Dir zot: La sa ki Senyer BONDYE i deklare: Ti annan en gro leg, avek gran lezel, plim epe toudsort kouler. I ti anvol dan montanny Liban e kas leker bann pye sed.

Oze 5:15

Mon pou ale, mon pou retourn kot mwan, ziska zot avoue ki zot koupab e rod mwan. Dan zot maler, zot pou retourn ver mwan.

Oze 7:14

Zot pa apel mwan avek zot leker; me zot kriye lo zot lili; zot sizle zot lekor pour ganny diven ek dible; zot revolte kont mwan.

Amos 9:2

Si zot al kasyet parmi bann dimoun mor, mon pou al sers zot. Si zot mont ziska dan lesyel, mon pou fer zot desann.

Abdyas 1:4

Menm si ou fer ou demer anler parey en leg, menm si ou al viv parmi bann zetwal, mon pou fer ou desann.

Habakouk 2:9

Maler lo sa enn ki fer profi malonnet pour son fanmir. I permet li plas son nik lao dan oter, pour ki maler pa tous li.

Nonm 24:21

Balaanm ti osi war bann Kenit. I ti fer son prediksyon: Zot pli solid e an sekirite; zot nik in ganny poze lo ros.