Zeremi 22:21 - Labib An Kreol Seselwa

²¹ Mon ti averti ou kan tou ti pe al byen pour ou. Me ou ti dir: Mon pa tande. Ou'n touzour azir konmsa depi ou ti ankor pti. Ou pa'n zanmen oule obei mwan, ou SENYER.

Zeremi 22:21 ပူးပေါင်းရင်းမြစ်များ

2 Kronik 33:10

SENYER ti koz avek lerwa Manase ek son pep, me zot pa ti pran okenn ka.

Psonm 129:1

Depi mon lazenes, mon lennmi in martiriz mwan. Izrael! Repete!

Proverb 30:9

Annefe, si mon vin tro ris, mon riske trai ou e dir: Lekel li SENYER? E si mon vin tro pov, mon kapab vin en voler. Alor, mon pou nepli annan respe pour non Bondye.

Ezai 48:8

Zanmen ou'n tande, zanmen ou'n konnen; depi lontan, ou zorey in reste bouse. Akoz mon ti konnen ki ou pa ti en tret e ki depi avan ou nesans, zot apel ou en rebel.

Zeremi 13:10

Zot en pep rebel ki refize obei mwan. Dan zot lantetman, zot in kontinyen swiv zot prop dezir; zot in kontinyen ador e servi lezot bondye. Alor, zot pou vin parey sa sang ki nepli bon pour nanryen.

Zeremi 19:15

La sa ki SENYER liniver, Bondye Izrael i deklare: Mon pe fer vin lo sa lavil e lo bann vilaz zalantour tou sa bann maler ki mon ti'n anonse kont li, akoz bann zabitan i antete e zot in refize ekout mon parol.

Zeremi 2:25

Izrael! Fer atansyon ou pou fini san sandal e lagorz sek. Me ou dir: I'n tro tar pour mwan sanze; mon kontan bann bondye etranze mon pa kapab aret swiv zot.

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Zeremi 25:3

Pandan 23 an, depi trezyenm lannen ki Zozyas, garson Amonn ti lerwa Zida ziska ozordi, SENYER in koz avek mwan, e mon'n touzour transmet zot son mesaz. Me zot pa'n oule ekoute.

Zeremi 25:4

SENYER pa'n zanmen arete anvoy zot son bann serviter, bann profet. Me zot pa'n oule ekoute, ni port atansyon.

Zeremi 25:7

Me zot in refize ekout mwan, SENYER i deklare. Olye, zot in fer mwan ankoler avek zot bann fo bondye ki zot in fabrike. Alor, i zot prop lafot si zot ganny pini.

Zeremi 25:8

La sa ki SENYER liniver i deklare: Akoz ou pa'n oule ekout mwan,

Zeremi 3:24

Depi dan nou lazenes, sa bann pratik onte in kout nou bann zanset zot betay ek zot bann zanfan ki zot in ofer devan Baal.

Zeremi 3:25

Annou kasyet dan nou laont e ganny kouver avek dezoner. Annefe, depi nou lanfans, nou, avek nou paran, nou pe komet pese anver SENYER, nou Bondye. Nou pa'n ekout sa ki SENYER nou Bondye ti'n dir nou.

Zeremi 32:30

Depi zot lazenes, pep Izrael ek pep Zida in fer zis sa ki mal ki mon pa kontan. Izraelit in pas zot letan provok mon lakoler par tou zot bann aksyon degoutan.

Zeremi 35:15

Mon'n touzour anvoy bann profet, mon bann serviter, pou dir zot: Sakenn parmi zot, abandonn zot move lavi, sanz zot konportman; aret ador lezot bondye. Alor, zot ava reste dan sa pei ki mon'n donn zot ek zot zanset. Me zot pa'n ekoute, ni pran ka.

Zeremi 48:11

Depi son zenes, Moab in touzour viv trankilman. Zanmen in ganny anvoye annegzil. Moab i parey diven ki son lanmar in poze. Zanmen in ganny vide dan diferan resipyan. I pa'n zanmen perdi son parfen. In gard son bon gou.

Zeremi 6:16

La sa ki SENYER deklare: Aret en kou; plas ou lo krwaze semen; demande oli sa semen lontan, sa bon semen, swiv li e ou ava viv dan trankilite. Me zot in dir: Non! Nou pa pou swiv sa semen!

Ezekyel 20:13

Me pep Izrael ti revolte kont mwan dan dezer. Zot pa ti swiv mon bann lalwa e zot ti rezet mon bann regleman ki zonm devre obei pour viv. Zot in montre mepri pour mon saba. Dan mon lakoler, mon ti anvi detri zot dan dezer.

Ezekyel 20:21

Me sa bann zanfan ti revolte kont mwan, zot pa ti obei mon bann lalwa; zot pa ti swiv mon bann regleman ki zonm i devre obei pour viv. Me zot in profann mon saba. Alor, mon ti'n pare pour tir mon gran lakoler san okenn kontrol lo zot dan dezer.

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Ezekyel 20:8

Me zot ti revolte kont mwan e refize ekout mwan. Personn pa'n oule abandonn sa bann lobze degoutan ki ti atir zot lizye, ni rezet bann zidol Ezipsyen. Alor, mon ti annan lentansyon tir mon gran lakoler lo zot san okenn pitye e les zot ale ziska Lezip.

Sofoni 3:2

I pa'n ekout personn; i'n refize ganny korize. I pa'n met son konfyans dan SENYER; i pa'n oule apros kot son Bondye.

Zakari 7:7

Pa sanmenm sa mesaz ki SENYER ti fer konnen par lentermedyer son bann ansyen profet. Dan sa letan bann zabitan Zerizalenm ti dan lape e latrankilite avek bann lavil dan zalantour, e Negev ek Sefela ti annan zabitan.

Deterononm 31:27

Mon konnen koman ou ti rebel e antete. Si zot in rebel kont SENYER letan mon ankor vivan parmi zot, zot pou fer pir ankor, apre mon lanmor!

Deterononm 9:24

Depi ki mon konn zot, zot in revolte kont SENYER.

Deterononm 9:7

Fodre rapel e pa oubliye ki mannyer ou ti provok SENYER, ou Bondye dan dezer e ki ou ti fer li ankoler. Depi zour ou ti sorti Lezip, ziska ou ti ariv isi, ou ti revolte kont SENYER.